Wikipedia

Indonesia

article nopo diti nga kokomoi the country. For other uses, see Indonesia (disambiguation).

Republik Indonesia, otutunan nogi sabaagi do Pogun Koisaan Republik Indonesia toi ko' Indonesia nopo nga iso pogun kopulauan tagayo id pomogunan, i poingiliu id tana tagayo do Asia Tenggara om Australia om id pialatan do Lautan Hindi om Lautan Pasifik. Indonesia nogi nga miwolit do Malaysia id Pulau Borneo, Papua New Guinea id Pulau Papua om Timor Leste id Pulau Timor. Pogun sombol nopo nga kaampai no Singapura, Filipina, Australia, wilayah India Kopulaun Andaman om Nicobar om Palau. Ibu negara om longkod pontadbiran Indonesia nopo nga id Jakarta.

Republik Indonesia
Republik Indonesia (Indonesian)
Flag of Indonesia
Flag
Motto: 
Bhinneka Tunggal Ika (Old Javanese)
"Unity in Diversity"
Anthem: Indonesia Raya
"Indonesia the Great"
National ideology:
Pancasila
(lit. 'Five principles')
Location of Indonesia (green)

in ASEAN (dark grey)  –  [Legend]

Capital
om kakadayan bobos agayo
Jakarta
6°10′S 106°49′E / 6.167°S 106.817°E / -6.167; 106.817
Boros rasmiIndonesian
Recognised regional languagesOver 700 languages[1]
Tinimungan etnik
Over 1,300 ethnic groups[2]
Ugama
(2023)
DemonimIndonesian
GovernmentUnitary presidential republic
• Presiden
Joko Widodo
Ma'ruf Amin
Puan Maharani
Muhammad Syarifuddin
Kotinanan perundanganPeople's Consultative Assembly (MPR)
• Upper house
Regional Representative Council (DPD)
• Lower house
People's Representative Council (DPR)
Independence 
from the Netherlands
17 August 1945
27 December 1949
Area
• Total
1,913,580[4] km2 (738,840 sq mi) (14th)
• Water (%)
4.85
Population
• 2023 civil registration estimate
Neutral increase 280,725,438[5] (4th)
• 2020 census
270,203,917[6]
• Density
143/km2 (370.4/sq mi) (90th)
GDP (PPP)2024 estimate
• Total
Increase $4.721 trillion[7] (7th)
• Per kapita
Increase $16,861[7] (96th)
GDP (nominal)2024 estimate
• Ginumu
Increase $1.476 trillion[7] (16th)
• Per kapita
Increase $5,271[7] (114th)
Gini (2024)Positive decrease 37.9[8]
medium
HDI (2022)Increase 0.713[9]
high · 112th
Mato tusinIndonesian rupiah (Rp) (IDR)
Zon timpuUTC+7 to +9 (various)
Date formatDD/MM/YYYY
Driving sideleft
Calling code+62
Kod ISO 3166ID
Internet TLD.id

Miampai soginumu 17,504 pulau, Indonesia nopo nga pogun kopulauan bobos tagayo id pomogunan. Miampai lobi kuang 279 riong mogigion di toun 2003, pogun diti nopo nga pogun kaapat di bobos togumu mogigiom om pogun miampai mogigion kiugama Silam i bobos tagayo id pomogunan. Pogun diti nopo nga pogun demokrasi kotolu bobos tagayo id pomogunan, kuasa serantau om roitan sabaagi kuasa pintangaan id suang do hal ehwal sompomogunan. Ekonomi Indonesia nopo nga ko-16 bobos tagayo id pomogunan tumanud do KDNK nominal om ko-7 bobos tagayo id PPP. Indonesia nopo nga republik, miampai parlimen om presiden i pilion miampai pointilombus.

Etimologi

simbanai
 
Wilayah i noiktiraf no sabaagi Indonesia timpu baino nopo nga minogoit do ngaran di misuai, miagal do "Hindia Timur" id suang pata 1855 diti.

Ngaran Indonesia nopo nga naanu mantad boros Yunani Purba, Indos (Ἰνδός) om nesos (νῆσος), i kirati do "Kopulauan India".[10] Tadon do ngaran diti nopo nga mantad abad ko-19, alaid po sobolum kinagabasan do Indonesia.[11] Antakan di toun 1850, George Windsor Earl, songulun surupu etnologi Inggiris, pinoposogu do istilah Indunesia nga lobi orohian isio kumaa Malayunesians i sumuku kumaa mogigion id "Kopulauan India toi ko' Kopulauan Melayu".[12] Id suang do torbitan di miagal, songulun mokiikinobos disio, i James Richardson Logan, minomoguno do Indonesia sabaagi sinonim montok Kopulauan India.[13][14] Hali pia miagal di, lungkitas Belanda i minonuat montok ponorbitan do Hindia Timur nopo nga mangada montok momoguno do Indonesia; orohian nogi yolo do momoguno ngaran Kopulauan Melayu (otutunan sabaagi Maleische Archipel id suang do boros Belanda).[15] Kalapas toun 1900, ngaran Indonesia nopo nga nokosiliu lobi umum montok tongolungkitas id labus do Belanda, om piipiro lungkitas id suang pogun montok ekspresi politik.[15]

Sajara

simbanai
Main article: Sejarah Indonesia
 
Soekarno, nopo nga Presiden Indonesia kumoiso id Indonesia

Id siriba do rahung ugama Hindu om Buddha, piipiro karajaan i nobontuk id pulou Sumatera om Jawa nokoumbal do nokodimpot kinalantayon miampai wilayah i pointongkop do pogun Malaysia om pulaou Mindanao maamaso timpu Majapahit mantad po di abad ko-7 gisom abad ko-14. Kinorikatan do dudumagang Arab mantad Gujarat, India minongigit do ugama Islam i nokosiliu sabaagi do ugama di bobos tagayo.

Maamaso nokorikot o tulun Eropah di kotimpuunon abad ko-16, nokobontol yolo do piipiro pogun tokoro. Pogun-pogun tokoro diti nopo nga ouhan montok onuon montok diolo i manu monguasai do pamadangan rempah. Maamaso abad ko-17, nokoimbulai o Belanda sabaagi do kuasa di bobos agaras id pialatan do pogun-pogun Eropah, minangala do British om Portugis (suai ko' montok tana sinangod diolo id Timor Kosilahon). Minonguasa o Belanda do Indonesia sabaagi tana jajahan diolo gisom do Pisangadan POgun II, id kotimpuunon nopo nga maya do Syarikat Hindia Timur Belanda (VOC), om potilombus nopo nga najajah miampai potilombus do Belanda mantad po di kotimpuunon abad ko-19.

Maamaso Pisangadan Pogun II, najajah o Belanda do Jerman, om nokuasa do Jepun o Indonesia. Kalapas minaganu do Indonesia di toun 1942, nokoilo o Jepun do tulun-tulun susumangod do Indonesia nopo nga tambalut pamadangan i manu miuhup om pointounda montok manahak do susumangod soira pokionuon. Soekarno, Mohammad Hatta, KH Mas Mansur, om Ki Hajar Dewantara nopo nga nonuan do pamagatangan mantad do Maharaja Jepun di toun 1943.

Maamaso di Gomot 1945, minombontuk o Jepun do iso jawatan kuasa montok kagabasan Indonesia; id siriba do panatalan kotinanan-kotinanan komulakan, tinimungan Pimpinan Soekarno nopo nga minongisytihar do kagabasan Indonesia kalapas notingkod o pisangadan Pasifik di toun 1945. Nosiliu i Soekarno do Presiden kumoiso Indonesia miampai i Mohammad Hatta sabaagi do monguunguhup presiden. Id suang do goos montok maganu kawagu do Indonesia, pinolintuhun do Belanda o angkatan tantara diolo. Goos-goos kiraha montok manalob kagabasan diti notutunan sabaagi 'tindakan polis' (Actie Politioneel). Id siriba do panatalan pisangadan tulun ginumuan om tantara Indonesia, ginayat kawagu do Belanda o tantara dau di 27 Momuhau 1949.

Di toun 1950-an om 1960-an, tinumanud i Presiden Soekarno do koguraan poinsuai-suai id kotimpuunon i om potilombus nopo nga miampai do blok sosialis, poomitanan nopo nga miagal do Republik Rakyat China om Yugoslavia. Toun 1960-an nopo nga minogintong do konfrontasi tantara kumaa Malaysia, pogun sombol i anggapon sabaagu pogun binontuk do Britain.

Jeneral Soeharto nokosiliu sabaagi presiden di toun 1967 miampai boros montok popotoronong do pogun mantad komunis kumaa Soekarno, i mumang no luhoi. Kalapas nakaanu i Soeharto do kuasa, boribu-ribu tulun Indonesia i nanadasan do tutumanud komunis nopo nga pinatai. Timpu pomorintahan di Soeharto solinaid do 32 toun nopo nga pinungaranan sabaagi Ponuhuan Wagu, piniadang do timpu pomorintahan di Soekarno i roiton sabaagi Ponuhuan Laid.

Nakalantoi i Soeharto do minanganu pelaburan labus pogun di agayo montok Indonesia, om pinapaasil do koinggoyoon ekonomi di osikap, hali pia au osulimbang, id Indonesia. Id kotimpuunon do regim Ponuhuan Wagu, strategi ekonomi pogun nopo nga winonsoi do sontinimungan surupu ekonomi i nakalantoi mantad Fakulti Ekonomi Universiti California, Berkeley, rinoitan sabaagi "Kelompok Berkeley". Hali pia miagal di, minomoruhang i Soeharto do kohoro-horoon tinan dau sondii miampai paganakan maya do rasuah di ogumu kopio om id kolimpupuson, sinansagan isio do mongidu mantad jawatan dau kalapas nokoimbulai o panaapan tagayo om kowoowoyoon ekonomi pogun di nokorutum kopio di toun 1998.

Mantad 1998 gisom 2010, kiwaa apat presiden id Indonesia: Baharuddin Jusuf Habibie, Abdurrahman Wahid, Megawati Soekarnoputri om Susilo Bambang Yudhoyono. Di toun 2014, nokosiliu i Joko Widodo sabaagi presiden Indonesia i bobos poinwagu.

Geografi

simbanai
Main article: Geografi Indonesia
 
Indonesia nopo nga pogun i haro ogumu pulau kinulu kitapui. Poomitanan nopo Pulau Sangeang Api.
 
Pata Indonesia

Pogun Indonesia nopo nga poinladsong id pialatan do:

Indonesia nopo nga haro 18,018 pulau i poinsasad id sokitar garis khatulistiwa om kiiklim tropika. Lobi kuang 7,000 pulau haro mogigion. Limo pulau di bobos tagayo nopo nga Pulau Jawa, Sumatra, Kalimantan, Sulawesi, om Papua, miampai Pulau Jawa nopo nga sampapas mantad ginumu do mogigion Indonesia, sabaagi do pulau di bobos ososok.

Indonesia nopo nga poinladsong id sawat plat tektonik. Iti nopo nga kirati do Indonesia nopo nga insaru do kawaya gumogor pogun om nogi tsunami. Kinoyonon diti papasabap do Indonesia nopo nga haro lobi kuang 66 nulu kitapui, kohompit no Nulu Krakatau, iso nulu kitapui i bobos otutunan id pialatan do Sumatera om Jawa, nga noidu no di antakan timpu diti.

Flora om fauna id Indonesia nopo nga poinsuai-suai kopio id pialatan do Kalimantan, Bali om pulau-pulau kotonobon id iso boogian miampai Sulawesi, Lombok om pulau-pulau id lobi ponong kosilahon id boogian do suai. Pialatan ekologi nopo nga roiton do Garis Wallace, naanu mantad ngaran tulun di nokobontol. Garis diti nopo nga insaru gunoon sabaagi piolitan do Asia om Australasia. Mantad dii, otutunan o Indonesia sabaagi pogun dwibenua.

Pomboogian Pontadbiran

simbanai

Provinsi

simbanai
Main article: Senarai Provinsi Indonesia

Templat:Peta Indonesia Indonesia nopo nga pogun di bobos tagayo id Asia Kabaatan Kosilahon. Montok popouhan do pontadbiran, binaagi o pogun diti kumaa 38 provinsi (iso Watas Poinsuai-suai (DI), i komoyon do Watas Poinsuai-suai Yogyakarta, limo watas miampai autonomi poimbida i otutunan sabaagi Papua, Papua Kotonobon, Papua Konuluhan, Papua Kabaatan om Papua Tanga om iso watas autonomi poimbida om poinsuai-suai i otutunan sabaagi Aceh om iso Watas Poimbida Kakadayan Tagayo (DKI), i otutunan sabaagi Watas POimbida Kakadayan Tagayo Jakarta Raya. Sobolum timpu Reformasi, kiwaa 27 no provinsi id Indonesia, miampai do Timor Leste nopo nga provinsi ko-27 di Madas 1976. Sundung po tu' miagal dii, sinumusuai o Timor Leste maya do ponimungan suara sumiliu pogun Timor Leste di 20 Mikat 2002.

Popoindalan o Indonesia do autonomi montok monikid pogun miampai tudu montok manahak liwang pongingkakatan i mogiagal id pointongkop pogun. Suai ko' autonomi, popoindalan nogi o pomorinta Indonesia timpu baino do prinsip ponikidan kuasa longkod montok pogun-pogun dau.

Id siriba nopo nga sanarai pogun id Indonesia :

Kakadayan Tagayo

simbanai
 
Jakarta, nopo nga ibu negeri om kakadayan bobos tagayo id Indonesia.

Hopod kakadayan bobos tagayo id Indonesia tumanud do nuludan nopo nga miagal id siriba:

Demografi

simbanai
Main article: Demografi Indonesia

Ginumu do mogigion Indonesia tumanud do bancian toun 2018 nopo nga soginumu 265.764.970 riong tulun,[16] om Biro Statistik Longkod Indonesia om Statistik Indonesia minangaga do populasi nopo nga soginumu 265.764.970 riong di toun 2018. Pomboogian do mogigion Indonesia nopo nga id suang do duo tinimungan. Ponong kotonobon Indonesia nopo nga kogumuan no do tinaru Melayu om boogian ponong kosilahon Indonesia nopo nga tinaru Papua. Suai ko' iri, haro nogi mogigion sompogunan miagal do Sina, India om Arab, nga okuri no. Soboogian tagayo do mogigion Indonesia nopo nga kiugama Islam (86.70% tumanud do banci di toun 2018)[17] om i suai nopo nga kiugama Kristian (10.72%), Hindu (1.74%), Buddha (0.74%), om suai-suai po.[18]

Pomoboogian do mogigion Indonesia nopo nga au osulimbang. Pulau Jawa sabaagi longkod pomorintaan nopo nga pulau di opidot kopio, miampai sampapas do ginumu mogigion dau. Koingkawasan kadar kosunian do mogigion Indonesia nopo nga akawas kopio. Mogigion Indonesia i mion id pulau-pulau ponong koibutan nopo nga okuri kopio, kopiadang do pogun-pogun sombol miagal ko' Jepun, China om India. Mantad dii, pogun-pogun Indonesia nopo nga kogumuan no okuri toi ko' aiso mogigion miampai kahara-haraan do posorili i kiliwang sabaagi ontokon montok dasar-dasar lebensraum (dasar ponginlaaban kuasa) mantad do kuasa-kuasa id ponong koibutan.

Kotumbayaan

simbanai
Main article: Kotumbayaan id Indonesia
Kotumbayaan id Indonesia
Ugama Piatus
Islam
 
 86.70%
Kristian
 
 10.72%
Hinduism
 
 1.74%
Buddha
 
 0.77%
Lain
 
 0.07%
(Bancian toun 2018)[18]

Ugama id Indonesia (2018)[19]

  Islam (86.7%)
  Kristian (10.7%)
  Hindu (1.74%)
  Buddha (0.77%)
  Mogigion/Suai-suai (0.05%)
  Konfusianisme (0.03%)
 
Tinimungan ugama i dominan id monikid provinsi id Indonesia
 
Tinimungan ugama i dominan id monikid kabupaten id Indonesia

Piipiro ugama suai nogi nga poindalanon id Indonesia. Miampai rasmi, Indonesia nopo nga popoindalan do sistom republik presiden om pogun koisaan miampai aiso ugama pogun di nakatatap.[20][21] Indonesia nopo nga haro mogigion do Islam[22][23] i bobos tagayo id pomogunan om prinsip kumoiso do impohon falsafah Indonesia, Pancasila, nopo nga popominog do mogigion dau montok otumbayaan kumaa "Kinorohingan Yang Maha Esa".[24][25] Hali pia miagal dii, miagal di pinotolinahas do Mahkamah Porlmbagaan, sila kumoiso Pancasila diti nopo nga pongiktirafan di otolinahas kopio kokomoi do zat ketuhanan om pinatahak o rati sabaagi prinsip kokomoi woyo masi miampai id suang do tulun ginumuan di mogisuusuai kotumbayaan, iti nopo nga okon ko' pongokunan do doktrin teologi pointantu kokomoi poingkuro ugama toi ko' kotumbayaan nuru do poindalanon.[26] Hali pia miagal idi, pomorintah Indonesia nopo nga haro kowoowoyoon do diskriminasi kumaa mogikaakawo kotumbayaan tinaru, ateis, om warganegara agnostik. Suai ko' iri, wilayah Aceh miampai rasmi nopo nga pinopogirot do undang-undang Syariah om otutunan miampai kowoowoyoon ponindasan kumaa ugama minoriti om seksual [27] Haro nogi koguraan pro-Syariah om fundamentalis id piipiro boogian pogun miampai minoriti Islam di bobos tagayo. [28]

Pulitik

simbanai
Main article: Politik Indonesia
 
Bongunan Majlis Permusyawaratan Rakyat (MPR) om Dewan Perwakilan Rakyat (DPR) id Jakarta nopo nga bongunan parlimen id Indonesia

Garuda Pancasila nopo nga falsafah impohon montok pogun Indonesia i naanu mantad duo boros Sanskrit, "panca" i kirati do 'limo', om "sila" i kirati do 'impohon'. Pancasila nopo nga haro limo impohon di mogiungkait kopio om au milo do pitongkiadon:

  • Kinorohingan di Maha Esa (Ketuhanan yang Maha Esa)
  • Tulun di aadil om otoronong (Kemanusiaan yang adil dan beradab)
  • Koisaan Indonesia (Persatuan Indonesia)
  • Kotulunan di pimpinon do kabaalan id suang do permusyawaratan/porwakilan (Kerakyatan yang dipimpin oleh hikmat kebijaksanaan dalam permusyawaratan/perwakilan)
  • Kopiagalan sosial montok toinsanan mogigion Indonesia (Keadilan sosial bagi seluruh rakyat Indonesia)

Popoindalan o Indonesia do sistom demokrasi i pinuruanan do songulun presiden, om Pancasila nopo nga sunduan demokrasi. Noimpohon o demokrasi diti do limo impohon i pinungranan do Demokrasi Pancasila.

Presiden Indonesia timpu baino nopo nga i Joko Widodo, i sinokodung do Partai Demokrasi Indonesia Perjuangan (PDIP). Majlis Musyawarah Rakyat (MPR) nopo nga lembaga dwidewan miampai 560 surupu Dewan Perwakilan Rakyat (DPR), soosongulun i mongongobi tulun ginumuan i nopili maya do parti politik, noruhangan do 132 surupu Dewan Perwakilan Daerah (DPD) i mongobi do provinsi i pinili maya do pomilian wilayah.[29] Surupu DPR om DPD nopo nga pinili maya do pomilian raya om nolantik id jabatan solinaid timpu limo toun. Baino, pinuruanan o MPR di Bambang Soesatyo, DPR di Puan Maharani, om DPD nopo nga i La Nyalla Mattalitti.

Ekonomi

simbanai
Main article: Ekonomi Indonesia
 
Industri Pertamina

Ekonomi Indonesia nopo nga nokotoguang do kinorotuon di kolimpupuson do dekad 1990-an, gama do Krisis Kousinan Asia i minogontok do soboogian tagayo do Asia antakan timpu dii. Baino, ekonomi do pogun diti nopo nga nokotonduli no lobi osonong. Indonesia nopo nga haro toud sandad di agayo kopio id labus Jawa, kohompit no do miak mata, gas sandad, timah, tembaga, om amas. Pogun diti nopo nga pongeksport do gas sandad koduo bobos tagayo id pomogunan. Nga timpu baino, nokotimpuun no Indonesia do sumiliu mongimport do miak mata. Asil pomutanan di apangkal kohompit no wagas, teh, kupi, rempah, om lubak. Tambalut pamadagangan Indonesia di bobos tagayo nopo nga Jepun, om Amerika Syarikat, miampai pogun-pogun sombol miagal do Malaysia, Singapura, om Australia. Indonesia nopo nga pogun di kiharo-haro kopio id gana do toud winoun om kotulunan, nga haro kasaro o kobolingkahangan komiskinan gama do au kopio koontok o kopongoturan do karajaan.

Bank Longkod id Indonesia nopo nga Bank Indonesia.

Toud posorili

simbanai
 
Ranahon mantad Pulau Bali
 
Puun kelapa sawit

Gata i koumbal do otutunan sabaagi "amas toitom" id Indonesia nopo nga asil tapangkal do pialanan asing antakan timpu di pogulu po, om baino nopo nga poposoliwan koduo bobos tagayo sumuhut do Malaysia. Kelapa sawit: Kinoyonon pomutanaman kelapa sawit id Indonesia nopo nga noinlaaban. Produk tapangkal i maan ekporto nopo nga miak om isirong sawit. Sigup: Kinoyonon pomutanaman sigup soginayo 198,000 hektar di toun 1979, miampai 92% mantad dii nopo nga tinanom do moroorobuat tokoro antakan timpu dii. Logam: Amas om perak nopo nga pinaasil do PT Aneka Tambang id watas Banten Kabaatan, om tembaga id Papua. Asfalt: Perlombongan asfalt pinoindalan id Sulawesi Kabaatan Kosilahon. Kiwaa 19 lombong, kohompit no lombong di tagayo om i tokoro, soginumu 28.5 riong tan.

Inus Koubasanan

simbanai
Main article: Kebudayaan Indonesia
 
Gadis Palembang momoguno do kain songket.

Indonesia nopo nga ionon do lobi ko' hatus do tinaru, miampai ugama om kotumbyaaan di mogisuusuai. Tinaru-tinaru id Indonesia nopo nga kohompit no do Aceh (Melayu Tamiang om Gayo), Batak (Karo, Toba, Mandailing, Pak-Pak, om Simalungun), Minangkabau, Melayu (kohompit no Melayu Deli, Melayu Palembang, Melayu Jambi, Melayu Pontianak, Melayu Bengkulu, Melayu Bangka Belitung, om suai-suai po), Rejang, Lampung, Badui, Jawa, Sunda, Banjar, Bugis, Toraja, Bali, Ambon, Madura, Minahasa, Dayak, Betawi, Papua om suai-suai po. Islam nopo nga ugama majoriti id Indonesia lobi-lobi po id wilayah Indonesia Kotonobon (au kohompit o Batak), om Indonesia Tanga (au kohompit do Pulau Bali i kogumuan no kiugama Hindu om Sulawesi Koibutan i kogumuan kiugama do Kristian). Indonesia Kosilahon (Flores, Ambon, om Papua) miampai majoriti nopo nga kiugama Kristian om Katolik. Pulau Bali nopo nga iso no provinsi i miampai majoriti nopo nga kiugama Hindu. Ugama-ugama suai miagal do Buddha om Konfusianisme nopo nga kogumuan no montok tulun Sina. Maya undang-undang, nookunan do ugama id Indonesia nopo nga soginumu (5) mantad do pomorintah, om iri nopo nga:

Ugama tradisional i haro no mantad po timpu komolohingan id Nusantara miagal do kotumbayaan Parmalim mantad tinaru Batak, Kejawen mantad tinaru Jawa, om suai-suai po i kiroromu do animisme, om haro nogi id Indonesia om tonudon miampai minoriti do tinaru-tinaru id pisuk.

Inus koubasanan id Indonesia nopo nga mogikaakawo om mogisuusuai, tinaru Melayu nogi nga iso koubasanan i ogumu poindalanon id kinoyonon ionon do Melayu miagal do id wilayah tisan kosilahon Sumatra om tisan Kalimantan. Monikid provinsi id Indonesia nopo nga haro boros om koubasanan sondii sundung pia i mogiinsomok nopo nga haro piagalan.

Montok basaan, tinungkusan koubasanan di bobos otutunan id pointongkop pomogunan nopo nga batik. Monikid tinaru id wilayah (provinsi) id Indonesia nopo nga haro basaan koubasanan diolo sondii, om haro ahal-ahal di poinsuai-suai, i popokito do watas diolo. Watas-watas di otutunan montok industri batik nopo nga kohompit no Yogyakarta, Solo, om Pekalongan. Basaan-basaan sandad Indonesia nopo nga otutunan mantad kowoowoyoon di mogisuusuai:

Sarung om Songkok nopo nga koubasan no gunoon do tongokusai id Indonesia, lobi-lobi po montok diolo i kiugama do Islam. Songkok nopo nga pakayon rasmi id tulu montok pomorintah id Indonesia, montok tongokusai. Kebaya nopo nga basaan adat i gunoon do tongoondu id Indonesia, i gunoon maamaso ababayan koubasanan, om kusai nopo nga momoguno do rasuk Batik sabaagi rasuk di popokito do identiti Nusantara.

Inus pantun, gurindam, om suai-suai po nogi nga insaru posolimbahon id suang do ababayan-ababayan miagal do karamayan pisasawaan, om panggung koposolimbahan inus. Silat nopo nga inus mongumolig tinan sondii i posolimbahon id ababayan-ababayan kopokitanan om koubasan nopo nga tonudon do tuunion tradisional gamelan om suai-suai po, i kosudong do watas nontodon.

 
Candi Borobudur id Magelang, Jawa Tanga
Fail:Muzikmelayu.jpg
Pamain muzik Melayu id Indonesia

Koinusan Indonesia nopo nga ogumu norohungan do piipiro koubasanan. Kiwaa piipiro candi Hindu om Buddha mantad abad-abad i nokodori id Jawa. Sayau Jawa om Bali di otutunan, koubasan no kisuang do aspek-aspek koubasanan om mitos Hindu. Inus sayau i au kirahung do gatang-gatang Islam miagal do Reog Ponorogo (Jawa Kosilahon) om Sayau Kecak (Bali). Inus sayau i kirahung do gatang-gatang Islam miagal do Sayau Saman om Sayau Seudati id Nanggroe Aceh Darussalam. Suai ko' iri, haro nogi wayang kulit i otutunan do pointongkop pomogunan, i popokito do susuyan-susuyan mitologi.

Kiwaa ogumu kawo tuunion Indonesia, hali pia koubasanan toi ko' nokoburu. Tuunion koubasanan id Indonesia kohompit no keroncong Jawa i otutunon do toinsanan mogigion Indonesia gisom do id labus pogun. Ogumu kakamot do tuunion koubasanan Indonesia i otutunang pointongkop do pomogunan, miagal do Angklung mantad id Jawa Kotonobon. Haro nogi tuunion di otutunan kopio id Indonesia, i otutunan sabaagi do dangdut.

Dangdut nopo nga piomungan tuunion Melayu, India, om tuunion koubasanan suai id Indonesia. Tuunion dii nopo nga lohowon sabaagi "dangdut" tu' tuni do 'dang' om 'dut', om nogi gama do muzik dangdut lobi nokuasa do tuni gandang om suling. Sinding-sinding dangdut nopo nga koubasan nopo posolimbahon do mononondig dangdut miampai gura tinan di kohiok om olomok tumanud do siniau do sinding, Kiwaa mogikaakawo wotik muzik dangdut miagal do Dangdut Melayu, Dangdut Moden (dangdut timpu baino nopo nga kakamot tuunion i noruhangan do kakamot tuunion nokoburu), Dangdut Pesisir (sinding dangdut mirolot do tuunion koubasanan do Jawa, Sunda), om suai-suai po. Di toun 1970-an, otutunan o dangdut sabaagi genre tuunion orkestra Melayu, om nokosiliu lobi otutunan mantad do dekat 1980-an. Tuunion dangdut nopo nga korohian do tulun-tulun Jepun miampai do pedangdut-pedangdut miagal do Camelia Malik om Elvy Sukaesih i naalap do monondig dangdut id Jepun.

Katantaraan om Pulis

simbanai

Tantara

simbanai

Pulis

simbanai

Islam

simbanai

Nuut

simbanai
  1. ↑ According 2023 data.

Sukuon

simbanai
  1. ↑ Ralat maganu:Tag <ref> tidak sah; tiada teks disediakan bagi rujukan yang bernama ethnologue
  2. ↑ Na'im, Akhsan; Syaputra, Hendry (2010). "Nationality, Ethnicity, Religion, and Languages of Indonesians" (PDF) (id boros Indonesia). Statistics Indonesia. Pinoopi (PDF) mantad sanḏad ontok 23 Manom 2015. Linoyog ontok 23 Manom 2015.
  3. ↑ "Religion in Indonesia". Pinoopi mantad sanḏad ontok 21 Mahas 2024. Linoyog ontok 21 Mahas 2024.
  4. ↑ "UN Statistics" (PDF). United Nations. 2005. Pinoopi (PDF) mantad sanḏad ontok 31 Gumas 2007. Linoyog ontok 31 Gumas 2007.
  5. ↑ "Indonesia's full-year population in 2023", Ministry of Home Affairs (Indonesia) (id boros Indonesia), pinoopi mantad sanḏad ontok 23 Mahas 2024, linoyog ontok 23 Mahas 2024
  6. ↑ Ralat maganu:Tag <ref> tidak sah; tiada teks disediakan bagi rujukan yang bernama 2020census
  7. ↑ 7.0 7.1 7.2 7.3 "World Economic Outlook Database, April 2024 Edition. (Indonesia)". International Monetary Fund. 16 Ngiop 2024. Pinoopi mantad sanḏad ontok 11 Mikat 2024. Linoyog ontok 16 Ngiop 2024.
  8. ↑ "Gini ratio Maret 2024 tercatat sebesar 0,379". bps.go.id. Linoyog ontok 15 Madas 2024.
  9. ↑ "Human Development Report 2023/24" (PDF) (id boros Inggilis). United Nations Development Programme. 13 Gomot 2024. p. 289. Pinoopi (PDF) mantad sanḏad ontok 13 Gomot 2024. Linoyog ontok 13 Gomot 2024.
  10. ↑ Tomascik, Tomas; Mah, Anmarie Janice; Nontji, Anugerah; Moosa, Mohammad Kasim (1996). The Ecology of the Indonesian Seas – Part One. Hong Kong: Periplus Editions. ISBN 978-962-593-078-7.
  11. ↑ Anshory, Irfan (16 Magus 2004). "The origin of Indonesia's name" (id boros Indonesia). Pikiran Rakyat. Pinoopi mantad sanḏad ontok 15 Momuhau 2006. Linoyog ontok 15 Momuhau 2006.
  12. ↑ Earl 1850, p. 119.
  13. ↑ Logan, James Richardson (1850). "The Ethnology of the Indian Archipelago: Embracing Enquiries into the Continental Relations of the Indo-Pacific Islanders". Journal of the Indian Archipelago and Eastern Asia. 4: 252–347.
  14. ↑ Earl 1850, pp. 254, 277–278.
  15. ↑ 15.0 15.1 Ralat maganu:Tag <ref> tidak sah; tiada teks disediakan bagi rujukan yang bernama Kroef
  16. ↑ "2000 Population Statistics" (Press release). Indonesian Central Statistics Bureau. 30 Mahas 2000. Pinoopi mantad sand̠ad ontok 25 Madas 2009. Linoyog ontok 5 Gumas 2006.
  17. ↑ "Indonesia - The World Factbook". CIA. Pinoopi mantad sand̠ad ontok 10 Momuhau 2008. Linoyog ontok 26 Milau 2008.
  18. ↑ 18.0 18.1 Ralat maganu:Tag <ref> tidak sah; tiada teks disediakan bagi rujukan yang bernama RELIGION
  19. ↑ "Statistik Umat Menurut Agama di Indonesia" (id boros Indonesia). Kementerian Agama Republik Indonesia. 15 Mikat 2018. Pinoopi mantad sand̠ad ontok 3 Manom 2020. Linoyog ontok 15 Milau 2020. Muslim 231 Million (86.7), Christian 20.45 Million (7.6), Catholic 8.43 million (3.12), Hindu 4.65 million (1.74), Buddhist 2.03 million (0.77), Confucianism 76.630 (0.03), Others/Traditional faiths 126.51 (0.04), Total 266.5 Million
  20. ↑ Da Costa, Agustinus Beo (12 Gumas 2019). "Indonesia urges public to report civil servants over 'radical' content". Reuters (id boros Inggilis). Linoyog ontok 14 Mahas 2022.
  21. ↑ Hosen 2005, pp. 419–40; Intan 2006, p. 40; Seo 2013, p. 44; Ropi 2017, p. 61 etc.
  22. ↑ Frederick, William H.; Worden, Robert L., eds. (1993). Indonesia: A Country Study, Chapter Islam.
  23. ↑ Gross 2016, p. 1.
  24. ↑ Prinada, Yudi (2 Momuhau 2020). "Beda Isi Piagam Jakarta dan Pancasila Sejarah Perubahannya". tirto.id (id boros Indonesia). Linoyog ontok 9 Mahas 2022.
  25. ↑ Lindsey & Pausacker 1995; Intan 2006, p. 18.
  26. ↑ "Indonesia Negara Ketuhanan" (PDF). mkri.id. Linoyog ontok 8 Gomot 2023.
  27. ↑ Pringle 2010, pp. 154–55; Buehler 2016.
  28. ↑ Federspiel 1970; Sidel 2006; Solahudin 2013; Buehler 2016; Baskara 2017.
  29. ↑ Amandemen Ketiga Undang-Undang Dasar 1945 (PDF). 13 Momuhau 2006. Pinoopi mantad sand̠ad (PDF) ontok 1 Momuhau 2006. Linoyog ontok 9 Mahas 2010.

Umum

simbanai

5°S 120°E / 5°S 120°E / -5; 120

Naanu mantad "https://dtp.wikipedia.org/w/index.php?title=Indonesia&oldid=18597"