Ginumogor Pogun Sabah 2015

Ginumogor Pogun Sabah 2015 kinokoriso' 6.0 tipong Richter nopo nga nokoontok id posorili Ranau, Sabah di jaam 7.15 kosuabon, antakan tadau Kurudu di 5 Mahas 2015. Longkod Ginumogor Pogun om Tsunami Nasional nopo nga pinapalapur do gogor diri nopo nga noroso id toinsanan kinoyonon id Sabah kohompit no id Tambunan, Tuaran, Pedalaman, Kota Kinabalu , Kota Belud, Inanam, Kota Marudu, Kudat, Likas, Penampang, Putatan, Kinarut, Papar, Beaufort, Keningau, Sandakan, Kunak, Tawau, Labuan, Lawas, Limbang, Miri id Sarawak om Bandar Seri Begawan id Brunei. Kinoyonon diti nopo nga id 5.1 Koibutan om 16.6 Kotonobon. Ginumogor di sumusuhut nopo nga nokoindalan soginumu 47 miampai 2.2 gisom 3.3 skala richter.

Ginumogor pogun Sabah 2015

UTC time	??
Duration	30 saat
Magnitude	6.0 magnitud (USGS) 5.9 magnitud (MetMalaysia)
Depth	10.0 km (USGS)
Epicenter	5.980°N 116.525°E / 5.980; 116.525
Areas affected	Pantai Kabaatan (kinoyonon Nulu Kinabalu), Sabah, Malaysia Kotonobon
Total damage	Korumbakan bongunan om infrastruktur, notuhan om kosimbanan geologi
Max. intensity	VII (Ologod kopio)
Aftershocks	33 (pada 7 Jun 2015)
Casualties	18 napatai 10 notogu

Jabatan Meteorologi Malaysia minomisunud do mogigion id Ranau, Sabah montok mogintong-gintong tu kiwaa 10 po o gumogor sumusuhut. Tulun ginumuan nogi nga pinapaatod do gambal limput BSN id Ranau i nababak om piintangan nogi o bongunan-bongunan suai. Pongarah Longkod Gogor om Tsunami (Met Malaysia), Dr Wan Azli Wan Hassan pinopoilo do gumogor diti nopo nga piintangan nogi.

Montiri Kotombuluyan, Koubasanan om Posorili pogun, i Datuk Masidi Manjun pinopootus do watu om bongkah di ogumu i naratu id Ranau om Nulu Kinabalu nopo nga mantad do gogor diri. Sulap-sulap tutumakad id Pana Laban om Gunting Lagadan nopo nga norumbak tomod. Ikon Tolingo Keldai id Nulu Kinabalu nogi nga norumbal. Mantad di, pinoundorong ngawi o aktiviti tumakad id nulu diri.

Surupu Geologi Amerika Syarikat nopo nga pinopootus do aiso tsunami toi ko' korumbakan di agayo kopio. Kinoyonon diti nogi nga poinlongkod id korolomon 10 km mantad kakadayan Ranau om 54 km mantad kakadayan Kota Kinabalu. Malaysia nopo kopio daa nga poimbibas mantad do gumogor, suai ko' i di toun 1981. Au poinsuang o Malaysia id Lingkaran Api Pasifik. Lingkaran diti kohompit no Lautan Pasifik, pogun sampaping miagal do Filipina om Indonesia. Nulu Kinabalu nopo nga iso kawo gunung lipat muda i poimpasi o nulu kitapui om gumogor pogun.

Tan Sri Muhyiddin Yassin pinopoilo do 23 sikul kohompit no do 16 Sikul Kabansaan, onom Sikul Manangah Kabansaan om iso Sikul Kawo Kabansaan Sina id watas Ranau, Tuaran, Kota Belud, Penampang, Nabawan om Keningau. Jabatan Pondidikan Sabah nogi nga pinapalapur do haro kinaantakan do napayang toi ko' nobabak o bongunan sikul, kuarters mongingia', ralan om nogi nakabing o tana.

Goos manampasi

Soginumu 52 mantad 189 tutumakad di nabamban id timpak Nulu Kinabalu nopo nga nakalantoi do noit minsiriba miampai atampasi. Longkod Panamangan Jabatan Bomba om Mananampasi pogun Sabah id Sulap Timpohon pinopoilo do haro onom tulun tutumakad, kohompit no songulun tulun Turki notogu. Gisom do pukul 3.02 sodopon, 137 tutumakad kakal po id Nulu Kinabalu om iri nopo nga 105 tutumakad miampai 32 malim nulu id timpak. I suai nopo nga id posorili do kinoyonon kohompit no do Laban Rata. Duo tulun tutumakad nopo nga nakalapur sabaagi natagak soira au hino id kinoyonon tumimung toi ko' wayaan tumakad.

Majlis Keselamatan Negara (MKN) pinapaatod do 25 anggota Pasukan Mogihum om Manampasi Khas Malaysia (SMART) montok monguhup operasi manampasi diti. Timbalan Setiausaha MKN, i Ogu Salim Omar pinopoilo do Setiausaha MKN, Datuk Mohamed Thajudeen Abdul Wahab minomuruan do operasi diti om nokotulud no id Sabah. Markas SMART nopo nga poinlongkod id Pulau Meranti, Puchong miinsomok do Putrajaya.

Luguan Montiri Sabah, Datuk Seri Musa Aman minogolim do khabar angin kokomoi tadau koundarangan umum gama do ginumogor pogun di.

18 napatai

Ginumu napatai tumanud pogun

Pogun	Napatai
Singapore	9
Malaysia	6
China	1
Japan	1
Philippines	1
Ginumu	18

Tutumakad di nokohompit nopo nga mantad pogun Malaysia (6 tulun), Singapura, Australia, Kanada, Republik Rakyat China, Denmark, India, Jepun, Kazakhstan, Belanda, Filipina, Korea Kabaatan, Thailand, Turki, United Kingdom om Amerika Syarikat.

Antakan di 7 Mahas 2015, soginumu 18 rata binadah siasat id Lamin Pongusapan Queen Elizabeth (QEH). Nookunan do Pongarah QEH, Heric Corray o ahal diti.

Katayadan napatai tumanud pogun

Pogun	Ngaran di napatai
Malaysia	Lim Choon Seong, 45 (kusai) Muhammad Logman bin Abd Karim, 22 (kusai) Valerian Joannes, 27 – kakitangan Mountain Torq (kusai), linobong id Kampung Bundu Tuhan, Ranau Ricky Masarin – kakitangan Mountain Torq (kusai) Joseph Solugin – malim gunung (kusai) Robbie Sapinggi, 30 (lelaki) – minluda do nulu(nokito o rata di tadau Kurudu)
Singapura	Rachel Ho Yann Shilin, 12 (tondu) Sonia Jhala, 12 (tondu) Emilie Giovanna Ramu, 12 (tondu) Ameer Ryyan bin Mohd Aded, 12 (kusai) Navdeep Singh Jayral s/o Raj Kumar, 13 (kusai) Mohammad Ghazi b Mohamed, 35 (kusai) Loo Jian Liang Terrence, 29 (kusai) Muhammad Daanish b Amran, 22 (kusai) 22 Monunuduk Ralan mantad Singapura Wee Ying Ping Peony, 12 (tondu) – (nokito rata antakan di tadau Kurudu) susumikul mantad Tanjong Katong Primary School (TKPS), Singapura noit do minuli momoguno Air Force Singapura.
Filipina	Karyl Mitzi Higuit Matahom, 12 (tondu)
Jepun	Ozaki Masahiro, 29 (kusai)
China	Lugi, 35 (kusai)

Lava nulu kitapui poimpasi

Piipiro malim nulu otumbayaan do lava nulu kitapui napasi kawagu om nokoindalan gama do kowoowoyoon di au osonong mantad piipiro tutumombului mantad Eropah i linumabas id timpak nulu di 31 Mikat 2015.

Pamasangan stesen seismik

Luguan Pongarah Jabatan Meteorologi Malaysia, Datuk Che Gayah Ismail, pinopoilo do 44 stesen seismik i kifungsi montok momurimon do gogor mantad gumogor pogun nakapasang id toinsanan pogun, kohompit no walu id Sabah. Soginumu 20 stesen seismik wagu suai kohompit no turu id Sabah, maan papasango id pointongkop pogun maamaso toun 2016. Baino nopo, kiwaa duo stesen seismik 'strong motion' pinapasang id Sabah, id boogian Ranau om Lembah Danum. Onom stesen seismik 'weak motion' id Sandakan, Kudat, Kota Kinabalu, Sepulut, Tawau om Lahad Datu. Stesen seismik 'strong motion' di wagu pinasang id Keningau, Sandakan, Kota Belud om Kota Kinabalu; tolu kaagu stesen 'weak motion' (Ranau, Semporna om Lembah Danum).

Gisom baino, aiso po kakamot toi ko' sitem id pomogunan do kaanu mongilo soira kantakan do gumogor pogun diti.

Basa'on Sumusuhut

• "Local Earthquakes in Sabah" (PDF). Science Council of Japan. Pinoopi mantad sand̠ad (PDF) ontok 27 May 2019. {{cite web}}: Unknown parameter |deadurl= ignored (|url-status= suggested) (help)
• Yu Wang; Shengji Wei; Xin Wang; Eric O. Lindsey; Felix Tongkul; Paul Tapponnier; Kyle Bradley; Chung-Han Chan; Emma M. Hill; Kerry Sieh (2017). "The 2015 M w 6.0 Mt. Kinabalu earthquake: an infrequent fault rupture within the Crocker fault system of East Malaysia". Geoscience Letters. doi:10.1186/s40562-017-0072-9 – via Springer Science+Business Media.
• Felix Tongkul (2017). "Active tectonics in Sabah – seismicity and active faults" (PDF). Bulletin of the Geological Society of Malaysia, Universiti Malaysia Sabah: 27–36. Pinoopi mantad sand̠ad (PDF) ontok 27 May 2019 – via Geological Society of Malaysia. {{cite journal}}: Unknown parameter |deadurl= ignored (|url-status= suggested) (help)
• Amin E Khalil; Ismail A Abir; Hanteh Ginsos; Hesham E Abdel Hafiez; Sohail Khan (2018). "Probabilistic seismic hazard assessments of Sabah, east Malaysia: accounting for local earthquake activity near Ranau". Journal of Geophysics and Engineering. doi:10.1088/1742-2140/aa8d51 – via IOP Publishing, Oxford University Press.

Noputan Labus

• Deadly earthquake hit Malaysia Archived 2015-06-10 at the Wayback Machine on Earthquake Report Website