Tawau

For the federal constituency represented in the Dewan Rakyat, see Tawau (federal constituency).

Tawau (Malaysian: [ˈta wau]), i pogulu ointutunan sabaagi Tawao, nopo nga ibu kota do Watas Tawau id Sabah, Malaysia. Ii nopo nga kakadayan kotolu bobos agayo id Sabah, kalapas Kota Kinabalu om Sandakan. Poinladsong id Semenanjung Semporna id kotogisan kabaatan kosilahon pogun diti, Tawau nopo nga longkod kotoinaan do Boogian Tawau, i miwolit miampai Rahat Sulu id kosilahon, Rahat Sulawesi id kabaatan Teluk Cowie om miilang piolitan miampai Kalimantan Koibutan, Indonesia. Ontok toun as of 2010, kiikiro 113,809, o populasi is kakadayan diti om koinsanai nopo kinoyonon kakadayan nga kiwaa popuasi soginumu 397,673 (kohompit 47,466 id Kalabakan, i pinitongkiad montok mombontuk watas misuai). Ontok Banci 2020, kiikiro soginumu 372,615 populasi id kakadayan diti.

Tawau
Town and district capital
Kakadayan Tawau
Other transcription(s)
• Jawi	تاواو‎
• Chinese	斗湖 Dǒuhú (Hanyu Pinyin)
• Tamil	தவாவ் Tavāv (Transliteration)
Mantad sawat, gibang kumaa wanan: City sign, Aerial view towards the town center, Aerial view towards Cowie Bay
Seal
Motto:  Bumi Peladang
Kinoyonon Tawau id Sabah
Tawau    Tawau in    Sabah Tawau    Tawau in    Malaysia Tawau Tawau (Asia) Tawau Tawau (Earth)
Coordinates: 04°15′30″N 117°53′40″E
Country	Malaysia
State	Sabah
Division	Tawau
District	Tawau
Bruneian Empire	15th century–1658
Sultanate of Sulu	1658–1882
Sultanate of Bulungan	1750
Founded	1893
Settled by North Borneo Chartered Company	1898
Municipality	1 January 1982
Government
• Council President	Pang Pick Lim @ Joseph
Area
• Town	55.9 km2 (21.6 sq mi)
• Municipality	2,240 km2 (860 sq mi)
Elevation	8 m (26 ft)
Population  (2020 Census)
• Municipality	372,615
Time zone	UTC+8 (MST)
• Summer (DST)	Not observed
Postal code	91000
Area code(s)	089
Vehicle registration	ET (1967-1980), ST (1980-2018), SW (2019-Present)
Website	mpt.sabah.gov.my

Sajara

Tawau di toun 1947.

Sajara Tawau nopo nga au noilaan miampai otolinahas lobi-lobi po sobolum di toun 1890-an. Hali pia miagal di, haro no mogigion id Tawau miampai iso kokompungan tokoro mongiinginsada miampai mogigion soginumu 200 tulun i kogumuan nopo nga tulun Tidung om Suluk sobolum toun 1890 (sobolum dii nopo, haro ionon bobos tosopung montok tulun Islam Tidung id Kalabakan, id siriba do pomorintaan Kesultanan Bolongan-Tarakan , tionon do tulun Tidung om Suluk id Batu Tinagat om tionon do tulun Bajau id Omadal, Semporna). Maamaso dii, Tawau nopo nga id siriba do pomorintaan Kesultanan Sulu. Id suang do iso pibatasan i nokohimagon di 22 Milatok 1878, pinatahak do Kesultanan Sulu o kinoyonon id posorili do Tawau, i haro gisom do baino kumaa do tulun Inggiris.

Nosiliu o Tawau sabaagi soboogian do kinoyonon pomorintaan do tulun-tulun Inggiris maya do Syarikat (Berpiagam) Borneo Utara British (SBUB). Tumanud ponuatan The North Borneo Annual Volume (1955-1965), sistom pontadbiran nopo nga nokotimpuun di toun 1898, gama do laang-laang do SBUB minongukab iso kinoyonon id Tawau om potilombus nopo nga pinapaharo do toud-toud pontadbiran do karajaan songkinoyonon do hilo.

Montok mongilag do pioduhan miampai Belanda i momorinta do Kalimantan id timpu dii (miilang o Tawau do rontob id pialatan do tana pomorintaan Belanda miampai tana pomorintaan do Inggiris), minaganu o pomorinta Inggiris do laang-laang montok papatantu do piolitan. Iti nopo nga gama do piolitan manrad montok kinoyonon di pinatahak kumaa pihak Inggiris mantad kodyo-duo Sultan Brunei om Sultan Sulu nopo id siriba do Bawang Sibuco i miinsomok miampai Tarakan (Indonesia), hinonggo kinoyonon dii nopo nga poinsuang ud siriba pomorintaan do Belanda, i maamaso dii nopo nga poingion mantad no id kinoyonon dii. Mantad dii, iso suruhanjaya Piolitan nopo nga pinohimagon di toun 1912 mantad pegawai-pegawai mantad United Kingdom om Belanda. ( Sejarah Malaysia )

Iso Luputan Miampai nopo nga pinotounda miampai pata om nosoinan do Pesuruhjaya id Tawau di 17 Mansak 1913. Potilombus, tinumanud do protokol id pialatan do United Kingdom om Belanda i sinoinan id London di 28 Manom 1915, koduo-duo karajaan nopo nga minagakun do luputan miampai om pata dii.

Miampai kohinaan do pomorintaan British id Tawau, ogumu koumatan di nokotounda miagal do lamin pongusapan, sikul, balai pulis, walai-walai kadai, tuundorongon kapal rahat Tawau om nogi ralan om ralan kampung i winonsoi di PWD, iso jabatan karajaan hinonggo kukumalaja nopo nga mantad mogigion sandad id Tawau.

Hak om koistimewaan tulun sandad nogi nga noiktiraf do Karajaan British maya pongingkakaran do Luguan Tanak Pogun sabaagi mongoongobi tulun sandad id Tawau montok popoilo kominagan om kobolingkahangan otoguangan do mogigion kumaa Kerajaan British. SObolym dii, jawatan Luguan Tulun Ginumuan nopo nga koumbal pinatahak kymaa Habib Sheikh di toun 1912, om jawatan Imam nopo nga tinahak kumaa di Imam Mustapa di toun 1916. Jawatan Luguan Tanak Pogun kumaa pongundodoitan Tulun Kiharo-Haro (OKK) kumoiso i pinoingkakat do Kerajaan British di koompokon 1920-an, i OKK Kee Abdullah, songulun Sino-Dusun Muslim. Di toun 1937 gisom 1953, Penghulu Abu Bakar (tanak di OKK Kee Abdullah) nopo nga pinoingkakat sabaagi Luguan Tanak Pogun. Kitonggungan isio montok manahak garan-garan do tana di nookunan miampai rasmi kumaa tulun sandad i poingion id posorili do watas Tawau montok manamong do sanganu istimewa mogigion sandad sabaagi tulun sandad id watas Tawau diti.

Koponuridangan Koisaan Kabansaan Melayu Tawau (PKMT) di toun 1938 i pinoimpohon di Penghulu Abu Bakar om pinogirot miampai pomimpin Melayu suai miagal di Abu Bakar Titingan , Haji Abdul Karim Drahman, DSP Ahmad Ayid, , Kassim Kamidin om Imam Zainal montok popoingkawas hak om kapansalan tulun-tulun Melayu diti, nakaanu pinopoiso do tulun Melayu sandad id Tawau. Surupu-surupu koisaan diti miniampai di Tun Datu Mustapa Datu Harun maya USNO, minokianu kagabasan montok pogun Sabah maya Malaysia di toun 1963. Om koponuridangan Koisaan Islam Tawau (PIT) i pinuruanan di Imam Zainal om potilombus nopo nga i Haji Abdul Karim Drahman di toun 1955 nakaanu minongunsub do koponuridangan do USIA di toun 1968 i minamadamin kogiratan syiar Islam pointongkop do pogun Sabah.( Rujuk : Maklumat dari Muzium Negeri Sabah )

Kogingohon Watas Tawau

Nakaanu o Tawau kapamalahawan do 'Bumi Peladang' toi ko' pogun momumutanom tu sobogiaan mantad kinoyonon dii nokosiliu sabaagi kinoyonon do momumutanom montok pomutanaman piasau, gata, om punti lanut (abaka). Babaino nopo, pomutanaman mogigion Tawau loobi kumaa sawit om haro nogi pomutanaman koko. Soboogian mantad pomutanaman diti nopo nga naanu do Syarikat Sime Darby Corporation, Sabah Softwood Sdn. Bhd. om Borneo Samudera (Sawit) Sdn. Bhd.

Suai mantad ko ii, lohowon nogi Tawau sabaagi 'syurga mondidikot' tu ogumu tulu mantad Filipina om Indonesia di poingkaraja id kinoyonon dii momoguno do pas kumaraja montok mogihum koonuonuan.