Turki
Turki (Jawi: توركي, Turki: Türkiye) toi ko' ngaran di poimbida Republik Turki (Turki: Türkiye Cumhuriyeti) nopo nga iso pogun Eurasia id Timur Tanga ii poingion miampai benua Eropah om Asia. Soboogian tagayo do Turki nopo nga poingion id Semenanjung Anatolia id Asia om boogian wolit tokoro dau nopo nga poingion id kinoiyonon Balkan koibutan kotonobon benua Eropah. Turki nopo nga miwolit do 8 pogun ii no tu' Bulgaria id kobutan kotonobon; Yunani id kotonobon; Georgia, Armenia om Azerbaijan id koibutan kosilahon; Iran id koibutan, om Iraq om Syria id kabaatan kosilaon.Suai ko ii, kowolit do do Rahat Toitom id koibutan, Rahat Aegea id koibutan, om Rahat Mediterranean id kabaatan. Turki nogi nga minopoi'on do Rahat Marmara ii noguno do tongo puruan geografi montok mananda wolit Eropah miampai Asia om nokosiliu do Turki sabaagi iso pogun atos benua.
