Siti Zainon Ismail

Datuk Dr. Siti Zainon Ismail (nosusu 18 Momuhau 1949 id Gombak, Kuala Lumpur) nopo nga songulun monunuat, mononoriuk inus koubasanan tinungkusan Melayu, seniman, popolombus hiis, momolukis Malaysia om Lundu Sasterawan Pogun Malaysia ko-14. Isio songulun tanak tinaru Melayu- Minang-Batubara, Jawa-Banjar.

Yang Berbahagia Sasterawan Negara Datuk Dr Siti Zainon Ismail PMW
Siti Zainon Ismail
Native name	سيتي زينون إسماعيل‎
Born	Momuhau 1949 (age 74–75) Malaysia
Pakalajaan	novelist, short-story writer, academic
Boros	Malay
Pondidikan	PhD
Alma mater	Universiti Malaya
Notable works	Pulau Renek Ungu

Pondidikan

Nakaanu i Siti Zainon do pondidikan pogulu id Sekolah Rendah Setapak, Kuala Lumpur om Sekolah Rendah Langgar, Kota Bharu (1956, 1957-1961) om sumusuhut id Sekolah Menengah Aminudin Baki (SAB), Kuala Lumpur (1962-1968).

Mimpuun isido minsingilo mencolek kain Batik id Kota Bharu. Id SAB, linuda isido do mongingia senilukis Idris Haji Salam gisom nakaamung isido do Angkatan Pelukis Semenanjung (APS, 1964-1968). Gama do rahi disido kumaa inus lukis, minongoput isido pondidikan inus id Institut Seni Indonesia (ASRI) jurusan Seni Lukis (1970-1973). Isido nopo nga mokikinobos inus lukis i insaru kaanu Gaa Sketsa Kartini (1970-1973). Solinaid id ASRI, minamung nogi isido miampai Sanggar Dewata om nakatanud pameran minsorili Jawa. Ontok wulan Mansak 1974, minuli isido id pogun kinosusuon om nosiliu sabaagi Jurulatih inus lukis id Kementerian Kebudayaan Belia dan Sukan (1974-1976). Sumusuhut sabaagi tutor id Universiti Kebangsaan Malaysia (1976) om nakalantoi do Sarjana Sastera (UKM. 1980). Ph.D (UM. 1992). Nokoumbal isido mongia id Pusat Bahasa. Kesusasteraan dan Kebudayaan Melayu id suang gana kabaalan dau Seni Budaya Warisan (kursus Kesenian Melayu Tradisional. Pemerian Budaya Benda, Tekstil om Busana Melayu, Sejarah om Teori Penghayatan Seni, Penulisan Kreatif). Koumbal nogi isido nosiliu Felow Penyelidik ATMA (1995-1996), Pengarah Kebudayaan UKM (1996-1999), Profesor id UKM om nogi Profesor id UMS (2014-2016).

Ababayan sabaagi Seniman Momolihis-Momolukis

Isido nopo nga momolihis-momolukis tondu di potilombus po aparagat. Insaru isido mongobi pogun do momolihis, kopokitanan lukisan om seminar inus koubasanan pointongkop pogun om nogi id taang sompomogunan miagal do id Filipina (1976); Bhopal, India (1985); Berlin Kotonobon ( 1985, 2000) ;Seoul ,Korea Kabaatan (1986); Indonesia (Aceh, Bali, Jakarta. Jambi, Lombok, Makassar, Padang, Riau, Palembang, Yogyakarta 1983-1998); Thailand ( 1986,1989, 1990). Perancis (1986), Berlin (1986). London (1986,1990,1992); Australia(1993), Singapura (1990,1995); Hamburg (2000) om Russia (2003).

Hiis om suniba disido nga nakadalin nogi doid mogisuusuai o boros miagal do Bugaria, Hindi, Inggeris, Korea, Urdu, Jepun, Perancis, Thai om Russia.