Wikipedia

Nusa Dua

kinoyonon resort i winonsoi id kabaatan do Bali, Indonesia

Nusa Dua nopo nga' kinoyonon resort i winonsoi di toun 1970-an id kabaatan do Bali, Indonesia.[1] Otutunan sabaagi do enklaf resort limo rombituon di tagayo, kohompit do 350 hektar tana om manalob lobi ko' duo nohopod resort. Nusa Dua diti nopo nga' kisinodu 22 kilometer mantad Denpasar, ibu kota wilayah Bali, om notadbir sabaagi do soboogian mantad watas (kelurahan) id Kuta Kabaatan, Kabupaten Badung. Rati do Nusa Dua nopo nga' dua pulau (nusa 'pulau', dua 'dua'), tu' haro duo pulau id teluk kinoyonon do Kotinanan Koingakaktan Podtuongisan Indonesia (ITDC). Id boogian do kabaatan Pulau Semenanjung, om id boogian koibutan Pulau Nusa Dharma, lobi okoro nga' lobi olungung, om haro Pura/Kuil Nusa Dharma. [2]

Nusa Dua is located in Badung Regency
Nusa Dua
Nusa
Dua
class=notpageimage|
Id Badung Regency
Monginsada mantad Bali

Teras ITDC nopo nga' komuniti kitansar. Haro longkod pongintangan kotingoligan, om tutumombului oontok do bayaran montok sumuang.[3]

Kinoyonon di kagayat

simbanai

Kotogisan Geger

simbanai

Kotogisan Geger nopo nga' id Sawangan, lobi kuang 3 kilometer mantad kabaatan do Nusa Dua. Rahat hiti nopo nga' otoronong, papasaga do momuumutanom montok mananom do rumpai rahat id kinoyonon diti, om nogi sabaagi pamagayat do tutumombului do mongoi pangka'au.[4]

Water Blow

simbanai

Water Blow nopo nga' id watas ITDC district hinonggo agayo lakun mantad do Rahat India om koontok do disan watu kapur id piras. Kosougian do waig nogi nga' kaasil mantad piras di okikip id siriba do piras, i papasalur do kosimpokon waig di au aatur gisom korikot do kinawas piipiro meter, gisom do 30 meter kinawas mantad impohon tumanud do arus tologod. Iti nopo nga' antakan do koingkawas o waig. Kinoyonon diti popotounda do pongintangan 240 darjah om bontuk watu nulu kitapui i poposiliu do kokitanan rahat di dramatik. Tapak diti miolit miampai tansar om haro bayaran tokuri nung sumuang.[5][6]

Tanjung Benoa

simbanai
 
Semenanjung Tanjung Benoa, miampai kampung Benoa id latar pogulu om Nusa Dua id latar tolikud

Id boogian do koibutan Nusa Dua nopo nga' haro semenanjung Tanjung Benoa, i mombontuk do mukim sondii miampai ngaran di miagal. Kampung sandad Bali Benoa nopo nga' id kinoyonon diti, gisom do baino, pomogunaan boros sangangadau "Benoa" sumuku kumaa kinoyonon diti. Kinoyonon mogikaakawo denominasi, kohompit no masjid om kuil Cina om Hindu i moginsomok. Kogumuan togis id kotogisan nopo nga' norulun gama do perlombongan terumbu karang di osomok montok do kakamot momonsoi. Hotel id kinoyonon diti nga' lobi omura kopiadang do Nusa Dua.

Pelabuhan Benoa, nogi nga' hilo, sobolum diti gunoon do kapal layar om kapal tongokoro. Antakan di Momuhau 2012, nokosiliu iti sabaagi do pelabuhan ponondulian Terminal Sompomogunan Pelayaran Benoa, kifungsi montok kinoyonon do mamanau om mamanau montok susumakai pelayaran. Sabaagi pelabuhan ponondulian, tutumombului milo rumikot toi ko' mamanau mantad do Pelabuhan Benoa maya kapal tulud toi ko' kapal mimpanau.[7]

Antakan di 26 Momuhau 2012, minandalongon o Gabenor Bali do pormit montok momoguno, popoingkakat om mongurus do Teluk Benoa. Soginayo 838 hektar i ginuno do PT Tirta Wahana Bali International montok koumatan do podtuongisan mewah miagal do hotel, vila, pangsapuri, walai pongusapan sompomogunan, om longkod kohiakan miagal do taman tema, miagal do Disneyland.[8]

Projek ponondulian watu karang

simbanai

Nusa Dua nopo nga' iso mantad ko' limo tapak Bali i nakaanu gatang mantad projek ponondulian karang bobos tagayo id pomogunan (gisom 2021): Taman Terumbu Karang Indonesia (ICRG) kigontob montok papasang koinsanan id siriba sonriong unit struktur. Tinanggung o projek diti id siriba do Komontirian Hal Ehwal Maritim om Ponginsadaan, miampai gatang $7.5 riong. Boogian kotohuri do projek diti nokoindalan id kabaatan Nusa Dua, [9] miampai ponoriukan lapangan montok kosudongon montok kinoyonon di pinosoliwan antakan di Milau-Momuhau 2020.[10] 1,000 tulun sandad,i natagakan do karaja gama do pandemik Covid-19 om noiduan id suang do podtuongisan, binayaran montok momonsoi om papasang do 8,000 paip keluli, monikid tiso nopo nga' kininaru do 2 meter (6.5 kaki), sabaagi substrktur montok taman karang; kalaja diti nopongo di Gumas 2021.[9]

Projek diti nogi nga' kitudu montok mongingkuri do pongangguran maya mamalan do ponyoliaan om kalaja monginsonong id tapak, [11] iso goos i kopiolit do boogian tagayo om lobi apagon id suang do ponondulian terumbu. Pongintangan proses diti id timpu tanaru gisom do baino diti nopo nga' pinoindalan miampai okuri po, om nuru iti montok momonsoi pangkalan data i milo poindalanon, i nuru montok popoingkawas toilaan am kokomoi proses om popoingkawas do kalantayon projek diti id timpu dumontol. Tries Razak, mantad Universiti IPB Java, pinopotilnahas do di toun 2021, "Mananom karang nopo nga' okon ko' mananom kayu, hinonggo mananom ko' nopo nga' sumuni no. Sains nopo nga' ahaur po. Kalantoi doti id iso kinoyonon nga' osodu do duo meter,faktor hidrodinamik toi ko' koonuan larva nga' misuai tokuri om au kanto kifungsi do hiri. Om kogumuan do projek ponondulian Indonesia nopo nga' poindalanon miampai aiso ponoriukan kopogulu, tukun tiruan nopo nga' au tinanom id kinoyonon di nuru kopio.”[9]

Hotel om resort

simbanai

Antakan di toun 1983, id Kotinanan Koingkakaton Podtuongisan Bali (BTDC), ponogulu do ITDC, mongukab hotel kumoiso Nusa Dua, Nusa Dua Beach Hotel & Spa. Id kotimpuunon nopo nga' nigitan do Aerowisata don kerajaan, om baino nigitan do PT Sejahtera Indoco montok pihak Sultan Hassanal Bolkiah id Brunei, i minomoli do harta benda di toun 1990. Baino, Nusa Dua nopo nga' kilobi duo dozen,kogumuan nopo nga' hotel limo rombituon, resort. kinoyonon diti otutunan sabaagi do ririkoton tagayo rangkaian hotel sompomogunan miampai do Marriott International mongurus do siam hotel maya do Autograph Collection, Courtyard, Marriott Vacation Club, Renaissance, St. Regis, The Luxury Collection, The Ritz-Carlton, om jenama Westin, Accor mongurus tolu hotel maya do Mercure, Novotel, om jenama Sofitel, Hilton Worldwide mongurus do duo hotel maya Conrad om jenama Hilton, om Meliá Hotels International mongurus duo hotel maya Meliá om jenama Sol. Haro nogi harta benda i uruson do Aman Resorts, Club Med, Holiday Inn, Hyatt, Kempinski, om Santika Indonesia Hotels & Resorts.[12]

Walu mantad ko' hopod hotel bobos tagayo id Bali nopo nga' id Nusa Dua. Haro 636-kunsi Grand Hyatt Bali nopo nga' hotel bobos tagayo id Bali di kumoiso nukaban di toun 1991.[13] Kakal po iti sabaagi hotel montoroiso di bobos tagayo id pulau diti, tu' Ayanan Resort Bali nopo nga' lobi agayo id Jimbaran miampai teknikal nopo nga' kopiomungan do apat hotel di misuai.[14]

Imej galeri

simbanai
  •  
    Kotogisan Nusa Dua
  •  
    Piras do semenanjung Nusa Dua i poingimpa do Rahat India
  •  
    Lakun rahat i miagal do geyser id iso mantad ko' duo pulau tokoro id Nusa Dua
  •  
    Miagal, popokito do corong watu
  •  
    Pintu sumuang do Nusa Dua

Intangai nogi

simbanai

Sukuon

simbanai
  1. ↑ "Nusa Dua travel". lonelyplanet.com (id boros Inggilis). Lonely Planet. Linoyog ontok 2018-04-18.
  2. ↑ Anton Mujahir (July 1, 2014). "Behind the Luxurious Nusa Dua". Pinoopi mantad sand̠ad ontok March 4, 2016. Linoyog ontok July 1, 2014.
  3. ↑ "Harga Tiket Masuk Pantai Nusa Dua Bali, Lokasi, Jam Operasional, dan Spot Menariknya". Tempo (id boros Indonesia). January 16, 2024. Linoyog ontok July 4, 2024.
  4. ↑ "Geger Beach Nusa Dua Bali". tripadvisor.com. Linoyog ontok 2024-05-19.
  5. ↑ "Water blow site in Nusa Dua". bali-indonesia.com. Bali Magazine. Linoyog ontok 2024-05-19.
  6. ↑ "Water Blow". tripadvisor.com. Linoyog ontok 2024-05-19.
  7. ↑ "Boonga becomes turnaround port". December 26, 2012.
  8. ↑ "Green light for Boonga Bay development". July 9, 2013.
  9. ↑ 9.0 9.1 9.2 Ian Lloyd Neubauer (November 2, 2021). "Indonesia leads the way in restoring coral reefs, scientists say". aljazeera.com. Al Jazeera. Linoyog ontok 2022-02-26.
  10. ↑ Badriana, Mochamad Riam; Avrionesti; Surya, M. Y.; et al. (November 2021). "Potential coral implementation area for Indonesia Coral Reef Garden in Nusa Dua, Bali". IOP Conference Series Earth and Environmental Science. 925 (1): 012024. Linoyog ontok 2024-05-19.
  11. ↑ Gultom, Iqbal Suhaemi; Anggoro, T. Danny; Nugraha, R. Bambang Adhitya (2022). "Implementasi Program Indonesia Coral Reef Garden Bali (ICRG BALI)". Jurnal Ilmiah Administrasi Publik. 8 (2). Linoyog ontok 2024-05-19.
  12. ↑ Radit Mahindro (October 2, 2020). "A Quite Long History of Balinese Hotel Architecture. Part IV: Massive Scale!". raditmahindro.medium.com. Linoyog ontok June 28, 2023.
  13. ↑ "Grand Hyatt Bali - A Balinese Water Palace". Luxury Travel Magazine. May 15, 2019. Linoyog ontok July 4, 2024.
  14. ↑ "10 Hotel dengan Kamar Terbanyak di Bali". DestinAsian Indonesia (id boros Indonesia). July 25, 2022. Linoyog ontok July 4, 2024.

Pambasaan potilombus

simbanai

08°48′09″S 115°13′39″E / 8.80250°S 115.22750°E / -8.80250; 115.22750


 

This Bali location article is a stub. You can help Wikipedia by expanding it.

Naanu mantad "https://dtp.wikipedia.org/w/index.php?title=Nusa_Dua&oldid=14647"