Laut China Selatan
Rahat China[1] Kabaatan toi ko' Rahat Campa (Jawi: لاؤت چمڤا; Arabic: بَحر الصَنف, romanized: Baḥr Aṣ-Ṣanf[2]) nopo nga rahat id boogian do Rahat Pasifik i alaab miampai lakun i kopiruba do tindal, i kohompit do kabaatan tana tagayo China (kohompit no selat Taiwan, Hongkong om nogi Makau), pulau Taiwan, semenanjung Asia Tenggara (Vietnam om kotogisan kosilahon Malaysia), Kepulauan Riau, pulau Borneo, om kepulauan Luzon kahangkum do kinoyonon soginayo 3.500.000 km ². Rahat China Kabaatan nopo nga mioput miampai rahat China Kosilahon maya do selat Taiwan, miampai rahat Filipina maya do selat Luzon, rahat Sulu maya do selat-selat i poinsorili do kepulauan Palawan (miagal do selat Mindodro om Balabak), selat Melaka maya selat Singapura om rahat Jawa maya selat Karimata om Bangka. Boogian Rahat China Kabaatan nogi nga kohompit no do; teluk Thai, teluk Tonkin om rahat Natuna. Poinladsong iti id:
- Koibutan do Tana Tagayo China[3] (China) om pulau Taiwan,
- Kotonobon Filipina,
- Koibutan Kotonobon Sabah (Malaysia), Sarawak (Malaysia) om Brunei,
- Koibutan Indonesia,
- Koibutan Kosilahon Semenanjung Tanah Melayu (Malaysia) om Singapura, miampai
- Kosilahon Vietnam.
Piipiro kapal di otutunan kopio nopo nga nakasaalom do hiti. Miagal do kapal sangod British 'Prince of Wales' om Repulse. Kapal rahat China, Arab om Belanda nogi nga noroitan do nakasaalom do hiti om soboogian nopo nga id saalom po do rahat dii.
Rahat Cina Kabaatan nopo nga nosiliu lobi oponsol tu' wawayaan do kapal rahat mantad pogun China, Jepun , Korea om Amerika kumaa Kotonobon, kumaa id Timur Tengah, India, Asia Kabaatan om Afrika. Lobi-lobi po soira nokoimbulai o torobong toi ko' pelantak petroleum om gas asli, lobi-lobi no id kowoigan Sarawak, Brunei om Terengganu. Rahat diti nogi nga sabaagi wawayaan strategik montok pamadagangan om ponginsadaan.[4]
Sukuon
simbanai- ↑ lautan bukan pemilikan sesebuah negara atau bangsa (perkataan cina digunakan bagi merujuk pengaruh cina terhadap laut tersebut bukan pemilikan negara China)
- ↑ Rujuk:
- Mu'nis, Hussain (1987). أطلس تاريخ الإسلام [Atlas Sejarah Islam] (id boros Arab). Kaherah: Az-Zahrā' lil-I`lām `Arabīy. p. 389. ISBN 977-1470-49-3.
- M. Th. Houtsma; T. W. Arnold; R. Bassett; R. Hartmann, eds. (1993). "Baḥr al-Hind". E. J. Brill's first encyclopaedia of Islam: 1913-1936. Vol. II. Leiden: Brill. p. 580. ISBN 90-04-09796-1.
- ↑ rujuk rujukan 1, nama cina
- ↑ [1] ChinaPower, (id English) 4 Ogos 2017.