Wikipedia

Kuta

Kuta nopo nga' kinoyonon modtutuongis, miampai pontadbiran nopo nga' kampung kakadayan (kelurahan) om ibu kota Kabupaten Kuta, Kabupaten Badung, kabaatan Bali, Indonesia . Kuta nopo nga' soboogian do kinoyonon metropolitan Denpasar, 12 km (7.5 mi) id kabaatan longkod kakadayan Denpasar. Di koimpunon nopo nga' otutunan sabaagi do kampung nelayan, iso kakadayan kumoiso id Bali i popokito do podtuongisan di tagayo, om sabaagi longkod podtuongisan id kotogisan, kakal sabaagi do kinoyonon podtuongisan di apangkal id Indonesia. Otutunan kopio iti id taang sompomogunan miampai kotogisan di tanaru, ogumu adapan, kadai pangakanan om bar, om ogumu pelayar di otutun kopio rumikot mantad Australia. Osomok iti miampai do Totobpoon Kapal Tulud Sompomogunan Ngurah Rai id Bali.

Kuta
ᬓᬸᬢ/ᬓᬹᬝ (Balinese)
Kotogisan Kuta
Kotogisan Kuta
Kuta is located in Badung Regency
Kuta
Kuta
Kuta is located in Indonesia
Kuta
Kuta
Kuta (Indonesia)
Coordinates: 8°44′S 115°10′E / 8.733°S 115.167°E / -8.733; 115.167
PogunIndonesia
ProvinceBali
RegencyBadung
WatasKuta

Id pomusarahan do Kerajaan Provinsi Bali, panamangan kumaa koubasanan Bali, toud sandad posorili, om tayam tolias nopo nga' iso kapansalan id suang do kopoingkakatan pulau diti. Montok tudu diti, rinontob o korikatan modtutuongis kumaa semenanjung id aspek kabaatan pulau di ogumu kopio; Kotogisan Kuta nopo nga' id kabaatan semenanjung diti om Sanur id boogian kosilahon. Aiso modtutuongis pasagaon id boogian do koibutan semenanjung.[1][2]

Id kabaatan, Kotogisan Kuta nopo nga' katalib do totobpoon kapal tulud id Jimbaran. Kakadayan om kampung poinsomok nopo nga' kohompit no Seseh (6.4 nm), Denpasar (4.5 nm), Ujung (1.8 nm), Pesanggaran (2.0 nm), Kedonganan (2.9 nm), om Tuban (1.0 nm).

Pontadbiran

simbanai
Intangai nogi: Kuta District, Badung Regency, and Bali Province
 
Pata do Kuta

Badung Regency kohompit no tolu watas miampai ngaran do Kuta:

Baino, Kuta nopo nga' nosiliu sabaagi longkod kakadayan i poinlongkod kumaa tutumombului di alaab om miamung miampai kakadayan-kakadayan sombol. Legian, id Koibutan, nopo nga' hab komersial Kuta om gana do kogumuan restoran om kinoyonon kohiok. Kogumuan hotel disan rahat di tagayo nopo nga' ponong id boogian Kabaatan Tuban.

 
Kuta Square
 
Kuta Main Street

Legian om Seminyak nopo nga' piomungan do koibutan Kuta soninaru do Jl. Legian om Jl. Basangkasa. Iti nogi nga' disan do kakadayan di lobi otoronong miampai tionon kiwoyo kotej, tionon do tulun-tulun ekspatriat. Id nogi id koibutan miagal do Petitenget, Berawa, Canggu, om Seseh — kopongoputan wagu om lobi otoronong id kotogisan Kuta. Ouhan yolo do onuon maya Abian Timbul toi ko' Denpasar om Kerobokan. Piipiro hotel tagayo nopo nga' haro id kinoyonon diti: the Oberoi Bali, Template:Multiple image Hard Rock Hotel Bali, Kokompungan Intan Bali, Legian Bali id Petitenget, Dewata Beach, om Bali Sani Suites id Berawa.

Sajara

simbanai

Id sajara kotimpuunon, Kuta nopo nga' iso kokompungan do ponginsadaan tokoro. Nga' kinoingkakaton do Kuta montok tutumombului mantad Barat, lobi-lobi po kotogisan Kuta, di toun 1930-an papasabap do nokoburu o kampung diti. Antakan di 1960-an, nosiliu o Kuta sabaagi do kinoyonon popular montok tutumombului om pelayar tu' kowoowoyoon do lakun di osonong. Nokotilombus do nokoburu o Kuta di toun 1970-an, miampai hotel, tanda' mato om restoran di noukaban sabaagi do ponuli kumaa koinggumuan do tutumombului.[3]

Pengeboman 2002

simbanai
Main article: 2002 Bali bombings

Antakan di 12 Gumas 2002, Kuta nopo nga' gana duo pengeboman i winonsoi do Jemaah Islamiyah pengebom katama do matai, tinimungan orongit Islamis. Antakan di pukul 11:05 totuong, songulun pengebom katama matai pinoloput do bom id beg gagantayon disio id kalab totuong Paddy's Pub, papasabap do ogumu notogu.[4] Lobi kuang 20 saat kalapas dii, lobi ogumu bom korita pinoloput id van Mitsubishi topurak id kalab totuong Sari Club, misulak do Paddy's Pub Dalan Legian.[4]

Watas tionon om komersial miampai mogigion di opidot nakawaya do korumbakan di tagayo, miampai luang sorinalom do iso meter (3.3 kaki) mantad kinoloputan do bom korita dii. Soginumu 202 tulun napatai om 209 o notogu.[5]

Memorial Pengeboman Bali

simbanai
 
Memorial pengeboman Bali

Kalapas do pengeboman Bali kumoiso id Kuta di toun 2002, i minamatai do 202 kohompit do 88 tulun Australia,[6] iso memorial kakal winonsoi id tapak Paddy's Pub i naraag id Legian Street. (Bar wagu, pinungaranan do "Paddy's: Reloaded", nukaban kawagu id Legian Street. Tugu pomuhandaman i winonsoi mantad do watu i kiukiran do osusa, pinasangan do plak marmar di tagayo, om kisuang do ngaran om kowarganegaraan di nangapatai. Haro nogi o bondira pogun di nangapatai. Insanangan kasari o monumen diti miampai osonong om atarang soira otuong.

Pinowonsoi o memorial diti di 12 Gumas 2004, kinouliton toun kumoduo do sangod dii. Dedikasi diti kohompit no ababayan Hindu Bali om kikosiwatan o tutumombului popoiliu do bunga om nogi koposolimbahan suai. Duta Australia om pegawai Indonesia nokotindapou do ababayan diti tu' kogumuan napatai nopo nga' tulun do Australia.[7][8]

Kotogisan Kuta

simbanai

Nointutunan o kotogisan diti di koimpunon toun 1970-an. Kotogisan Kuta (koo-tah) nogi nga' otutunan sabaagi Sunset Beach, misulak do Sunrise Beach, ngaran suai montok Kotogisan Sanur. Restoran mewah, om kalab nogi nga' haro id kotogisan dii.[9]

Di toun 2011, tansar watu togis topurak soninaru duo meter, winonsoi id suang do woyo inus Bali, winonsoi solinaid dalan montok mongolig togis do kotilib id kafe om restoran. Balanja projek diti nopo nga' Rp. Indonesia 4 bilion (USD $255,000). Sasatanga tutumombului au orohian tu' roitan sabaagi do mangantob do kotogisan, om i suai nopo nga' mamarati do tolig dii kaanu monguhup do popian do tuni mantad wayaan korita i ososok id ralan do sampaping.[10] Montok momolidang do kotogisan, miagal di koompokon Magus 2011, antaban o vendor montok papadagang do taakanon id kotogisan, nga' pasagaon kasari yolo papadagang do tiinumon om tutungkap.[11]

Timpu rumasam tounan id rantau diti insaru do papasabap ogumu rinomos om polositik id kotogisan. Mogigion om nogi tutumombului nogi nga' miampai poingukab ginawo momolidang do rinomos dii.[12]

Podtuongisan

simbanai

Otutunan o Kuta id Bali sabaagi do ririkoton tutumombului di omura montok tulun Australia tu' miinsomok. Kotogisan Kuta otutunan montok pelayak tu' kowoowoyoon do lakun do konsisten om osonong. Kotogisan Kuta nogi nga' osomok do totobpoon kapal tulud.

Koubasanan bobos otutunan

simbanai

Noroitan nogi Kuta id suang do "I've Been To Bali Too", single mantad band folk-rock Australia Redgum mantad album 1984 diolo, Frontline. Haro nogi tinimungan punk rock Indonesia Superman Is Dead, i bobos otutunan maya sinding Inggiris dau, "Kuta Rock City". [13][14]

Intangai nogi

simbanai

Ralat Lua: bad argument #2 to 'title.new' (unrecognized namespace name 'Portal').

Sukuon

simbanai
  1. ↑ ANTARA. "Membentengi Kelestarian Alam di Bali dengan Ritual Sakral". gaya hidup (id boros Inggeris). Pinoopi mantad sanḏad ontok 2018-12-23. Linoyog ontok 2018-12-22.
  2. ↑ www.gesuri.id. "Pemprov Bali Tetapkan Biaya Kontribusi bagi Wisatawan". gesuri.id/ (id boros Indonesia). Pinoopi mantad sanḏad ontok 2018-12-23. Linoyog ontok 2018-12-22.
  3. ↑ LLC, Lestacworld (2023-03-25). "Important to know about Kuta Beach | Bali". Lestacworld.com (id boros Inggeris AS). Linoyog ontok 2024-02-15.
  4. ↑ 4.0 4.1 West, Brad (2008). "Collective memory and crisis". Journal of Sociology. 44 (4): 337. ISSN 1440-7833.
  5. ↑ "Bali death toll set at 202" (id boros Inggeris British). 2003-02-19. Linoyog ontok 2024-02-15.
  6. ↑ "Sydney Morning Herald". Sydney Morning Herald. 2005. Pinoopi mantad sanḏad ontok 12 June 2018. Linoyog ontok 17 May 2016.
  7. ↑ "Bom Bali 2002: Kebiadaban Teroris dan Duka Para Korban". tirto.id (id boros Indonesia). Pinoopi mantad sanḏad ontok 2018-12-23. Linoyog ontok 2018-12-22.
  8. ↑ ABC (2018-10-12). "Korban Bom Bali di Australia Berusaha Menemukan Kedamaian 16 Tahun Setelah Kejadian". Tempo (id boros Inggeris). Pinoopi mantad sanḏad ontok 2018-12-23. Linoyog ontok 2018-12-22.
  9. ↑ Tugino (August 26, 2012). "Daftar Nama Pantai di Indonesia" (id boros Indonesia). Blogspot. Pinoopi mantad sanḏad ontok 10 April 2014. Linoyog ontok 10 November 2012.
  10. ↑ Nurhayati, Desy (3 August 2011). "Kuta wall 'ruins the beach view'". The Jakarta Post. Pinoopi mantad sanḏad ontok 2015-04-30. Linoyog ontok 2021-11-29.
  11. ↑ "Famous Kuta Beach free from food vendors". September 16, 2011. Pinoopi mantad sanḏad ontok September 19, 2012. Linoyog ontok September 16, 2011.
  12. ↑ "18 tons of trash collected in three-day coastal cleanup at Kuta beach". The Jakarta Post (id boros Inggeris). Pinoopi mantad sanḏad ontok 2020-10-30. Linoyog ontok 2021-01-04.
  13. ↑ CoconutsBali (2017-08-10). "'I've Been to Bali Too': 80s Aussie anthem makes viral comeback as netizens reminisce about the island's good ol' days (VIDEO) | Coconuts Bali". Coconuts (id boros Inggeris AS). Pinoopi mantad sanḏad ontok 2018-12-23. Linoyog ontok 2018-12-22.
  14. ↑ "Balinese Rockers versus Australian Bogans". Roads & Kingdoms (id boros Inggeris AS). 2014-08-19. Pinoopi mantad sanḏad ontok 2018-12-23. Linoyog ontok 2018-12-23.

Noputan labus

simbanai
  •   Kuta travel guide from Wikivoyage
 
Wikimedia Commons has media related to:
Kuta (category)
Naanu mantad "https://dtp.wikipedia.org/w/index.php?title=Kuta&oldid=15397"