Tinaru Dusun
Dusun toi ko' ointutunan nogi sabaagi tinaru Dusunik nopo nga istila' i gunoon montok sumuku do tinimungan tinaru pribumi id Sabah om Borneo i moboros do boros Dusunik om Paitanik (Dusunik Tagayo). Kadazan (Tanga'ara) om Momogun (Rungus) nopo nga duo etnik i poinsuang id booyungan boros Dusun maya linguistik.
 Bobolian Dusun kibangkad koubasanan Dusun Tindal | |
| Regions with significant populations | |
|---|---|
Malaysia : 1,100,283 (Sabah, Labuan, Semenanjung Malaysia) Brunei  : 20, 978 | |
| Boros | |
| Bahasa Dusun, Bahasa Melayu, Bahasa Inggeris, Bahasa sabah | |
| Ugama | |
| Kristian (Mejoriti), Islam, Momolianisme | |
| Related ethnic groups | |
| Murut, Idaanik, Kayan, Melanau, Lundayeh |
Haro duo dialek tagayo id suang boros Dusun hinonggo pisuaian nopo dau nga id konsonan no toi ko' ralan kopolombusan hogot. Tinaru tulun Dusun nokotumboyo sabaagi bumiputera asli Borneo - Sabah, miampai tungkus i nodokumentasi do Pertubuhan Pendidikan, Sains dan Kebudayaan Pertubuhan Bangsa-Bangsa Bersatu (UNESCO) mantad toun 2004.[1]
- Dialek Dusun pesisir (Tangara toi ko' Tanga'a) asaru momoguno konsonan "v", "z" om "l" id pibarasan tikid tadau, kogumuan tinaru Dusun (miagal ko' Bundu, Liwan, Tagahas, Tindal, Tobilung, ssp) nopo nga asaru momoguno konsonan "w", "y" om "r" id pibarasan tikid tadau; poomitanan nopo nga ngawi (Liwan) om ngavi (Tangara) i kirati do "habis", tagayo (Bundu) om tagazo (Tangara) i kirati do "besar", om nogi karaja (Tindal) om kalaja (Tangara) i kirati do "kerja".[2]
Kointutunan
simbanaiPamalahawan do tinimungan koulunan Dusun nopo nga nokoimpuun miampai hogot Dusun, poomitanan nopo nga Dusun Dumpas, Dusun Kimaragang, Dusun Liwan, Dusun Lotud, Dusun Tindal om ogumu po tumanud do tinimungan subetnik Dusun di noobi. Kosoriuk po om pinomusarahan maya piagalan linguistik, tradisi om koubasanan, pinosuul do Parti Bersatu Sabah (PBS) o piomungan etnik Dusun om Kadazan miampai istilah "Kadazandusun" ontok toun 1989. Piomungan diti nopo nga pinasaga om nakaanu kolulusan sabaagi resolusi maamaso Persidangan Delegasi Persatuan Kebudayaan Kadazan ko-5. "Kadazandusun" nogi nga noiiktiraf sabaagi etnik koulanan tulun mantad Borneo Utara miampai tinungkusan om koubasanan ii nodokumen do Pertubuhan Pondidikan, Sains om Kebudayaan Pertubuhan Bangsa-Bangsa Bersatu (UNESCO) mantad po di toun 2004[3]. Sundung do ingkaa, piomungan diti nopo nga bertentangan miampai do toilaan boros, tu "Kadazan" nopo nga iso mantad do dialek boros Dusun. Id siriba nopo nga klasifikasi boros Kadazan tumanud toilaab boros (linguistik), ii popokito do Kadazan nopo nga iso mantad do dialek boros Dusun, om piomungan do istilah Kadazan om Dusun nopo nga osiliu Kadazan-Dusun ii berlawanan miampai toilaan boros:
| Paganakan boros: Austronesia | Austronesian
|
|---|