Semenanjung Malaysia

Samananjung Malaysia toi ko' Kotonobon Malaysia di pogulu nopo nga ointutunan sabaagi Malaya toi ko' Melayu British nopo nga soboogian mantad pogun Malaysia i pointongkop no soboogian mantad boogian id ponong kabaatan Samananjung Tana Malayu, om nogi kopogiomungan 11 pogun (ontok dii) ii mombontuk Persekutuan Tanah Melayu.

Samananjung dinondo nopo nga kaampai no 13 pogu om 1 Wilayah Persekutuan ii nabaagi kumaa tolu ii nopo nga Wilayah Persekutuan Kuala Lumpur, Putrajaya om Labuan. Pogun-pogun dii nga kaampai no o Johor, Kedah, Kelantan, Melaka, Negeri Sembilan, Pahang, Perak, Perlis, Pulau Pinang, Selangor, Terengganu, om nogi Wilayah Persekutuan Kuala Lumpur om Wilayah Persekutuan Putrajaya. Linaab nopo do pointongkop Samananjung Malaysia nopo nga 131,598 pasagi.

Samananjung Malaysia miilang do gontob tindal do Thailand id boogian koibutan om gontob maritimm do Singapura id boogian kabaatan, miampai Selat Johor. Samananjung Tana Malayu kiwa gontob miampai Indonesia id Selat Melaka om Rahat China Selatan, ii nopo nga miampai Sumatera om Kepulauan Riau, om nogi Vietnam id Rhat China Selatan. Suai ko ii, Kosilahon Malaysia (Sabah, Brunei om Sarawak) poingili id soborong kosilahon Semenanjung Malaysia dumarapas do Rahat China Selatan

Osomok no oinsanan pogun id Samananjung Malaysia ii binuruon do sultan toi ko' raja amu kohompit Melaka om Pulau Pinang. Siam pogun nopo dii buruonon raja nga kaampai no Perlis, Kedah, Perak, Selangor, Negeri Sembilan, Johor, Pahang, Terengganu om Kelantan. Pangarait Sultan nopo nga gunoon id pogun

Kedah, Perak, Selangor, Johor, Pahang, Terengganu om Kelantan, om Perlis nopo nga mangarait baginda porinta diolo sabaagi Raja, om id Negeri Sembilan, baginda roitan do Yamtuan Besar toi ko' ii rasmi nopo nga Yang di-Pertua Besar.