Wikipedia

Simit

Simit nopo nga ruti obulugu, koubasan nopo haro bijan toi ko', linsou popi, rami toi ko' bungadau, okito maya nansakan do Empayar Uthmaniyyah, om Kosilahon Tanga', loolobi no id Armenia, Turki, om Balkan.[4] Ginayo, kinorup, linanut om woyo suai do Simit diti nopo nga misuai tokuri tumanud do kinoyonon.

Simit
Alternative namesrosquilla (France, Spain), bokegh (Armenia), Đevrek (Bosnia, Serbia), koulouri (Greece), covrig (Romania), gevrek (Bulgaria and North Macedonia), and Turkish bagel (United States)
TypeBread
Place of originOttoman Empire[1]
Roman Empire[2][3]
Main ingredientsDough (flour, water, yeast, salt), sesame seeds
VariationsAlso called Shureik, Ka'ak, and Sameet

Id İzmir, ointutunan o Simit sabaagi gevrek ("okorup"), sundung do ii nopo nga oruhai no do miagal miampai kawo do Istanbul. Simit id Ankara lobi okoro om lobi okorup mantad ko' id kakadayan-kakadayan suai.

Ngaran

simbanai
 
Patung papadagang Simit id Çorlu, Tekirdağ, Turki
 
Teh Turki (çay) om rosquilla (simit) id Turki

Hogot simit nopo nga mantad boros Arab, samīd (سميد) "ruti opurak" toi ko' "tapung aalus".[5][6]

Ngaran suai nopo nga mantad do boros Yunani Byzantine kollikion (κολλίκιον), toi ko' Yunani Purba kollyra (κολλύρα), toi ko' Yunani koulouri (κουλούρι). Id Latin ointutunan sabaagi arculata. Boros Aramaic: ܩܶܠܽܘܪܳܐ/ܩܸܠܘܿܪܵܐ (qeluro/qelora); Turki: gevrek;[7][8] South Slavic đevrek, ђеврек, gjevrek, ѓеврек, геврек. Id boros Armenia nopo nga բոկեղ (bokegh). Id suang Judaeo-Spanish ointutunan sabaagi do roskas turkas.[9] Id boros Inggiris ointutunan sabaagi do rosca toi ko' coulouri.[10]

Tadon

simbanai

Popokito o toud arkib do simit nopo nga pinaasil id Istanbul mantad po 1525.[11] Tumanud do rikud mahkamah Üsküdar (Şer’iyye Sicili) kitadauwulan 1593,[12] piniagal o winagat om gatang simit di kumoinsan nogi. Minonuat i Evliya Çelebi, songulun mononompogunan abad ko-17 do haro 70 kadai ruti simit id Istanbul ontok 1630-an.[13] Linukisan pogulu abad ko-19 di Jean Brindesi kokomoi do koposion sangangadau do Istanbul popokito papapadagang do simit id tindalanon.[14] Minomonsoi nogi i Warwick Goble do ilustrasi papapadagang do simit Istanbul ontok toun 1906.[15] Nointutunan o simit om kawo dau id pointongkop do Empayar Uthmaniyyah.

Kopomogunaan

simbanai

Koubasan posurungon o Simit tomod, toi ko' montok makan doungosuab miampai teh, tua'-ua' i na'awet, keju toi ko' ayran. Minum teh miampai do simit nopo nga tradisional. Simit ("Bokegh" id suang boros Armenia) nopo nga ruti Krismas tradisional id Armenia.

Koubasan padagangon o simit do papapadagang tindalanon id Turki,[16] i haro o troli simit toi ko' igitan diolo simit dii id suang talam id sakai do tulu diolo.

Simit nopo nga tanda' oponsol kumaa tulun kalas tosiriba om pintangaan id Turki. Somonu ii nopo nga lohowon do susam kebabı ("bijan kebab").

Id boogian suai id Kosilahon Tanga', id Mesir akanon ii miampai do tontolu tinanok om/toi ko' Duqqa, ii nopo nga rinalatan do herba i gunoon sabaagi pomoroso. Ii nga oubas gunoon montok mongukab do kodos, miampai yogurt toi ko' buttermilk, id masjid-masjid id Mekah om Madinah.

Tadau baino, ogumu majlis perbandaran id Turki papalabus do simit maya tanak syarikat diolo sondii.[17]

Produk di miagal

simbanai

Piipiro kawo covrigi Romania kopiagal do simit, kinoyonon di papadagang dii ointutunan sabaagi "Simigerii".

Iso po kawagu ruti di kopiagal do simit ointutunan sabaagi obarwarzanek (poimbida nopo obarwarzanek krakowski) id Poland om bublik id Rusia, Ukraine om Belarus. Pisuaian apangkal nopo nga gogolung doh i pinoobug toruhai id suang waig di molok-golok pogulu do posorobon (ingkaa nogi do bagel), okon ko' poobugon id suang waig om sirap molase, miagal do simit.

Girde (Uygur: Гирде), nopo nga iso kawo ruti i posorobon id tolig ketuhar tandoori, oruhai no kopiagal do simit, okito do tulun Uyghur id China sabaagi item woyo id suang ropuhan poimbida do koubasanan diolo.

Sukuon

simbanai
  1. ↑ Roth, Alisa (2012). "Simit: Turkey's National Bread". Gastronomica. 12 (4): 31–36. doi:10.1525/GFC.2012.12.4.31.
  2. ↑ "Arculata: The bread that survived Pompeii". www.bbc.com.
  3. ↑ "Arculata le ciambelle sopravvissute a Pompeii". tavolamediterranea.com. 7 April 2023.
  4. ↑ "Türkiye ve Yunanistan'ın simit savaşı kızışıyor".
  5. ↑ Kees Versteegh, ed. (2008). Encyclopedia of Arabic Language and Linguistics. Vol. IV (Q–Z). Brill. p. 262 (entry samīd). ISBN 978-90-04-14476-7.
  6. ↑ "Simit - Kelime Etimolojisi, Kelimesinin Kökeni". www.etimolojiturkce.com.
  7. ↑ In parts of Turkey, referring to all crisp breads; see Modern Turkish Dictionary, TDK
  8. ↑ Evliya Çelebi's travels, Seyahatname, 1680.
  9. ↑ Matilda Koén-Sarano Diksionario Ladino-Ebreo,Ebreo-Ladino,S.Zack,Jerusalem 2010
  10. ↑ "Simit / gevrek / kuluri". rumianacocina.blogspot.com. 29 September 2019.
  11. ↑ Sahillioğlu, Halil. "Osmanlılarda Narh Müessesesi ve 1525 Yılı Sonunda İstanbul’da Fiyatlar" Belgelerle Türk Tarihi 2 (The Narh Institution in the Ottoman Empire and the Prices in Istanbul in Late 1525. Documents in Turkish History 2) (Kasım 1967): 56
  12. ↑ Ünsal, Artun. Susamlı Halkanın Tılsımı.[The Secret of the Ring with Sesames] İstanbul: YKY, 2010: 45
  13. ↑ Evliya Çelebi Seyahatnâmesi Kitap I. [The Seyahatname Book I] (Robert Dankoff, Seyit Ali Kahraman, Yücel Dağlı). İstanbul: YKY, 2006: 231
  14. ↑ Jean Brindesi, Illustrations de Elbicei atika. Musée des anciens costumes turcs d'Istanbul , Paris: Lemercier, [1855]
  15. ↑ Constantinople, painted by Warwick Goble, described by Alexander Van Millingen (London: Black, 1906) – via gutenberg.org.
  16. ↑ "Çıtır Burgu Simit Tarifi - Lezzetli Tatlı Tarifleri".
  17. ↑ Gazete, Banka (15 November 2021). "Yesaş simit üretecek". Gazete Banka Haber. Linoyog ontok 15 November 2021.
Naanu mantad "https://dtp.wikipedia.org/w/index.php?title=Simit&oldid=17018"