Wikipedia

Putri Ariani

Ariani Nisma Putri (Templat:Kelahirankematian), toi ko' lobi ointutunan sabaagi Putri Ariani nopo nga songulun susuminding-monunuat sinding pop solo mantad Indonesia om bolou isido.[2]

Putri Ariani
Kinosusuon
Ariani Nisma Putri

(2005-12-31) Momuhau 31, 2005 (umul 18)
Bangkinang, Kabupaten Kampar, Riau, Indonesia[1]
MomogunIndonesia
Kalaja
Toun mimparagat2014–dinondo
Ointutunan montokIndonesia's Got Talent 2014
Musical career
Genre
Instrument(s)
Websiteputriariani.id

Nokotimpuun do nointutunan o ngaran dau soira tuminanud isido piboi'an Indonesia's Got Talent 2014 om nakalantoi isido id piboi'an dii.[3]

Koposion osopung om sinikulan

simbanai

Nosusu i Putri miampai ngaran Ariani Nisma Putri ontok 31 Momuhau 2005 id Bangkinang, Kampar, Riau. Isido nopo nga tanak kumoiso di Ismawan Kurnianto om Reni Alfianty mantad tolu tulun miadi-adi, om monongodu kumoiso id suang paganak tagayo dau. Haro duo tadi tondu di Putri i pinungaranan do Devina Elysia om Vania Larissa.[4]

Nosusu i Putri do pramatang id suang umul 6 tulan 18 tadau soira nokotoguang o tama dau do plasenta previa. Kalapas do nosusu, nuru do usapon i Putri id suang inkubator baragang solinaid do 3 tulan id lamin pongusapan.[5] Soira nokosoliwan mantad inkubator nookunan do haro katarak di Putri. Noowit i Putri do molohing dau montok mokiusap id Singapura om nokointalang do nokotguang isido retinopati pramatang om nokosiwat do minomonsoi pamayayakan nga aiso asil.[6][4][7] Nookunan do bolou isido do poinggonop ontok 3 tulan umul dau.[8]

Nokoimbulai o kabaalan suminding di Putri maamaso duo toun umul dau. Nokoimbulai o kaanangan dau tuminimpuun mantad di orohian isido momit tuni rolou di orongou dau. [8] Mininsingilo i Putri do muzik miampai au tuminanud do kalas vokal. Tuminimpuun isido minomonsoi kosolimbahan suminding mantad do umul turu toun.[9] Minangakun i Putri do asaru yau toro-toroon sabap do fizikal dau i poinsuusuai.[10]

Ontok toun 2021, suminikul i Putri id sikul takawas id SMK Negeri 2 Kasihan toi ko' lobi ointutunan sabaagi Sikul Takawas Muzik Yogyakarta (SMM) id Kabupaten Bantul, Daerah Istimewa Yogyakarta, miampai kakamot poimbida nopo nga seruling. Koumbal nogi isido naalap sabaagi vokal solo id konsert SMM.[11][12]

Buruon

simbanai

Pinotimpuun di Putri o buruon dau id industri kohiakan miampai tumanud do piboi'an pogihuman kabaalan, Indonesia's Got Talent musim koduo i pinosolimbou id stesen televisen SCTV ontok 2014.[13] Id suang Result Show i pinosolimbou potilombus mantad Balai Sarbini, Plaza Semanggi, Jakarta, ontok 19 Madas, minogowit i Putri do sinding My Heart Will Go On sinding di Céline Dion. Nakalantoi isido do nakaanu tundi SMS di bobos akawas om nokosiliu do bontugan. Sabaagi i nakalantoi, nakaanu isido tusin 500 riong rupiah.[14]

Ontok toun 2016, nakaanu i Putri do gaa' Anugerah Baiduri sabaagi susuminding tangaanak kinoingkokoton taang kabansaan. Ontok toun di miagal, nakaanu i Putri do bontugan 2 taang kabansaan literasi FLS2N om nokosiliu finalis The Voice Kids Indonesia (musim koduo). Koilo nogi i Putri do mamain piano om monupu piipiro sinding, asaru nogi isido popoingkawas karya dau id saluran YouTube dau sondii om minonupu album perdana i kiuhu Melihat Dengan Hati.[15]

Soira nopili o Indonesia sabaagi tuan walai montok Sukan Para Asia 2018, nakaanu kosiwatan i Putri do suminding sinding "Song of Victory" id suang ababayan pongukaban montok manahak sunduan kumaa atlet poinsuusuai tinori.[16]

Ontok toun 2023, tuminanud i Putri uji kabaalan piboi'an TV, America's Got Talent musim ko-18 montok minggu koduo. Id suang uji kabaalan dii, minogowit isido sinding sandad dau "Loneliness" montok kopokitanan kumoiso. Kalapas dii, kikosiwatan isido suminding Sorry Seems to Be the Hardest Word sinding di Elton John montok kopokitanan kumoduo. Id tohuri kopokitanan dau, nakaanu i Putri do golden buzzer mantad di Simon, om mantad dii oboyo yau kumaa id piboi'an dii.[17]

Sukuon

simbanai
  1. ↑ Ramdani, Aan (27 Oktober 2020). "Ariani Nisma Putri, Penyanyi Tuna Netra dengan Suara Emas Kelahiran Kampar Riau". Tribunnews.com (id boros Indonesia).
  2. ↑ Srija (2023-06-08). "Who is Putri Ariani? The 17-year-old blind singer captivates global viewers". Reality Rumors (id boros Inggilis). Linoyog ontok 2023-06-08.
  3. ↑ Edward, Julian (20 Julai 14). Ferdian, Feby (ed.). "Ariani Putri Juarai Indonesia's Got Talent 2014". Liputan6.com (id boros Indonesia). {{cite news}}: Check date values in: |date= (help)
  4. ↑ 4.0 4.1 "7 Fakta Keluarga Putri Ariani, Dapat Golden Buzzer AGT 2023". www.popmama.com (id boros Inggilis). Linoyog ontok 2023-06-08.
  5. ↑ VIVA, PT VIVA MEDIA BARU- (2023-06-08). "Kisah Hidup Putri Ariani, Lahir Prematur saat Usia Kandungan Masih 6 Bulan | Halaman 2". www.viva.co.id (id boros Indonesia). Linoyog ontok 2023-06-08.
  6. ↑ "Mengenal Penyakit Retinophaty of Prematurity yang Diderita Putri Ariani, Bisa Sebabkan Kebutaan". Tribunjogja.com (id boros Indonesia). Linoyog ontok 2023-06-08.
  7. ↑ A, Annisa. "5 Fakta Menarik Putri Ariani, Dipuji Simon Cowell & Pernah Operasi Mata Tapi Tak Berhasil". moms-life (id boros Indonesia). Linoyog ontok 2023-06-08.
  8. ↑ 8.0 8.1 detikHot, Tim. "Putri Ariani, Penyanyi Tunanetra Kelahiran Sumatera". detiksumbagsel (id boros Indonesia). Linoyog ontok 2023-06-08.
  9. ↑ Anggraini, Pingkan. "Putri Ariani Tak Pernah Ikut Les Nyanyi, Suaranya Disebut Seperti Malaikat". detikhot (id boros Indonesia). Linoyog ontok 2023-06-08.
  10. ↑ detikHot, Tim. "Perjuangan Putri Ariani yang Ternyata Dulu Korban Bullying". detikjateng (id boros Indonesia). Linoyog ontok 2023-06-08.
  11. ↑ Okezone (2023-06-07). "Belajar di SMM Yogyakarta, Putri Ariani Selalu Raih Nilai Tinggi di Kelas Instrumen Major Flute : Okezone Edukasi" (id boros Indonesia). Linoyog ontok 2023-06-08.
  12. ↑ "Keseharian Putri Ariani di Sekolah Diungkap Kepsek, Peraih Golden Buzzer AGT Punya Segudang Prestasi". Tribunsumsel.com (id boros Indonesia). Linoyog ontok 2023-06-08.
  13. ↑ "Sebelum di America's Got Talent, Putri Ariani Sempat Ikut Indonesia's Got Talent - Jawa Pos". www.jawapos.com. Linoyog ontok 2023-06-08.
  14. ↑ Senin, 21 Juli 2014 15:01 Penulis: Darmadi Sasongko. "Ariani Nisma Putri, Juara Indonesia's Got Talent 2014". KapanLagi.com (id boros Indonesia). Linoyog ontok 2023-06-08.
  15. ↑ "Putri Ariani: Perempuan Disabilitas Netra yang Menginspirasi". Klobility. Linoyog ontok 8 Jun 2023.
  16. ↑ Pangerang, Andi Muttya Keteng (23 September 18). Kamil, Ati (ed.). "Tunanetra Putri Ariani Ikut Nyanyikan Lagu Tema Asian Para Games 2018". Kompas.com. {{cite news}}: Check date values in: |date= (help)
  17. ↑ Isharyani Putri, Utami (7 Jun 2023). "Putri Ariani Tampil Memukau di AGT 2023, Diganjar Golden Buzzer dari Simon Cowell". Kabar Priangan (dari Pikiran Rakyat). Linoyog ontok 8 Jun 2023.
Naanu mantad "https://dtp.wikipedia.org/w/index.php?title=Putri_Ariani&oldid=17551"