Puputan
Puputan nopo nga' istilah Bali montok mass ritual kumiros sabaagi kapangkalan motok monoguang do ponghinaan kapanahakan. Id kotimpuunon, iti kirati do pnangadan kotohuri di nasansagan kumaa songoon unggul id aspek do pongintaban.[1] Puputan otutunan kopio id sajara Bali i nokoindalan di toun 1906 om 1908, soiro nasaladan o tulun Bali do Belanda.
1849
simbanai
1906 Badung puputan
simbanai
Antakan di 20 Manom 1906, sontinimungan tagayo do Tantara Hindia Diraja Belanda, pinungaranan do Ekspedisi Katantaraan Koonom, tinumampo id boogian koibutan Kotogisan Sanur. Iti nopo nga id siriba do suhu do Jeneral Major M.B. Rost van Tonningen.[2][3] Tantara Badung minanangod kumaa bivak do Belanda id Sanur antakan di 15 Manom, om piipiro po kawagu panangadan id kokompungan Intaran.[lower-alpha 1]
Kesiman
simbanaiMiampai poinggonop, tinimungan di nakaanu sinumuang id boogian suang miampai aiso kaantaban, om nokorikot id kota Kesiman di 20 Manom 1906. Hilo, raja sandad, songulun vasal raja Badung pinatai do paderi dau tu' mangada do momuruan pisangadan kisanjata miampai Belanda. Nosorob o istana dii om nakadaada o kota diri.[3]
Denpasar
simbanaiTinimungan diti berarak kumaa Denpasar, Bali, miagal do perarakan pakaian.[3] Rinumikot yolo id istana raja, miampai nokokito lisun mantad do puri om nokorongou do tuni tagung di ologod mantad istana.
Soira nokorikot yolo id istana, nokoimbulai o prosesion pakadadan, pinuruan do Raja id sakai do palanquin i noit do apat tulun. Minananrasuk o Raja di do rasuk koubasanan topurak montok ponutudan do rata, minamakai kakamot amas di olumis, om minongigit do kris istiadat. Tongoulun nopo id prosesion dii nga' kohompit no pegawai-pegawai raja, mantatamong, pendeta, sawo, tangaanak om mananamong, i momoguno do rasuk di miagal.[3] Nokotorimo no yolo do upacara kapatayon, minananrasuk do topurak, om nakaanu barakat o upacara kris diolo.[4]
Kalapas do pamanahon sontinimungan dii nokorikot hatus laang mantad tinimungan sumangod Belanda, minundorong yolo om linumintuhun i raja mantad do tandu om minanahak do tanda' kumaa songulun imam, i pinopotobok do keris dau id kangkab do raja. Tulun suai id perarakan di nga' tumimpuun no kumiros om nogi mamatai tulun suai.[3] I koonduan nopo nga' papataam do kotos amas om syiling amas kumaa sangod.[3]
Iso 'kobong napalid' om ' sangod momoguno tandus' mongunsub do Belanda montok monuli momoguno do senapang om artileri. Soira lobi ogumu tulun sumoliwan mantad istana, lobi akawas o nolit do rata. [3] Ginumu nopo pamanahon sontinimungan diti nga' lobi hatus, [5] om noroitan do lobi 1,000 tulun. Toinsanan diti nopo nga' napatai gama do kobong mantad Belanda.[6]
Susuyan diti popokito do Belanda i minogulu do minonimbak do massa Bali i sinumoliwan mantad totobon suangon istana, i momoguno no do keris, tandus om nogi kolid koubasanan, om i nopo noolu nga' kinumiros, toi ko' pinatai do tutumanud diolo tumanud do tisunud puputan.[6]
Nidu do askar-askar o kotos kigatang mantad do rata dii om minomorumbak do istana di nosorob. Rinumbak o istana Denpasar.[6]
Id sodopon dii nogi, kinaantakan di miagal nokoindalan id istana Pemecutan di miinsomok, hinonggo poingion o pomorintah om i Gusti Gede Ngurah. Pinologos do Belanda o tulun kiharo-haro id Pemecutan diti kinumiros, om tinilombusan o panakahan.
Pamatayan soroguugumu diti hondomon sabaagi do "Badung Puputan", sabaagi simbol panaapan kumaa rurumikot monompogunan. Pinoingkakat o iso monumen gangsa di tagayo id dataran taatanga do Denpasar, hinonggo istana diraja koumbal do winonsoi, montok momuhondom do panaapan tulun Bali id Puputan.
Tabanan
simbanaiTinumilombus o tantara Belanda kumaa Tabanan, hinonggo minogidu i Raja Gusti Ngurah Agung om tanak dau kusai. Ginumuli kawagu yolo nga' tinumunui kumaa Belanda, hinonggo mumbal yolo do mogibooboros kokomoi ponolibambanan montok sumiliu do iso kabupaten id Belanda.
Minanahak do pomilian o Belanda kumaa diolo montok pataamon id somok do Madura toi ko' Lombok, om minomilo yolo do kinumiros (puputan) id panjara kalapas duo tadau.[4][7] Pinanakau om rinumbak do Belanda o istana diolo.[7]
1908 Klungkung puputan
simbanaiIso kaagu puputan nokoindalan id Istana Klungkung di 18 Ngiop 1908.
Nokoimbulai iti gama do panangadan Bali kumaa pogumbalan do Belanda montok mongontok monopoli opium i momihak kumaa diolo.[8] Raja Karangasem manangod do monopoli dii papasabap do haro rusuhan tulun Bali id ibu kota Klungkung.[9] Nokoimpuun o rusuhan dii id Gelgel, soiro minamatai o tulun Bali do songulun papataran candu jawa. [9] Pinapaatod o Belanda do susumangod montok moningkod do rusuhan dii. Id Bali, minamatai yolo soginumu 100 tulun Bali, mononsog do Raja montok mogidu kumaa Klungkung.[9] Pinoloput do Belanda o kakadayan Klungkung.
Id konfrontasi kotohuri di 18 Ngiop 1908, Dewa Agung Jambe, Raja Klungung, tinanud do 200 tutumanud, minanagod sonsog id soliwan do istana dau, kirasuk topurak o momoguno do sindata kris i noroitan do legenda montok momunso sangod tumanud pangagaan.[8] Au nakalantoi o keris montok momogonop asil di maan, om tinimbak do poluru Belanda i Raja. [9] Kalapas dii, onom tulun sawo do raja pinopoindalan do 'puputan', kinumiros momoguno keris diolo, om au alaid, sinumuhut o tulun Bali i poinsuang id porarakan dii. Templat:Rutherford
1946 Marga Puputan
simbanai
Pisangadan Margarana (Indonesian: Puputan Margarana)nopo nga' pisangadan miampai Pontadbiran Awam Hindia Belanda (NICA) om Batalion Ciung Wanara i pinoimbulai, om panangadan id Marga, Bali, Indonesia.
Intangai nogi
simbanai- Timeline of Indonesian history
- Jauhar, Rajput practice of India
- Seppuku
- Siege of Masada
- Persecution of Hindus
- Mass suicide
Nuut gakod
simbanai- ↑ Notice at the Bali Museum
- ↑ Pringle 2004, p. 106: "Istilah Balipuputan naanu mantad boros guas do puput, i kirati do 'momogonop' toi ko' 'momolingkum'. Tulun Barat poposogu do puputan nopo nga' nounsub maya pomogunoon do candu om/toi ko' maya pionitan koubasanan montok korongitan spontan, koubasanan amok (boros Indonesia) i haro id poinggonop do pogun Melayu, id kinoonuan do boros 'running amuck' id suang do Boros Inggiris naanu. Nga okon ko' toinsanan puputan nga miagal. Okon ko' toinsanan dii nga' kirati montok manangod do mononolod. Haro piipiro kinantakan i nokosuat kokomoi tinimungan Bali i mongontok kumaa tulun Bali di suai, miagal do kinantakan do pisangadan piompinayan Lombok di toun 1839. Okon ko' toinsanan 'puputan' nga kinumiros. Rati sandad nopo nga' sangod nasansagan di kotohuri kumaa songodon di lobi unggul id aspek do pongintaban. Id iso konflik miampai antagonis Bali, nakalantoi o puputan montok papaasil kalantayon mantad di nowonsoi diolo."
- ↑ ter Keurs 2007, p. 146.
- ↑ 3.0 3.1 3.2 3.3 3.4 3.5 3.6 Hanna 2004, p. 140–141.
- ↑ 4.0 4.1 Barski, Beaucourt & Carpenter 2007, p. 49.
- ↑ Barski, Beaucourt & Carpenter 2007.
- ↑ 6.0 6.1 6.2 Haer, Morillot & Toh 2007.
- ↑ 7.0 7.1 Hanna 2004, p. 143–144.
- ↑ 8.0 8.1 Reader & Ridout 2002, p. 496.
- ↑ 9.0 9.1 9.2 9.3 Rutherford 2002, p. 40.
Sukuon
simbanai- Barski, Andy; Beaucort, Albert & Carpenter, Bruce, eds. (2007). Bali and Lombok. DK Eyewitness Travel Guides. Dorling Kindersley. ISBN 978-0756628789.
- Haer, Debbie Guthrie; Morillot, Juliette & Toh, Irene, eds. (2007). Bali: a traveller's companion (3rd ed.). Editions Didier Millet (Singapore). ISBN 9789814217354. OCLC 190787094.
- Hanna, Willard A (2004). Bali Chronicles. Singapore: Periplus. ISBN 0-79460272X.
- ter Keurs, Pieter (2007). Colonial collections revisited. CNWS Publication. ISBN 978-90-5789-152-6.
- Pringle, Robert (2004). "The meaning of puputan". In Osborne, Milton (ed.). A Short History of Bali: Indonesia's Hindu Realm. A Short History of Asia (id boros Inggilis). Allen & Unwin. pp. 106–108. ISBN 978-1865088631.
- Ridout, Lucy & Reader, Lesley (2002). The Rough Guide to Bali and Lombok (4th ed.). Rough Guides Ltd. ISBN 978-1858289021.
- Rutherford, Scott, ed. (2002). Insight Guide Bali. Insight Guides. ISBN 978-1585732883.
Noputan labus
simbanai- History of Puputan Badung. Denpasar Government Municipality Tourism Office.
- History of Puputan Badung, page 2. Denpasar Government Municipality Tourism Office.
- "Puputan Square". Denpasar Government Municipality Tourism Office. Linoyog ontok 13 December 2008.