Institut Inus Indonesia, Denpasar

Institut Inus Indonesia, Denpasar
Institut Inus Indonesia Denpasar
	Fail:Indonesian Institute of the Arts, Denpasar.png Simbol Institut Inus Indonesia, Denpasar
Kawo	State
Pinoturidong ontok	28 Madas 2003 (pinoimagon)
Rektor	Prof. Dr. I Wayan Adnyana, S.Sn., M.Sn.
Lokasi	Denpasar, Bali, Indonesia; 8°39′13″S 115°13′58″E / 8.653592°S 115.232639°E
Kampus	Kakadayan
Website	isi-dps.ac.id

Institut Inus Indonesia, Denpasar pinoniba sabaagi ISI Denpasar nopo nga iso kolej inus i noulud do Komontirian Pondidikan Nasional id siriba tonggungan do Montiri Pondidikan Nasional. ISI Denpasar nopo nga piintangan di Luguan Pangarah Jabatan Pondidikan Takawas. Pinoturidong o ISI Denpasar ontok 2003 om ii nopo nga integrasi Kolej Inus Indonesia (STSI) Denpasar om Program Ponginabasan Inus Rupa om Inus Reka (PSSRD) Universiti Udayana.

Sajara'

STSI Denpasar, ngaran mantad nopo nga Akademi Sayau Indonesia (ASTI) Denpasar, pinoturidong di pomorinta' provinsi Bali ontok 28 Milatok 1967, mantad goos Dewan Penasihat om Koburuon Koubasanan (Listibya). Orosian do opunso piipiro bontuk koinusan tradisional Bali, mantad dii pinotounda o institut diti do pondidikan inus montok sukod wagu.

Kalapas duo toun nokoingkakat, nokotorimo o ASTI Denpasar do status mantad Komontirian Pondidikan om Koubasanan ontok toun 1969 om ASTI Denpasar nopo nga sabaagi jurusan mantad ASTI Yogyakarta i kouludan dau nopo nga uludon do Direktorat Jenderal Koubasanan Komontirian Pondidikan om Koubasanan. Lobi do 8 toun dinakatalib, sabap do kosimbanan struktur organisasi id kotinanan do Komontirian Pondidikan om Koubasanan, mantad toun 1976 kouludan ASTI Denpasar nopo nga id siriba do Direktorat Jenderal Pondidikan Takawas, om nogi pamansayan di sinuhu kumaa pombontukan Institut Koinusan Indonesia (ISI), miampai kolej inus suai id Indonesia. Maya kootuson Montiri Pondidikan om Koubasanan, pinoingkawas o Akademi Sayau Indonesia id Denpasar suminiliu do Kolej Inus Indonesia (STSI) Denpasar. Ponuridangan STSI Denpasar nookunan miampai Kootuson Presiden.

PSSRD Jabatan Inus Alus Fakulti Kejuruteraan Universiti Udayana nopo nga mantad 1 Gumas 1965. Tumanud kootuson Rektor Udayana, mombontuk o Udayana PSSRD do program balajal tikid fakulti i pinogirot miampai Suat Kootuson Direktorat Jenderal Pondidikan Takawas, Jabatan Pondidikan Takawas montok popoindalan kogunoon do Ponginabasan Takawas Tridharma.

Tumounda o pomorinta' Bali om tulun ginumuan Bali montok popointegrasi duo institusi inus miampai PSSRD Unud STSI Denpasar sumiliu do iso ponginabasan takawas inus, mantad toun 1993 om pinotilombus ontok toun 1999. Ontok 28 Madas 2003 pinoimagon di Prof. Drs. Abdul Malik Fadjar, Montiri Pondidikan Nasional o kinoingkakatan ISI Denpasar, natanda' miampai tandatunturu do inskripsi i poinladsong id Bongunan Natya Mandala ISI Denpasar.

Akademik

ISI Denpasar haro hopod om duo kursus id Fakulti Inus Kosolimbahan om Fakulti Inus Reka:^[1]

Sayau
Sayau, drama om muzik
Muzik
Inus Wayang Kulit
Inus Karawitan
Inus Alus
Kraf Inus
Reka Bontuk Suang
Reka Bontuk Komunikasi Visual
Panggambalan (stub montok Fakulti Rekod Media)
Rekaan Fesyen
Filim

Sukuon

↑ "The Faculties". Pinoopi mantad sand̠ad ontok 2011-11-02. Linoyog ontok 2011-10-09.

Noputan labus

Laman web rasmi

[1] "The Faculties". Pinoopi mantad sand̠ad ontok 2011-11-02. Linoyog ontok 2011-10-09.

[1]