Bulantrisna Djelantik
Ayu Bulantrisna Djelantik (8 Manom 1947 – 24 Mansak 2021) nopo nga songulun Susumayau Bali tradisional Indonesia kiraha Belanda, tulun abaal do ENT om lungkitas id fakulti pongusapan id Universiti Padjadjaran.
Ayu Bulantrisna Djelantik | |
|---|---|
 Bulantrisna Djelantik popokito kono Calon Arang id suang drama sayau Bali tumanud versi susuyan di Toeti Heraty | |
| Kinosusuon | Ayu Bulantrisna Djelantik 8 Manom 1947 Deventer, Netherlands |
| Tadauwulan minidu pogun | 24 Mansak 2021 (umul 73) Jakarta, Indonesia |
| Momogun | Indonesia |
Koposion pogulu om pondidikan
simbanaiNosusu i Bulantrisna sabaagi tanak koiso mantad limo mogiobpinai, fom molohing nopo diolo nga kiraha Bali-Beelanda ii no Dr. A.A. Made Djelantik om Astri Henriette Zwart.[1] Tapa nopo disido nga tanak di I Gusti Bagus Jelantik, raja do Karangasem Regency.[2] Tama nopo disido nga tanak do gompomorun (designer) ointutunan do Belanda i Piet Zwart, i monokodung do gura De Stijl.[3] Tapa nodo di Bulantrisna nga sumikul id Netherlands maamaso kaantakan Kobolingkaangan Kagabasan Indonesia, om hilo no isio nokoruba di sawo dau. Sabaagi tulun abaal id malariologi WHO om luguan Jabatan Kolidasan Bali, nakakaraja i Dr. Djelantik id ogumu kinoyonon pointongkop Indonesia om labus pogun.[4]
Ginumayo i Bulantrisna id Bali, id nombo minomolohou o tapa dau tulun di abaal doid sayau koubasanan montok mongia' sayau klasik Bali kumaa diolo mogiobpinai.[2][5] Sumusuhut, minongoput isido ponginabasan id gana pongusapan hilo id Bandung, Indonesia, om nakakalaja sabaagi dokutul om poingion id labus pogun solinaid piipiro toun kohompit no hilo Amerika Syarikat.[2]
Karier
simbanaiGinumuli kawagu isido id Indonesia kalapas apat toun id labus pogun om mogigion hilo Bandung.[6] Mongia' isido id Fakulti do Pongusapan, Unoversiti Padjadjaran, om kumaraja sabaagi songulun otolaryngologist. Bulantrisna nogi nga ponorikohon do Persatuan Pendengaran Bunyi Asia Tenggara.[2]
Minonuridong i Bulantrisna do studio sayau i pinungaranan do Bengkel Tari Ayu Bulan (Ayu Bulan's Dance Workshop), i kakal po aparagat do popoindalan bengkel om momonsoi kosolimbahan id Indonesia om ogumu po pogun suai.[6] Koubasanan nopo nga poposolimbou isido sayau legong klasik miampai tinimungan susumayau dau i poinladsong id Jakarta.[5][7] Miuhup nogi isio momonsoi koreografi miampai tulun suai, miagal di Retno Maruti, tulun abaal montok sayau Jawa klasik.[7]
Suai ko' sayau, monokodung nogi i Bulantrisna do filim Indonesia om kapamansayan filim miampai Balitaksu Foundation, om nogi papalabus do inus om sastera tangaanak miampai Saritaksu Publications.[2]
Koposion
simbanaiMinidu pogun i Bulantrisna ontok 24 Mansak 2021, gama do kanser pankreas.[8]
Intangai nogi
simbanaiSukuon
simbanai- ↑ Buyers, Christopher (2002). "Genealogy of the Noble House of Karangasem". Puri Agung Karangasem website. Pinoopi mantad sand̠ad ontok 15 September 2017. Linoyog ontok 31 October 2017.
- ↑ 2.0 2.1 2.2 2.3 2.4 Djwan, J.B. (2 February 2010). "Bulantrisna Djelantik: A very nice pair of genes". The Jakarta Post, archived at purikarangasem.com. Linoyog ontok 31 October 2017.
- ↑ Tobing, Sorta. "Gairah abadi Bulantrisna Djelantik". Lokadata.ID (id boros Indonesia). Pinoopi mantad sand̠ad ontok 2021-05-08. Linoyog ontok 2021-05-08.
- ↑ Vickers, Adrian (16 September 2007). "Farewell Dr Djelantik". Adrian Vickers' Indonesia Blog, School of Languages and Cultures, The University of Sydney, Australia. Pinoopi mantad sand̠ad ontok 31 October 2017. Linoyog ontok 31 October 2017.
- ↑ 5.0 5.1 Bali Now! / Life in the Island (9 June 2016). "Water Palaces in the Age of Rajas". Copyright 2015. Phoenix Communication.
- ↑ 6.0 6.1 Harsianti, Juliana (29 January 2016). "NuArt Lab: Making Bandung an art collaboration center". The Jakarta Post. Linoyog ontok 31 October 2016.
- ↑ 7.0 7.1 Heraty, Toeti (2012). Calon Arang: Kisah Perempuan Korban Patriarki. Yayasan Pustaka Obor Indonesia. p. xxvi. ISBN 9789794618332.
- ↑ "Profil Dokter Anak Agung Ayu Bulantrisna Djelantik, Meninggal Dunia karena Kanker Pankreas". Tribun Bali (id boros Indonesia). Linoyog ontok 2021-02-24.