Tagung
Tagung nopo nga iso kakamot perkusi mantad do Asia Kosilahon om Asia Kabaatan Kosilahon. Tagung diti nopo nga cakera logi di apatau om obulugu, koubasan no tuntungon momoguno do ponuntung. Haro tagung di kisaiz tagayo toi ko' tokoro, om pounion toi ko' nuru pounion.
 | |
| Classification | Metallophone |
|---|---|
Kopokitanan tagung di bobos tosopung nopo nga mantad butiran id piras do Ngọc Lũ I dram gangsa (c. abad ko-3 gisom ko-2 SM) mantad koubasanan Dong Son id koibutan do Vietnam. Popokito iti do kopokitanan miagal do kopogitimungan turu tagung miampai do kakamot tuunion suai (kohompit no simbal/lunsing om gandang gangsa).[1] Kopomoroitan sajara bobos nokodori i au milo do olingan kokomoi do tagung nopo nga norubaan id suang do rikud Sina abad koonom Masihi, i nakarait do tagung sabaagi kakamot suai i nokorikot mantad pogun id pialatan do Tibet toi ko' Burma. Istilah gong nopo nga mantad do Jawa, id pulau Indonesia. Ponoriukan saintifik om arkeologi nopo nga nakaanu pinopotumboyo do Burma, China, Jawa om Annam nopo nga apat longkod pamansayan do tagung di apangkal kopio id pomogunan nokodori.[2][3] Nokobontol o tagung do ralan sumuang id Pomogunan Barat antakan di abad ko-18, soira gunoon nogi o tagung diti id suang do koposolimbahan orkes simfoni kikowoowoyoon do Barat. [4] Iso bontuk do tagung kawah gangsa nopo nga otutunan sabaagi lunsing mundorong, i gunoon miampai alaab kopio id Greek om Rom nokodori: poomitanan nopo nga id suang do Oracle bobos otutunan Dodona, hinonggo tagung nogi nga gunoon.[5][6]
Miampai am nopo, abaagi o tagung kumaa tolu kawo: Tagung di pogontungon nopo nga au apatau, obulugu o cakera mantad logam i pinagantung miampai poingkakat momoguno do tali maya do luang i miinsomok do rim sawat. Bossed toi ko' nipple gongs nopo nga kiwaa o bos toi ko' tombol taatagan i pinoinsawat om insaru pogontungon om pomoinon miampai poimpatau. Tagung mangkuk nopo nga kibontuk do mangkuk om poilihon id sakai do kusyen. I kotohuri nopo nga noroitan sabaagi soboogian do kategori lunsing. Owonsoi o tagung mantad do gangsa toi ko' loyang, hali pia ogumu po aloi suai i gunoon.
Tagung nopo nga papaasil do duo tuni di misuai. Tagung miampai rabas di apatau nopo nga gumogor id suang do mogikaakawo mod, manahak do "koloposon" om okon ko' nuut di tinagung. Kategori tagung diti nopo nga lohowon sabaagi do tam-tam, montok popisuai mantad do tagung bos i manahak not di pinagung. Id suang do tinimungan gamelan Indonesia, piipiro tagung bos nopo nga tomodon do wonsoyon montok momonsoi rentak not pomoruhang id suang do julat lobi kuang 1 gisom 5 Hz. Pomogunoon istilah "gong" montok koduo-duo kawo kakamot nopo nga ahal di koubasan no.
Sukuon
simbanai- ↑ Tran, Hoai (3 Magus 2022). Doing " Politik dan Persembahan Warisan Budaya Gong di Tanah Tinggi Tengah Vietnam. Lit Verlag. p. 63. ISBN 9783643914064.
- ↑ Blades, James (1992). Percussion Instruments and Their History. Bold Strummer. p. 93. ISBN 978-0933224612.
The origin of the gong is uncertain, but there seems little reason to doubt the claim of the Chinese whose tradition ascribes it to the country Hsi Yu between Tibet and Burma, where it is mentioned early in the sixth century in the time of Emperor Hsüan Wu (AD 500-515).
- ↑ Jaap Kunst (11 Momuhau 2013). Music in Java: Its history, Its Theory and Its Technique (2 ed.). Springer. pp. 146–. ISBN 9789401771306. OCLC 1066191713.
the mountain tribes, now living in Southern China and Further India
- ↑ Schlesinger 1911.
- ↑ Montagu, Jeremy (2007). Origins and Development of Musical Instruments. Scarecrow Press. pp. 16–17. ISBN 9780810856578. OCLC 123539614.
- ↑ Cook, Arthur Bernard (1902). "The Gong at Dodona". The Journal of Hellenic Studies. 22: 5–28. doi:10.2307/623918. JSTOR 623918. S2CID 163626553.