Sayau Pendet
Sayau Pendet (Balinese: ᬧᭂᬦ᭄ᬤᭂᬢ᭄) nopo nga sayau koubasanan mantad Bali, Indonesia, id nombo poindalanon o kapatahakan do bunga montok popolidang do kuil toi ko' teater sabaagi kotimpuunon montok ababayan toi ko' sayau di suai. Koubasanan nopo nga posolimbahon o Pendet do kosumandakan, mogowit mangkuk kulupak bunga, om songonggom nopo nga potilibon ontok mogikaakawo timpu id suang sayau. Pendet nopo nga sayau ponuau-suau, mamaramit di nokorikot om popoimbulai sunduan montok mintong do kosolimbahan.[1] Ii nopo nga iso mantad Sayau Bali i bobos otuo, sundung do bontuk kawawagu nopo nga winonsoi nogi ontok toun 1950-an.[2]
 Susumayau Pendet poigigit do mangkuk perak kisuang bunga | |
| Native name | ᬧᭂᬦ᭄ᬤᭂᬢ᭄ (Balinese) Tari Pendet (Indonesian) |
|---|---|
| Genre | Sayau koubasanan |
| Instrument(s) | Gamelan, Gong |
| Inventor | Bali |
| Origin | Indonesia |
Sajara
simbanaiSayau koubasanan Bali nopo nga bontuk inus kosolimbahan di bobos otuo id Bali. Sayau koubasanan abaagi kumaa duo kawo: sayau keramat i lohowon do Wali om sayau pomohiok i lohowon do Bebalihan. Wali (sayau keramat) koubasanan do posolimbahon ontok do ababayan ritual pointantu.Otumbayaan o Hindu Bali do sayau obitua nopo nga kiwaa kapansalan kougamaan di ogirot om kuasa rohani. Mantad dii, sayau nopo dii nga milo posolimbahon ontok ababayan kougamaan pointantu om susumayau pointantu.Koubasanan nopo, posolimbahon o Bebalihan id ababayan sosial. Suai ko montok momohiok, Bebalikan nogi nga kitudu suai montok mamaramit korikatan di tutumombului, manaandak timpu mongomot toi ko' popotimung do tulun ginumuan. Kiwaa lobi ogumu kawo suai Bebalikan mantad do kawo Wali. Pendet nopo nga Bebalikan, i insaru posolimbahon miampai sekular montok mamaramit korikatan tutumombului.
Pendet nopo kaka nga sabaagi representasi kosolimbahan bunga Bali, i manahak do banten toi ko' canang (kosolimbahan bunga) mantad iso kuil kumaa kuil suai id suang Kuil Bali toi ko' posorili tionon. I nopo timpuunon po, gunoon o sayau Pendet sabaagi pomogonop ababayan piodalan id pura toi ko' tionon obitua paganakan, sabaagi lambang kounsikahan, mamantang om kataadan soira manaandak kotindapahan do dewa ngaawi i linumintuhun mantad khayangan (alam kerajaan Kinorohingan). Rumikot 1950-an, sinimbanan okuri do duo artis mantad kampung Sumertha, Denpasar; I Wayan Rindi om Ni Ketut Reneng o koreografi sayau, koguraon, basaan om koulalaho. Koduo-duo nopo diolo nga minomonsoi Pendet sabaagi sayau ponuau-suau miampai apat susumayau, i pinosolimbou sabaagi soboogian mantad kopokitanan podtuongisan id piipiro hotel id Denpasar, Bali. Ontok toun 1961, pinoburu di I Wayan Beratha o sayau diti om minomoruhang do ginumu susumayau kumaa limo tulun, miagal di insaru okito timpu baino.[2]
Ontok 1962, pinoburu di I Wayan Beratha om koombolutan disido o sayau Pendet sabaagi sayau massa. Ginumu susumayau nopo nga au okuri mantad do 800 tulun, om pinosolimbou id suang ababayan koukaban Sipoot Asia id Jakarta.[2]
Kosolimbahan om koguraon
simbanai
Sayau Pendet sandad nopo nga posolimbahon do 4-5 sumandak di au po nosukod kopio id natad kuil Bali Hindu. Pendet nopo nga kosolimbahan id bontuk sayau ritual. Au miagal do sayau ritual keramat i nuru haro pinludaan di apangkal, Pendet nopo nga milo pinsayahan do isai-isai nopo, poia'on maya poomitanan.
Sumandak di lobi omulok nopo nga momit do koguraon tondu di lobi otuo, i mangakun om mamantang do tonggungan diolo do popokito poomitanan di osonong. Kabaalan nopo nga tumanud kopihuyud do toun. Sabaagi sayau kougamaan, koubasanan nopo nga posolimbahon o Pendet ontok haro ababayan kuil.
Toinsanan nopo susumayau nga mongigit do mangkuk perak okoro id longon gibang diolo i kiwaa kapatahakan kohompit no kulupak bunga mogikaakawo wotik om kemenyan. Mangkuk nopo dii nga sinindak miampai roun piasau di omulok janur kiwotik osilou. sayau nopo dii nga popokito do sumandak nopo dii nga sumayau mantad kuil kumaa kuil id suang do kuil. Pendet nopo nga milo poindalanon do misowoli-woli poingompus tadau om pitanga tuong maso kapanaandakan id kuil.
Susumayau do Pendet mongigit bunga id suang bokor okoro, mangkuk perak kisuang bunga id suang iso ababayan. Papasasad yolo bunga id posorili do kuil. Id kolimpupuson do kosolimbahan, papataam om papasasad o susumayau di sumandak po do kulupak bunga kumaa id tombului. Sayau nopo diti nga simbol mamaramit dewa, koduo-duo om tombului id suang piipiro ababayand ritual id Bali.
Pendet sandad nopo nga kiwaa koguraon di osuhatan no. Koguraon ngaawi dii nopo nga koguraon impohon do sayau Bali. Nakawaya o Pendet do piipiro koburuon miampai mogisuusuai o variasi om dinondo nopo nga poindalanon okon nopo ko id suang ababayan ritual nga id piipiro nogi ababayan sosial. Mantad dii, nointutunan o sayau Pendet sabaagi sayau pamaramit.
Intangai nogi
simbanaiNoputan labus
simbanaiSukuon
simbanai
- ↑ "Pendet: A Beautiful Welcoming Dance - NOW! Bali". NOW! Bali (id boros Inggeris AS). 2015-12-09. Linoyog ontok 2017-12-22.
- ↑ 2.0 2.1 2.2 Kaya, Indonesia. "IndonesiaKaya.com - Eksplorasi Budaya di Zamrud Khatulistiwa". IndonesiaKaya (id boros Indonesia). Linoyog ontok 2017-12-22.