Putih Mariah Ibrahim Rashid

Puan Sri Datin Hajah Putih Mariah Ibrahim Rashid (1914 – 26 Mansak 2006) toi ko' 'Puteh Mariah' nopo nga puru politik UMNO/Parti Perikatan.

Paganakan

Nosusu isido ontok 20 Momuhau 1914 id Kuala Kurau, Perak. Nokotorimo i Puan Sri Datin Hajah Puteh Mariah do pondidikan Sekolah Melayu om Inggeris. Maso nopo do Sangod Pomogunan Koduo, au isido nakaanu minopotilombus sinikulan. Miniongoi isido miampai di Tan Sri Dato' Haji Zainal Abidin bin Abas ontok di 16 o toun.

Yolo nopo diti nga misasawo ii nopoli sabaagi puru Majlis Perundangan Persekutuan era penjajahan British. Zainal Abidin nopo nga bagas Setiausaha Agung UMNO.

Tanak nopo diolo i Tan Sri Zain Azraai Zainal Abidin nga nosusu ontok 27 Madas 1936 id Teluk Intan, Perak. Nosiliu i Zain Azrai do Pegawai Khas Ketua Setiausaha Kementerian Luar Negeri, Tan Sri Ghazali Shafie. Sumusuhut nosiliu do Duta Malaysia kumaa Amerika Syarikat, Mexico , Brazil ,Cuba om nogi kitonggungan sabaagi ‘Executive Director of the World Bank’ mongobi koiyonon Asia Tenggara mantad toun 1978-1982. Nokoumbal i Zain do nosiliu Ponorikohon Sistem Penerbangan Malaysia (MAS), Ponorikohon Malaysian Industrial Development Finance Bhd. (MIDF) om Ponorikohon Syarikat Perumahan Pegawai Kerajaan Sdn. Bhd. (SPPK).

Politik Tondu UMNO

I nopo pogulu po, opogot isido id suang Persatuan Melayu Perak i tinuridong do Menteri Besar Perak, Datuk Panglima Gantang Abdul Wahab bin Toh Muda Abdul Aziz.

Sumusuhut minampayat isido UMNO om ontok 1947, minonuridong Jabatan Kaum Ibu UMNO. Ontok 25 Magus 1949, minonoridong o mongongobi ngaawi do UMNO i bersidang id Butterworth do Badan Ahli Perempuan UMNO (APU) om Putih Mariah sabaagi luguan koiso (25 Ogos 1949). Mantad dii, nokoburu sumiliu Tondu UMNO (1946-1950).

Goos-goos do manamong kotundunan do tongotama ngaawi nakaanu sokodung mantad Dato' Onn Jaafar, ii minonuridong do UMNO. Nokotungag nogi o Wanita UMNO do gumaga' Malayan Union tu manu momupus do hak tulun ngaawi do Melayu. Lundu tondu nopo di suai nga Zainab Abdul Rahman mantad Persatuan Melayu Seberang Perai om Salena Ali mantad Persatuan Melayu Selangor. Minogisosolowot yolo montok mogiboboros kokomoi koponuridangan iso pergerakan tondu Melayu.

Nokotumboyo o Porinta Brtish do papaharo Pilihan Raya Umum Tanah Melayu 1955, di koiso id Tanah Melayu. Id suang pilihan raya dii, nakalantoi o Perikatan do 51 mantad 52 timpohon. Monongkiala o calon tondu mintotoiso i Halimahton Abdul Majid om nakalantoi. Isido nopo nga Wakil Rakyat tondu di kumoiso.

Kagabasan Tanah Melayu minongukab lobi ogumu kosiwatan kumaa tongoondu. Id suang Pilihan raya 1959, monongkiala i Ibu Zain om Fatimah Hashim do timpohon Parlimen Jitra/Padang Terap om nakalantoi. Mantad dii, lobi ogumu o ginumu lundu tongoondu i monongkiala id suang pilihan raya.

Nokoundorong sabaagi puru politik

Ontok 10 Mansak 1955, minidu i Putih Mariah mantad jawatan piipiro tadau pogulu Pilihan raya 1955. Protes isido kumaa pomboogian UMNO-MCA ii no 5 Melayu, 6 Cina om 1 India i pinogibabarasan di Dato Yahya Razak- Ponorikohon Jawatankuasa Pilihan raya Kuala Lumpur UMNO.

Minimouun do pinaharo o pilihan raya koiso id Pulau Pinang okon ko id Kuala Lumpur. Pinaharo ii ontok wulan Momuhau 1955. Pinaharo o pilihan raya id Kuala Lumpur ontok wulan Mansak 1955. IMP i buruanon di Onn Jaafar monongkiala id oinsanan 12 timpohon. Sokodungon nogi o IMP do piipiro huguan wanan MCA di suai kohompit no i Tan Siew Sin, Khoo Teik Ee om Yong Shook Lin om nogi huguan MIC.

Minampayat do IMP

Nokoundorong o kaampayatan disido id suang UMNO soira minonuridong i Dato' Onn Jaafar do Parti Negara. Minampayat nogi isido do Parti Negara om nosiliu Setiausaha Agung Parti Negara ontok 1955 gisom toun 1956. Nosiliu isido sabaagi Ponorikohon Tetap Parti dii mantad 1958-1960.