Muzium Le Mayeur

Muzium Le Mayeur nopo nga iso ko' mantad muzium i haro id Sanur, Provinsi Bali, Indonesia. Popokito o Muzium Le Mayeur do mogisuusuai karya inus loolobi no linukisan-linukisan asil karya seniman: Adrien Jean Le Mayeur de Merpres toi ko' lobi ointutunan sabaagi Le Mayeur. Id Muzium Le Mayeur, poingopi o pikiikiro 88 linukisan, i nabagi do piipiro kawo linukisan i kosudong miampai media di noguno miagal ko' media kanvas 28 linukisan, papan okodou 25 linukisan, bagor 22 linukisan om haro nogi media papan lapau om nogi karatas i mananda' do timpu dii nopo nga apagon maganu media momolukis ii nopo nga ontok minogigion o Jepun id Indonesia.^[1]

Sajara' Kinoingkakatan

Ngaran Muzium Le Mayeur nopo nga naanu mantad i pinopoingkakat muzium diti i Andrien Jean Le Mayeur De Merpres, songulun momomolukis mantad Belgium i nosusu ontok 9 Mansak 1880 id Ixelles, Brussel. Ontok toun 1956, nokorikot o Montiri Pondidikan, Pongiaan om Koubasanan i Gundohing Bahder Djohan minongoi tombului id walai di Le Mayeur, Noimayaan isio do koleksi om asil linukisan di Le Mayeur, minokianu di isio do posilihon walai dii sabaagi muzium. Notorimo di Le Mayeur miampai osonong o tua' pomusarahan dii hinonggo minimparagat isio momoruhang om popoingkawas mutu linukisan dau.^[1]

Koleksi Muzium Le Mayeur

Pinokito o koleksi id Muzium Le Mayeur id suang piipiro liwang kopokitanan, miagal di sumusuhut:^[2]

Liwang Kopokitanan I i popokito 9 linukisan bagor om 3 linukisan kanvas.
Liwang Kopokitanan II i popokito 3 linukisan bagor, 8 linukisan kanvas, 13 linukisan papan okodou, 1 linukisan karatas om 2 linukisan papan lapau.
Liwang Kopokitanan III i popokito 10 linukisan kanvas, 7 linukisan papan okodou om 3 linukisan karatas.
Liwang Kopokitanan IV i kisuang do 6 linukisan kanvas, 4 linukisan papan okodou, 4 linukisan papan lapau om 3 linukisan karatas.

Tikit om Jaam Kotumbuluyan

Sumusuhut nopo nga gatang tikit om jaam kotombuluyan do Muzium Le Mayeur:^[3]

Tikit tutumombului domestik: Rp. 5.000 (tanak) om Rp.10.000 (nosukod) - Rp. 3.000 (mokiikinobos) om Rp. 2.000 (tangaanak sikul)
Oukab o Muzium Le Mayeur tikid tadau kotimpuun jaam 08.00 gisom 15.30 WITA, suai ko' Kurudu, jaam 08.30 gisom 12.30 WITA, om amu oukab ontok tadau koundarangan di rasmi.

Sastara'

Lenzi, Iola (2004). Museums of Southeast Asia. Singapore: Archipelago Press. p. 200 pages. ISBN 981-4068-96-9.

Sukuon

↑ ^1.0 ^1.1 "Sejarah Museum Le Mayeur - sanurkaja.denpasarkota.go.id". Sanur Kaja (id boros Indonesia). Linoyog ontok 2023-08-23.
↑ Sudana, I Nengah (1992). BUKU PETUNJUK MUSEUM LE MAYEUR (PDF). Denpasar.{{cite book}}: CS1 maint: location missing publisher (link) CS1 maint: url-status (link)
↑ "Berwisata Seni ke Museum Le Mayeur - https://www.denpasarkota.go.id". PEMERINTAH KOTA DENPASAR (id boros Indonesia). Linoyog ontok 2023-08-23. {{cite web}}: External link in |title= (help)

[:0-1] 1.0 ^1.1 "Sejarah Museum Le Mayeur - sanurkaja.denpasarkota.go.id". Sanur Kaja (id boros Indonesia). Linoyog ontok 2023-08-23.

[2] Sudana, I Nengah (1992). BUKU PETUNJUK MUSEUM LE MAYEUR (PDF). Denpasar.{{cite book}}: CS1 maint: location missing publisher (link) CS1 maint: url-status (link)

[3] "Berwisata Seni ke Museum Le Mayeur - https://www.denpasarkota.go.id". PEMERINTAH KOTA DENPASAR (id boros Indonesia). Linoyog ontok 2023-08-23. {{cite web}}: External link in |title= (help)

[1]

[2]

[3]