Karatsu Kunchi

Intangai nogi: Nagasaki Kunchi

Karatsu Kunchi (唐津くんち; hogot "kunchi" nopo nga kirati do festival) nopo nga festival Jepun i pohoroon monikid toun id kakadayan Karatsu, Wilayah Saga, id Pulau Kyūshū, Jepun.

Poinhampung maya ralan-ralan Karatsu maamaso totuong pongukaban festival.

Kokomoi

Karamayan diti, i tumimpuun id sosodopon 2 Milau om olimpupusan do 4 Milau, popokito do porarakan monikid tadau kokomoi hopod om apat hikiyama, pangampung di agayo miampai kibontuk do tupi keledar samurai, rahat bream , naga om makhluk agaras suai, toinsanan dii nopo nga winonsoi mantad kayu, lakuer om roromu suai. Iti nopo nga ababayan apangkal id suang do kalendar Karatsu, i insaru mamagayat do tulun ginumuan mantad hinggo-hinggo nopo tadon. Soginumu 150,000 gisom 500,000 tulun mantad posorili maamaso tolu tadau koundarangan dii.

Kopokitanan do Hikiyama.

Monikid pangampung - mantad limo gisom onom meter, om winagat dau nopo nga duo gisom limo tan - gayatondo tinimungan mogogoit i nopili mantad paganakan di poingion id hopod om apat kinoyonon sombol koubasanan Karatsu, maya do ralan-ralan id kakadayan dii, miampai mimpalak do "En-ya! En-ya! En-ya!" (toi ko' "Yoi-sa! Yoi-sa! Yoi-sa!"), om pamain dram muzik taiko, om nogi pemain suling id sakai do pangampung. Ababayan diti, i pinoindalan do Kuil Shinto sonkinoyonon (miinsomok do poopian do pangampung dii monikid toun), nokoindalan solinaid piipiro abad di baino; kopokitanan maamaso poinghampung dii nopo nga winonsoi id pialatan do 1819 gisom 1876. Di toun 1980, karamayan diti pinatatp sabagi "Kotos Koubasanan Rakyat di Au Okito Kopio nga Oponsol".

Katayadan do hikiyama

1. The Red lion (赤獅子) winonsoi id watas Katana-machi (1819)
2. The Green lion (中町の青獅子) winonsoi id watas Naka-machi (1824)
3. The Turtle and Urashima Taro (カメと浦島太郎)id watas Zaimoku-machi (1841)
   • Iti nopo nga okon ko' Taro di pointopot nga permata id penyu diti nopo nga mantad di koinsan wonsoyo
4. Samurai Minamoto Yoshitsune Kabuto (源義経の兜) mantad di Gofuku-machi (1844)
5. The Sea bream(鯛) mantad di Uoya-machi (1845)
6. The Phoenix-shaped ship (鳳凰丸) mantad di Oishi-machi (1846)
7. The Flying dragon (飛龍) mantad di Shin-machi (1846)
8. The Golden lion (金獅子) mantad di Hom-machi (1847)
9. 'Takeda Shingen Kabuto '(武田信玄の兜) mantad di Kiwata-machi (1864)
10. 'Uesugi Kenshin Kabuto '(上杉謙信の兜) mantad di Hirano-machi (1869)
11. The Drunken ogre id Minamoto Yorimitsu Kabuto (酒呑童子と源頼光の兜) (1869)
12. The Lion on an orb (珠取獅子) mantad di Kyo-machi (1875)
13. The Tiger-headed orca (鯱) mantad di Kako-machi (1876)
14. The Boat of seven treasures (七宝丸) mantad di Egawa-machi (1876)
15. Disappeared: The black lion (黒獅子) mantad di Konya-machi

Taakanon om koubasanan

Kogumuan panagakan nopo nga momoguno piipiro timpu montok popotounda taakanon montok tongotulun i rumikot id karamayan diti. Iti nopo nga koubasanan di koubasan no powonsoyon.

Tadauwulan kinaantakan

Kinaantakan diti nopo nga pohoroon antakan 2, 3 om 4 Milau. Tadau ko-3 nopo nga tadau koundarangan kabansaan id Jepun, i lohowon sabaagi Tadau Koubasanan.

Sukuon

• Japan Atlas: Karatsu Kunchi Festival
• Sightseeing Japanese Festivals
• Fukuoka Now Event Calendar