Wikipedia

Kyūshū

article nopo diti nga kokomoi kinoyonon id Jepun. For kinoyonon do tulun Sina miampai tinimungan Jiuzhou, see Siam Wilayah.

Kyūshū (九州, Kyūshū, pronounced [kʲɯꜜːɕɯː] ⓘ, lit. 'Siam Wilayah') nopo nga pulau kotolu bobos tagayo mantad ko' apat pulau tapangkal id Jepun om nogi bobos ponong kabaatan mantad pulau di suai (i.e. au kohompit do Okinawa om Pulau Ryukyu (Nansei)]]).[3][4] Di pogulu po, otutunan iti sabaagi do Kyūkoku (九国, "Nine Countries"), Chinzei (鎮西, "West of the Pacified Area") om Tsukushi-no-shima (筑紫島, "Pulau do Tsukushi"). Ngaran kinoyonon kisajara Saikaidō (西海道, lit. West Sea Circuit) nopo nga sumuku kumaa Kyushu om pulau id posorili. Ginayo do Kyushu nopo nga 36,782 square kilometres (14,202 sq mi) miampai populasi soginumu 14,311,224 di toun 2018.[5]

Kyūshū
Native name:
九州
Gumas 2009 NASA gambal satelit do Kyushu
Kyushu id Japan om wilayah id pulau Kyushu
Map
Geography
LocationKosilahon Asia
Coordinates33°N 131°E / 33°N 131°E / 33; 131
ArchipelagoJapanese Archipelago
Area36,782.37[1] km2 (14,201.75 sq mi)
Area rank37th
Coastline12,221 km (7593.8 mi)
Highest elevation1,791 m (5876 ft)
Highest pointNulu Kujū[2]
Administration
Wilayah Fukuoka Prefecture
 Kagoshima Prefecture
 Kumamoto Prefecture
 Miyazaki Prefecture
 Nagasaki Prefecture
 Ōita Prefecture
 Okinawa Prefecture
 Saga Prefecture
Largest settlementFukuoka
Demographics
Population12,650,847 (as of June 2022)
Pop. density307.13/km2 (795.46/sq mi)
Ethnic groupsJepun, Ryukyuan
Additional information
Time zone
Map

Maamaso do ponginwoguan Taihō Code di abad ko-8, nokohimagon o Dazaifu sabaagi istilah pontadbiran khas id kinoyonon diti.[6]

Geografi

simbanai
 
Kyushu mantad do Stesyen Angkasa Sompomogunan
 
Kowoowoyoon pate geo do Kyushu

Pulau nopo diti nga konuluhan, om nulu kitapui bobos aktif id Jepun, Nulu Aso id 1,591 metres (5,220 ft), poinladsong id Kyushu. Kiwaa ogumu po tanda'-tanda' aktiviti tektonik suai, kohompit no ogumu kinoyonon do tudan-udan talasu. Om i bobos otutunan nopo nga id Beppu, id ponong kosilahon, om posorili do Nulu Aso id taatanga do Kyushu. Pulau diti piniada mantad do Honshu maya do Selat Kanmon. Nosiliu pulau di bobos tosomok do benua Asia,[7] om iti nopo nga totobon sumuang id Jepun tumanud do sajara.[8]

Ginayo kinoyonon diti nopo nga 36,782.37 km2 (14,201.75 sq mi) i pinoposiliu do pulau ko-37 bobos tagayo id pomogunan.[1] Agayo no tokuri mantad do pulau Taiwan, soginayo 35,808 km2 (13,826 sq mi).[5] Kinawas bobos takawas nopo nga 1791 meters (5876 feet) id Nulu Kujū.[9]

Ngaran do Kyūshū nopo nga naanu mantad siam wilayah kuno id Saikaidō i poinladsong id pulau: Wilayah Chikuzen, Wilayah Chikugo, Wilayah Hizen, Wilayah Higo, Wilayah Buzen, Wilayah Bungo, Wilayah Hyūga, Wilayah Osumi, om Wilayah Satsuma.[10]

Baino, Kyushu Region (九州地方, Kyūshū-chihō) nopo nga wilayah di notakrif miampai politik i haro turu wilayah id pulau Kyushu (i kohompit nogi bagas Wilayah Tsushima om Wilayah Iki sabaagi soboogian do Nagasaki), noruhangan do Wilayah Okinawaid kabaatan:

Populasi

simbanai

Kyushu nopo nga haro 10.3 piatus do populasi id Jepun.[11] Kogumuan do populasi Kyushu nopo nga poinlongkod poingompus do boogian koibutan kotonobon, id kakadayan do Fukuoka om Kitakyushu, miampai populasi mogigion nopo nga kumaa id ponong kabaatan kotonobon sumuang do Sasebo om Nagasaki, om ponong koibutan nopo nga kumaa id Kumamoto om Kagoshima. Suai ko' Ōita om Miyazaki, ponong kosilahon nopo nga popokito do pongingkurian umum montok populasi.

Maya politik, Kyushu nopo nga kotolinahas sabaagi mongigit di agaras kumaa Parti Demokrasi Liberal.[12]

Monikid data banci do tulun Jepun,[13][14] populasi id Kyushu miampai Pulau Ryukyu (wilayah Okinawa om Kagoshima Prefectures) nopo nga nakawaya do pongingkurian populasi mantad po di toun 2000-an. Hali pia miagal di, koingkurian do populasi dii nopo nga au adala kopio tu miampai relatif nopo nga ogumu kadar kosusuon id Ryukyuan id goduuduo kinoyonon do Ryukyuan (Okinawa om Kagoshima) om pointongkop do wilayah Kyushu. Suai ko iri, wilayah suai id Kyushu nogi nga akawas o kadar koruakan dau kopiadang do kinoyonon suai id Jepun.[15][16] Ryukyuans nopo nga tinimungan minoriti tulun sandad id Jepun

Historical populations
Including Ryukyu Islands
Historical population
YearPop.±%
1873 5,163,730—    
1920 8,730,000+69.1%
1930 9,647,000+10.5%
1940 10,511,000+9.0%
1950 13,011,000+23.8%
1960 13,787,000+6.0%
1970 13,016,000−5.6%
1980 14,073,000+8.1%
1990 14,518,000+3.2%
2000 14,763,781+1.7%
2010 14,596,783−1.1%
2018 14,311,224−2.0%
Includes Okinawa and Kagoshima prefecture populations.
 Au kohompit do Pulau Ryukyu
Historical population
YearPop.±%
1873 4,776,363—    
1920 6,742,000+41.2%
1930 7,512,000+11.4%
1940 8,347,000+11.1%
1950 10,292,000+23.3%
1960 10,941,000+6.3%
1970 10,342,000−5.5%
1980 11,181,000+8.1%
1990 11,498,000+2.8%
2000 11,659,367+1.4%
2010 11,497,723−1.4%
2018 11,249,154−2.2%
In 1873, Ōsumi Province represents portion of Kagoshima with Ryukyu islands

Kakadayan pinatatap

simbanai

Kakadayan teras

simbanai

Posorili om agrikultur

simbanai

Soboogian do Kyushu nopo nga kiiklim subtropika, lobi-lobi po id Wilayah Miyazaki om Wilayah Kagoshima. Asil pomutanaman tapangkal nopo nga wagas, teh, sigup, mundok om nogi soya; kohompit nogi sutera i poosilon miampai alaab.

Suai ko kinoyonon nulu kitapui id ponong kabaatan, kiwaa nogi burutak tudan-udan kiwaig talasu id okito kopio id koibutan do pulau i, id posorili do Beppu. Tudan-udan dii nopo nga kinoyonon montok kinaantakan do ekstremofil mikroorganisma pointantu, i kaanu masi id posorili di alasu.[17]

Kiwaa duo kinoyonon Sakagon Sandad Posorili id Kyushu: Yakushima (nokodopitar di 1993) om Pulau Amami-Ōshima, Pulau Tokunoshima,boogian koibutan do Pulau Okinawa, om Pulau Iriomote (nokodopitar di 2021).[18]

Ekonomi

simbanai
Main article: Economy of Japan
 
Pinludaan kopohimaganan roket M-V id USC

Ekonomi Kyushu nopo nga manahak lobi kuang 10% mantad ginumu pointongkop do Jepun, miampai KDNK i miagal do Iran, pogun ko-26 bobos tagayo id pomogunan, om zon ekonomi kaapat bobos tagayo kalapas tolu kinoyonon metropolitan tapangkal Tokyo, [ [Osaka]], om Nagoya.[19]

Ekonomi Kyushu nopo nga kiwaa struktur porindustrian di osulimbang, mantad industri primer miagal do pomutanaman, kumaa industri sekunder miagal do pamansayan, om industri tertiari miagal pomukadayan, porkhidmatan om kotombuluyan. Koposoliwanan pomutanan id kinoyonon diti nopo nga soginumu 1.8 trilion yen (boogian 20% mantad ginumu pogun), om kinoyonon diti nopo nga longkod koposoliwanan domestik tapangkal montok industri automobil om sampapas konduktor. Kyushu nogi nga haro industri panamangan kolidasan i nokoinlaab kopio, kohompit no panamangan pongusapan om noos, om ogumu po koumatan ponoriukan om pamansayan id gana do hidrogen, tenaga suria, om tenaga i milo inwoguan suai. Suai ko' iri, Kakadayan Fukuoka, Kakadayan Kitakyushu om Wilayah Okinawa nakatatap sabaagi Zon Khas Strategik Negara, i na'aga do kibagas riak ekonomi kumaa pointongkop wilayah Kyushu maya pamansayan inovasi id suang industri om promosi kousahawanan wagu om syarikat wagu.[19]

Kyushu nopo kinoyonon di kipiromutan ekonomi do ogirot id Asia. Sabaagi poomitanan, monoluod o Asia do 420 (77.9%) mantad 539 kes ponginlaaban labus pogun montok syarikat Kyushu-Yamaguchi mantad 2010 gisom 2019, om monoluod o Asia do 61.1% mantad ginumu eksport Kyushu-Yamaguchi di toun 2019, 7.4 mato piotusan lobi takawas mantad pogun sabaagi koinsanai. Sabaagi nod logistik id pialatan do Jepun om Asia, tuundorongon kapal rahat Hakata om Kitakyushu popoindalan do soginumuan kontena sompomogunan. Suai ko' iri, ginumu kapal tutumombulu mantad di toun 2019 nopo nga 772, om monoluod o Kyushu soginumu 26.9% mantad ginumu pointongkop pogun.[20]

Otutunan kopio o Kyushu miampai mogikaakawo porselin, kohompit no termasuk Arita, Imari, Satsuma, om Karatsu. Industri tawagat nopo nga poinlongkod id koibutan posorili do Fukuoka, Kitakyushu, Nagasaki om Oita om kohompit nogi roromu kimia, korita, semikonduktor, pomprosesan logam, pamansayan kapal, om suai-suai po.[21] Pulau Tanegashima nosiliu do ponokowalai montok Longkod Angkasa Lepas Tanegashima, kinoyonon montok kopohimaganan do roket bobos tagayo id Jepun.

Koumatan sasakayon

simbanai

Kyushu nopo nga miromut miampai pulau tagayo Honshu maya do Terowong Koritapui Kanmon,[22] i mogoit do koritapui okon ko' Shinkansen mantad Syarikat Koritapui Kyushu, om Terowong Shin-Kanmon i lobi wagu San'yō Shinkansen. Koritapui id pulau diti nopo nga igitan do Syarikat Koritapui Kyushu om Syarikat Koritapui Jepun Barat, miampai mogikaakawo syarikat di lobi okoro miagal do Wayaan Koritapui Amagi[23] om Wayaan Koritapui Nishitetsu.[24] Koritapui Kyushu Shinkansen mamanau id pialatan do kakadayan tapangkal id pulau,[25] miagal do Fukuoka om Kagoshima,[26] miampai wayaan nokoruhang id pialatan do Takeo-Onsen om Nagasaki, i noukab mantad po di Manom 2022.[27] Kyushu nogi nga otutunan montok servis koritapi di osonong, miagal do the Limited Express Yufuin no Mori om Limited Express Kawasemi Yamasemi.[25]

Sunsuyon Kanmon om Terowong Wayaan Kanmon nogi nga popioput do pulau dii miampai Honshu, papasaga do korita montok koduo-duo.[28] Lebuhraya Kyushu nopo nga poingompus do pulau, popioput do Lebuhraya Higashikyushu om Skyline Ibusuki, popioput do kakadayan-kakadayan tapangkal miagal do Fukuoka om Kumamoto id poingompus do ralan.[29] Ogumu nogi ralan kokompungan di otoronong, kohompit no wayaan tutumombului i otutunan miagal do kotogisan Nichinan om Aso Panorama Line id Wilayah Kumamoto. Porkhidmatan bas pointounda om kohompit no 2,400 wayaan id suang do kakadayan Kyushu, popiromut do ogumu kinoyonon suai.[25]

Piipiro porkhidmatan feri om korita nopo nga popiromut do koduo-duo boogian koibutan om kabaatan Kyushu miampai kakadayan tuundorongon kapal rahat tapangkal id pulau Honshu (Kobe, Osaka, Tokyo) om Shikoku.[30]

Pondidikan

simbanai
 
Pata do kinoyonon Kyushu miampai wilayah
 
JMSDF District Forces, kohompit no Watas Sasebo

Universiti om kolej apangkal id Kyushu:

Koubasanan

simbanai

Kinoyonon Sakagon Pomogunan id Kyushu[18]

Intangai nogi

simbanai

Sukuon

simbanai
  1. ↑ 1.0 1.1 "平成28年全国都道府県市区町村別面積調 島面積" (PDF). 国土地理院. 2016-10-01. Linoyog ontok 2017-02-27.
  2. ↑ "Kujū-san, Japan". Peakbagger.com.
  3. ↑ "離島とは(島の基礎知識) (what is a remote island?)". MLIT (Ministry of Land, Infrastructure, Transport and Tourism) (id boros Jipun). Ministry of Land, Infrastructure, Transport and Tourism. 22 August 2015. Pinoopi mantad sand̠ad (website) ontok 2007-11-13. Linoyog ontok 9 August 2019. MILT classification 6,852 islands(main islands: 5 islands, remote islands: 6,847 islands)
  4. ↑ Nussbaum, Louis-Frédéric. (2005). "Kyūshū" in Japan Encyclopedia, p. 588, p. 588, at Google Books
  5. ↑ 5.0 5.1 "Discover the Geography of the 4 Main Islands of Japan". ThoughtCo. Linoyog ontok 2018-09-26.
  6. ↑ Nussbaum, "Dazaifu" in p. 150, p. 150, at Google Books; Dazaifu
  7. ↑ Nussbaum, Louis-Frédéric and Käthe Roth (2005). Japan Encyclopedia. Cambridge, Mass.: Harvard University Press. ISBN 978-0-674-01753-5. OCLC 58053128.
  8. ↑ Cobbing, Andrew (2009). Kyushu, gateway to Japan : a concise history. Global Oriental. p. 157. ISBN 9789004213128. OCLC 754792858.
  9. ↑ "Japan Ultra-Prominences". Peaklist.org. Linoyog ontok 2015-01-01.
  10. ↑ Cobbing, Andrew (2009). Kyushu, Gateway to Japan: A Concise History. Global Oriental. p. 3. ISBN 9789004213128. OCLC 754792858.
  11. ↑ Boquet, Yves (2017). The Philippine Archipelago. Springer. p. 16. ISBN 9783319519265.
  12. ↑ "Japanese voters want a plan to handle a declining population". The Economist. 5 October 2017.
  13. ↑ "Fukuoka (Japan): Prefecture, Major Cities & Towns - Population Statistics, Maps, Charts, Weather and Web Information". www.citypopulation.de.
  14. ↑ "Japan Prefectures Population from 1920 and Area". www.demographia.com.
  15. ↑ 「都市と地方における子育て環境の違いから得られた知見」
  16. ↑ "令和２年(2020)人口動態統計月報年計（概数）の概況" (PDF).
  17. ↑ C. Michael Hogan. 2010. Extremophile. eds. E. Monosson and C. Cleveland. Encyclopedia of Earth. National Council for Science and the Environment, Washington DC
  18. ↑ 18.0 18.1 "日本の世界遺産一覧". 文化庁 (id boros Jipun). Linoyog ontok 2023-05-22.
  19. ↑ 19.0 19.1 "potential of Kyushu". Fukuoka financial group (id boros Jipun). Linoyog ontok 2023-05-16.
  20. ↑ "はじめての九州経済". Kyushu economic research center (id boros Jipun). Linoyog ontok 2023-05-22.
  21. ↑ "JAPAN PRODUCTS: Business Directory of Japanese Companies" (id boros Inggeris AS). Linoyog ontok 2020-05-28.
  22. ↑ "Kanmon Tunnel | Description, History, Construction, & Facts". Encyclopedia Britannica (id boros Inggilis). Linoyog ontok 2021-10-20.
  23. ↑ "Railways in Kyushu". www.sinfin.net. Linoyog ontok 2021-10-20.
  24. ↑ "Railways in Northern Kyushu". www.japaneserailwaysociety.com. Linoyog ontok 2021-10-20.
  25. ↑ 25.0 25.1 25.2 "Getting Around | Kyushu Tourism Promotion Organization". www.visit-kyushu.com (id boros Inggilis). Linoyog ontok 2021-10-20.
  26. ↑ "Kyushu Shinkansen". Japan Visitor. Pinoopi mantad sanḏad ontok 2021-10-20. Linoyog ontok 2021-10-20.
  27. ↑ "Fukuoka to Nagasaki: How to go from Fukuoka to Nagasaki? | Japan-Rail-Pass". Japan Rail Pass | Japan Rail Pass (id boros Inggilis). 2020-07-10. Linoyog ontok 2022-04-21.
  28. ↑ MATCHA. "Walk From Honshu To Kyushu! 4 Ways To Cross Between The Two Islands". MATCHA - JAPAN TRAVEL WEB MAGAZINE (id boros Inggilis). Linoyog ontok 2021-10-20.
  29. ↑ "Kyushu Expy · Japan". Kyushu Expy · Japan (id boros Inggilis). Linoyog ontok 2022-11-18.
  30. ↑ "Domestic Ferries". May 2022.

Noputan labus

simbanai
Naanu mantad "https://dtp.wikipedia.org/w/index.php?title=Kyūshū&oldid=17256"