Goa Gajah

Goa Gajah i kirati do "Sawang Godingan" nopo nga poinladsong id pulau Bali i poinsomok do Ubud, id Indonesia. Winonsoi ontok abad ko-9 om gunoon sabaagi kinoyonon do pongoligan.

Totobon sumuang do 'Sawang Godingan'

Kuil popoduson

Bontuk do kuil popodsuon

Totobon sumuang do Sawang Godingan 'Goa Gajah'

Sajara'

Sundung do amu noilaan kopio o nontodonon sawang dii nga notumbayaan do winonsoi o sawang dii sabaagi iso kinoyonon montok meditasi rohani. Pinosusui o iso susuyan ginumuan hinonggo winonsoi di sondulu di mondou legenda Kebo Iwa o sawang dii. Sundung ingkaa, soira imurion o woyo' dau, kinoyonon pongoligan dii nopo nga mantad Kerajaan Bali abad ko-11. Kompleks dii haro goduduo o gambaran Hindu om Buddha, sabap sawang dii haro lingam om yoni, simbol do Shiva, om gambal do Ganesha, om hilo nopo bawang nga haro gambal nopotuan do stupa om chattra, gambaran do Buddha.

Songulun surupu arkeologi Belanda nokoihum kawagu sawang diti ontok toun 1923 nga waig sobput om winokok popodsuon nopo nga amu noihum gisom toun 1954.

Kotolinahasan kinoyonon

Kuil diti kiwoyo' do turos di monumpuronok i pinatu id watu - tudu nopo kaka nga montok mongugad sunduan tangaraat. Bontuk dau nopo di timpuunon natandasan do godingan, mantad di pinungaranan di Sawang Godingan. Tumanud toud suai haro nokointalang do sawang dii nopo nga pinungaranan mantad do replika watu do Dewa Hindu Ganesh (kiwoyo' do haro tulu godingan) i haro id suang kuil dii. Kinoyonon diti noroitan id suang hiis Jawa Desawarnanan i sinuat ontok 1365. Kinoyonon popodsuon id kinoyonon dii nopo nga amu noukad gisom do 1950-an. Totobon sumuang kumaa id sawang dii nopo nga milo suangon maya mamanau id iso tukad di anaru. Suang do kuil dii nopo nga okoro om koubasan haro o susui do lisun topurak mantad do kamayan di tinutud. Tutumombului di momoguno seluar toniba nopo nga tahakon sarong di pokogoson id tawak pogulu sumuang. Kompleks dii haro 7 replika tondu (1 nopo nga naraag sabap do guminogor o pomogunan) i poingigit do kakanan waig i popointalang do turu bawang obitua id India: Bawang Ganga, Bawang Sarasvati, Bawang Yamuna, Bawang Godavari, Bawang Sindhu, Bawang Kaveri, om Bawang Narmada.

Status Tungkus Pomogunan

Pinoruhang o kinoyonon diti id Katayadan Tentatif Tungkus Pomogunan UNESCO ontok 19 Gumas 1995, id suang kategori koubasanan, nga pinosoliwan kawagu miampai 11 kinoyonon suai ontok 2015.