Boros Mandarin
Mandarin toi ko' Guanhua (Templat:Zh-tsp "boros mongungulud"), toi ko' Beifanghua (北方方言; Pinyin: Běifāngfāngyán; "kawoboros koibutan") nopo nga tinimungan kawoboros Singkung i mogionit, om gunoon id kogumuan kinoyonon koibutan om kabaatan kotonobon do Pogun Sina. Sokiro intangan sabaagi boros mintootoiso, miagal di insaru maan id suang kapansalan ralombaal, ogumu nogi o momoguno sandad do tongo kawoboros Mandarin mantad ko boros suai.
| Mandarin | |
|---|---|
| 官話/官话 Guānhuà | |
| Sandad id | Pogun Sina (Republik Puu Sina om Republik Sina id Taiwan), Malaysia, Singapura, Indonesia om komuniti tinaru Sina pointongkop pomogunan |
| Rantau | Kogumuan kinoyonon koibutan om kabaatan kotonobon do Pogun Sina i orotian miampai poinhali id kinoyonon suai id Pogun Sina |
Momoboros sandad | 867.2 juta |
Rumpun do Sinotibet
| |
| Status nokoimagon | |
Boros nokoimagon id | kivoos boros baku: Republik Puu Sina, Republik Sina id Taiwan, Singapura, Kotinanan Ranzat Miiso |
| Tinoina do | id Republik Puu: pelbagai agensi id Republik Sina: Mandarin Promotion Council id Singapura: Promote Mandarin Council/Speak Mandarin Campaign [1] |
| Kod boros | |
| ISO 639-1 | zh |
| ISO 639-2 | chi (B) zho (T) |
| ISO 639-3 | cmn |
 | |
Hogot Mandarin osuku kumaa duo tinonong (konsep) di misuai-suai ii no toinsanan kawoboros Mandarin toi ko' ii no Boros Mandarin Poimbida, i poingimpou do kawoboros Beijing. Kiguno o Boros Mandarin Baku sabaagi boros pibarasan nokoimagon do Republik Puu Sina, Republik Sina id Taiwan om Singapura. "Boros Sina" — miampai pointopot, Boros Mandarin — nopo nga iso mantad onom boros nokoimagon do Kotinanan Ranzat Miiso.
Id suang kogunoon sangangadau, "Mandarin" nopo nga koubasan sumuku kumaa Boros Mandarin Baku no. Tinimungan kawoboros Mandarin i lobi agayo popohompit mogisuusuai kawoboros i mionit; haro i au songkuro ouhan do mamarati mantad ko i suai. Popisompuruan nopo diti nga pininsomok om gunoon di abaal do boros, om au insaru gunoon id labus sinalom ralombaal (akademik) maan woyopoilo sondii. Soira uhoton montok mongintutun voos boros i gunoon, songulun Sina nopo dii mimboros id suang iso voos boros Mandarin kaanu mongintutun pisuai di gunoon dau, poomitanan kawoboros Sichuan toi ko' Pogun Sina koibutan, om otumbayaan do ii nopo nga misuai mantad "Boros Mandarin [Poimbida]"; au doti yolo otumbayaan do boros nopo dii nga numaan di tulun angabaal do boros pisompuruo sabaagi iso voos boros "Mandarin" id suang rati di lobi agayo. Aiso nogi kointutunan "Mandarin" umum tumanud boros; nga kiwaa kointutunan koiyonon sondii di ogirot, pointangaon kawoboros Mandarin sosongulun, gama kotiasan katanaan (geografi) mooboros di agayo kopio.
Noputan labus
simbanai- Loghat Mandarin Malaysia Archived 2007-07-06 at the Wayback Machine:大马华语Malaysia's own kind of Mandarin dialect ; Northern Mandarin dialect in The South Seas.
- Classification of Mandarin Dialects
- Dialects of Mandarin
- Ethnologue report on Mandarin
- Chinese language source materials used as the basis for the map and chart supplied above.