Wan Azizah Wan Ismail

Ii pantangon Dato' Seri Dr. Wan Azizah binti Dato’ Dr. Wan Ismail (Jawi: وان عزيزه بنت وان اسماعيل; nosusu 3 Momuhau 1952) nopo nga puru politik om nogi bagas Timbalan Perdana Menteri tondu koiso id Malaysia om nogi bagas Presiden Parti Keadilan Rakyat. Nokoumbal nogi isido sumiliu do Montiri Pembangunan Koonduan, Paganakan om Tulun Ginumuan gisom toun 2020 om baino nopo nga Ahli Parlimen Bandar Tun Razak, kopongo nokointayad o Kabinet i pinoilo di Perdana Menteri i waagu do nosiliu, i Tun Dr Mahathir Mohamad. Isido nogi nga tondu koiso ii minongigit jawatan politik takawas id Malaysia. Id taang parti, isido nopo nga Presiden Pakatan Harapan.

Ii dipogulu nopo nga, nokoumbal i Wan Azizah do nopili sabaagi Puru Parlimen Permatang Pauh mantad 1999 gisom 2008 om Luguan Pembangkang id Dewan Rakyat mantad Gomot 2008 gisom 31 Madas 2008, om gisom do Mikat 2015 gisom Mikat 2018, pogulu do dinuanan o goduduo jawatan di montok poporuhai koulian do sawo dau ii Anwar Ibrahim kumaa id pejabat politik.

Koposion gulu

Nosusu isido ontok do 3 Momuhau 1952 id Hospital kandang Kerbau, Singapura, ii ontok dii nopo nga kakal po sombogian mantad Malaya (baino nopo nga Semenanjung Malaysia). Nakaanu isido do pondidikan gulu id Sikul St. Nicholas Convent, Alor Setar. Minonilombus isido do ponginabasan kumaa id Kolej Tunku Kurshiah id Seremban. Tumilombus, nooputan disido do ponginabasan kumaa id Dublin, Ireland (1973) hinombo isido nopo nga nakaanu ijazah id gana dokutul porubatan. Id universiti nogi, nokotorimo isido do gaa Pingat Amas MacNoughton-Jones.

Paganakan

Nakasawo isido (ontok umul 23 toun) miampai di Dato' Seri Anwar Ibrahim (ontok umul 28 toun) om poingkaraja id Hospital Besar Kuala Lumpur. Mantad po di toun 1973 po, nokopintutun yolo maya do sakaping gambal di Anwar, i ontok dii nopo nga Presiden ABIM. Pirubaan dii nopo nga pinalan do tambalut diolo ontok do 1979, ontok do maamaso memuncak o Revolusi Iran. Pirubaan koiso diolo nopo nga id kantin HBKL om nolimpupusan id jinjang pelamin ontok 26 Mansak 1980. Au osokodung o tapa di Wan Ismail di timpuunon ii nga soira do nakaanu tanak koiso, nga nokoinsomok o piromutan paganakan diolo.

Kalaja politik

Parti Keadilan Nasional

Soira do nakalapas om natahan o koruhang dau, i Datuk Seri Anwar ontok 20 Manom 1998. Minonguhup i Datin Seri Wan Azizah do monuridong Parti Keadilan Nasional (i baino Parti Keadilan Rakyat) ontok 4 Ngiop 1999 om minongigit do jawatan sabaagi do presiden.

Soira do nakalapas i Anwar ontok toun 2008, nosiliu isido sabaagi Penasihat Umum (de facto) mantad do parti dau gisom toun 2015.

Puru Parlimen

Minampayat isido do pilihan raya koiso montok tirikohon parlimen Permatang Pauh ontok toun 1999, hinonggo nakalantoi isido om nakaala' di Dato' Seri Ibrahim Saad miampai iso majoriti 9077 undi. Nakaanu isido do papakakal tirikohon di id suang pilihan raya. gisom do toun 2004 miampai majoriti tokoro kopongo piipiro pongintaban kawagu. Nakaala' isido di Ustaz Firdaus.

Ontok 8 Gomot 2008, insan po kawagu i Wan Azizah do suminaap di Ustaz Firdaus om insan po kawagu nakaanu do pinapakakal tirikohon Permatang Pauh i mobi do Parti KeADILan Rakyat, sabaagi parti komponen Pakatan Rakyat, om nogi nampayat do PAS om DAP. Isido nogi nga mantan Luguan Pembangkang Malaysia.

Galori

• 
  Mitabi miampai di Shri Narenda Modi
• 
  Monorimo tombului pantang mantad do Perdana Menteri India, Shri Narendra Modi

Kootusan pilihan raya

Parlimen Malaysia

Toun	Perlembagaan			Undi	Prts	Pembangkang		Undi	Prts	Pinapataam undi	Majoriti	Keluar
1999	Permatang Pauh		Wan Azizah Wan Ismail (KeADILan)	23,820	61.77%		Ibrahim Saad (UMNO)	14,743	38.23%	39,210	9,077	78.95%
2004			Wan Azizah Wan Ismail (PKR)	21,737	50.47%		Pirdaus Ismail (UMNO)	21,147	49.1%	43,734	590	80.93%
2008			Wan Azizah Wan Ismail (PKR)	30,338	64.1%		Pirdaus Ismail (UMNO)	16,950	35.81%	47,442	13,388	81.17%
2015			Wan Azizah Wan Ismail (PKR)	30,316	57.09%		Suhaimi Sabudin (UMNO)	21,475	40.44%	53,102	8,841	74.53%
2018	Pandan		Wan Azizah Wan Ismail (PKR)	64,733	75.47 %		Leong Kok Wee (MCA)	12,190	14.21%	85,774	52,543	%
							Mohamed Sukri Omar (PAS)	8,336	9.72%
							Jenice Lee Ying Ha (PRM)	442	0.52%
							Mohd Khairul Azam Bin Abdul Aziz (BEBAS)	73	0.08%

Dewan Undangan Negeri Selangor

Toun	Perlembagaan			Undi	Prts	Pembangkang		Undi	Prts	Pinapataam undi	Majoriti	Keluar
2014	Kajang		Wan Azizah Wan Ismail (PKR)	16,741	59.6%		Chew Mei Fun (MCA)	11,362	40.4%	28,314	5,379	72%

Gaa

•  Pulau Pinang
  • Darjah Panglima Pangkuan Negeri (DPPN) - Dato' Seri (2008)

Intangai nogi

• Pakatan Rakyat
• Pakatan Harapan
• Reformasi (Malaysia)