Tulun Ulu

Tulun Ulu nopo nga iso kolompok etnik mantad suku kaum do pribumi miampai populasi do 300 tulun gisom do lobi 25,000 tulun i mogiigiyon id iso kinoiyonon id pisuk do hulu baang id Sabah om Sarawak. Ginumu populasi do tulun Sarawak ontok toun 2020 nopo nga 180,000 tulun om 6.2% no mantad 2.8 juta dii do tulun Sarawak. Pomolohou nopo do Tulun Ulu nopo diti nga notoodo do etnik minorii ii mogiigiyon id koiyonon pisul om hulu baang montok mombontuk komuniti kaum sondii. Sundung do ingkaa, nga Tulun Ulu nopo nga okon ko istilah rasmi id Perlembagaan Malaysia. Istilah diti nopo nga nointutunan mantad do iso piisaan minoriti ii notoodo ontok 1969 om ointutunan sabaagi do "Persatuan Kebangsaan Orang Ulu (Piisaan Kabansaan Tulun Ulu)" (OUNA).

Tulun ulu nopo nga etnik ii mogiigiyon id pononsuang Sarawak om noondoso do haro mantad do pogulu kurun kumo-13 om momuumutanom miampai monginginsada nopo nga towud koonuan diolo. Tulun Ulu nogi nga haro senibina do tiyonon di mogisuusuai, ii nowonsoi do akawas, anaru om walai sompori-pori ii nowonsoi miampaping do tiso om tiso, nohias miampai mural om nogi ukiran kayu. Ointutunan nogi yolo miampai do tatu di osorisid miampai manik ii rumit. Tulun Ulu mantad suku diti nogi nga nointutunan miampai tuunion diolo ii unik - tuni poimbida Sapeh diolo, kecapi ii kibontuk do parahu i pogulu nopo nga haro duo no tali miampai dinondo nopo dii nga kiwaa apat tali.

Kogumuan nopo suku Tulun Ulu nga kiugama Kristian. Sundung do ingkaa, ugama tradisional nopo nga kakal po poindalanon id piipiro koiyonon. Puak ii kosuang id tinimungan Ulu poingiyon id sempadan Malaysia Timur om Kalimantan, Indonesia nopo nga: Kayan, Kenyah, Kejaman, Lahanan, Sihan, Sekapan, Punan, Ukit, Penan, Lun Bawang/ Lun Dayeh, Murut, Berawan, Kiput, Saban dan Kelabit. Pomolohou Tulun Ulu nogi nga poimbida kumaa do kaum dii, tu poingiyon id boogian hulu Baang Batang Rajang, ii nopo nga watas Belaga om hulu Baang Baram ii nopo nga watas Baram.