Tulun Sungai

Tulun Sungai
	Busana Adat Suku-suku Orang Sungai di Pesta Damas 2019
Total population
	80,000-120,000 (Negeri Sabah)
Regions with significant populations
Daerah Kinabatangan	Majoriti
Daerah Ranau	Minoriti
Daerah Telupid	Majoriti
Daerah Sandakan	Minoriti
Daerah Pitas	Majoriti
Daerah Lahad Datu	Minoriti
Daerah Beluran	Majoriti
Daerah Kota Marudu	Minoriti
Daerah Tongod	Majoriti
Ugama
	Islam (majoriti), Kristian, Animisme
Related ethnic groups
	Kadazandusun, Murut, Ida'an

Tulun sungai nopo nga iso pomolhou tinaru tulun Asli it poingion hiri disan rahat id pogun Sabah Malaysia. Tulun sungai iso guasan bansa toi ko tinaru it nowonsoi maya politik om minaan poindalano soira naawi Kemerdekaan.

Sajara tulun sungai

Tumanud sajar di kopogul, tadon nopo kokomoi tulun sungai nga, nokoumbalai ontok toun 1881, maso nopo dilo nga luguan pogulu Sandakan Sir William Pryer pinopoindalan ekspedisi mimpanau id bawang Kinabatangan gisom nokorikot id iso kokompungan do kingaran do Imbok it haro po maso diri. Maso nopo di ekspedisi diri, tinimungan nopo diolo nga nokopiruba do tinimungan tulun it haro kaabalon do momonsoi kawalayan id disan do baang om koilo nogi momutanom koontok di kowowooyoon diolo it anaru tobuk om aragang-ragang kokitanan do kulit.

Ontok diri nogi, haro kobolingkaangan tu au ngawi kopirati boros tiso om tiso it mogowit nogi do au ii Sir Wiliam Pryer kotunud do honggo tadon di tinimungan diri, moi do osonong onuai no di dau do ngaran iri tinimungan sabaagi "THE RIVER PEOPLE". Soira notoliban it kinaatakan diri om maso po do id soriba pomorintaan "THE BRITISH NORTH BORNEO CHARTERED COMPANY(BNBCC)/Syarikat Borneo Utara British(SBUB) pomolohou sabaagi the river people ginontian sabaagi Tulun Sungai om okon no iri tinimungan do lohoon do kagal diri nga, iri nogi tinimungan it poingion id Bawang Kinabatangan nga linohou nogi kagal diri. Tinimungan di poingion id disan rahat it nogi lohoon sabaagi Tulun Sungai nga kogumuan id disan rahat miagal ko Sungai Bengkoka, Sungai Labuk, Sungai Sugut, Sungai Paitan, Sungai Kinabatangan om Sungai Segama. Kopomolian diolo do kinoyonon diti tumanud kararalano poingkuro koposion diolo maya momutanon om asaru mogihum kinoyonon di oruak miagal ko kinoyonon di osomok do baang.

Ginumu om Kotumbayaan

Tumanud banci it pinosoliwan mantad karajaan pogun Sabah pada tahun 2000 ( Banci tulun om kinoyonon Toun 2000), ginumu tulun id Kinabatangan nga sinogumu 86,783 tulun ( 50,394 kusai om 36,389 wanita). Tinaru i tagayo id watas diti nopo nga tinaru tulun Sungai( it pinomolohou do tulun mogigion poinsomok do baang Kinabatangan it tinimungan mantad Idahan, Minokok, Makiang, Rumanau, Mangkaak, Sinabu dan Pingas). Suai ko ii, haro nogi tinaru suai miagal ko Suluk, Kagayan om Bugis.

Tinaru tulun Sungai diti nopo nga Pribumi Sabah dit ogumu id ponong kosilahon Sabah. Mulong po gia dilo nga ogumu po tulun it au koilo sabab do okuri ponongkitonon tinaru diti maya internet. Tulun Sungai nopo nga iso tinaru it ogumu tokito dati id kinoyonon Sandakan, Beluran, Paitan, Kinabatangan (Bukit Garam, Sukau, Suan Lamba, Bilit, gisom hilo Paris Satu), Kuamut, Segaliud, Ranau (Sugut), Labuk (Telupid), Segama & Sepagaya (Lahad Datu), Madai, Tongod om haro nogi id Pitas om Beaufort (ogumu id Kg. Bambangan) tinaru Tulun Sungai diti