Tokud

Tokud (Boros Inggilis: computer) nopo nga' iso kakamot haro duo kawo tagayo: dontuntuu (digital) om donpapali (analog). It kawo dontuntuu ii togumu pakayon baino. Poomitanan tadaadau do tokud nopo nga' kukuzut (mobile phone) toi kikibit (laptop). Tudu tagayo do tokud nopo nga' pongintaban, tu' oinsanan it gunoon id tokud yokito ugu mirumo maya' dimpou pirumaan nopo nga' kinootusan do ponuhuan do tokud kumaa longkodizap (central processing unit) dau.

Tadon hogot

Mantad topod hogot tutok om gorud.

Nawayaan

Id boros Inggilis, tokud nopo nga' computer. Hogot diti napakai di laid pamarait do tulun tomod (tongoondu' koubasan) ii noluda' do mongintob ogumu kopio koizapan. Iyolo nopo ti nga' momoguno kakamot ponguhup miagal tundar tintuhun (logarithmic tables), tukuunsud (slide rule), om pongintob (calculator). Nga' soira do sumilau no kohizaan do tokud kikomilaan togonop om nokotounda' no pakayon, nokosili nodi komoon do hogot computer mantad tulun di mongingintob kumaa kakamot di mongingintob.