Tinipi

Tinipi nopo nga iso koinganan siriba kopurimanan i kopohompit do pongintangan, pokinangahan, pomusarahan, topurimanan toi deria suai maamaso koodop loolobi no koodop miampai gura mato di osiau.

Kosoruan nopo kaantakan id suang nipi nga au osiliu id pomogunan kopiipio. Sundung do ingkaa, id suang tinipi atalang, kopuriman i mogiginipi do maamaso isio / isido moginipi ontok timpu dii om somoonu kaanu monimban posorili id tinipi om kaanu manamong aspek - aspek id tinipi dii.

Mogiginipi nogi nga kopuriman ginua ginawo maamaso moginipi miagal ko' ginua ginawo orosian id nipi di araat. Gana Sains i monoriuk do tinipi mamarait diti sabaagi oneirologi.

Osiliu o tinipi id taang kosiahon gura mato maamaso koodop soira akawas o ababayan do tutok om kaagal do poimposik. Timpu sosongulun do moginipi nopo nga mogisusuai id nonggo do haro i moginipi piipiro saat gisom 20-30 minit. Pomusarahan kokomoi rati tinipi nopo nga kopionit do timpu om koubasanan. Kogumuan tutumanud teori tinipi di Sigmund Freund kosokodung do rati pongintangan id tinipi nopo nga sabaagi kopokitanan do gaab om ginua ginawo di poinlisok. Piipiro teori suai pinopointalang do tinipi nopo nga iso taang pombontukan pomusarahan, koponolibambanan kobolingkangan toi asil mantad ababayan do tutok.

Korotian

Korotian tinipi nopo nga tumanud do tua pomusarahan om koinganan subjektif. Iso ponoriukan pinopointalang do kogumuan do tulun nopo nga otumbayaan do tinipi diolo nopo nga mongowit katapatan poinlisok i kirati. Suai ko ii, iso nogi ponoriukan di pinoindalan do Amerika Syarikat, Korea Selatan om India nokopointalang do kiharo 74% tulun India, 65% tulun Korea Selatan om 56% tulun Amerika Syarikat kikotumbayaan do suang nipi diolo nopo nga manganu kopomorotian di kirati kokomoi kotumbayaan om korohian di au diolo opurimanan. Kopokitaan kaantakan tinipi mantad The Romance of History (1833) winonsoi di Henry Neele