Telipok
Telipok nopo nga iso pekan kiikiro 15 kilometer kumaa koibutan kakadayan Kota Kinabalu, Pantai Barat Sabah, Malaysia. Pekan nopo diti nga id siriba kapanarampasan om kotoinaan Dewan Bandaraya Kota Kinabalu om nogi sub-watas id kakadayan Kota Kinabalu. Ii nogi nga soboogian do palan kopotundaan kakadayan Kota Kinabalu toi ko' soboogian mantad koiyonon metropolitan i pointoning Taman Industri Kota Kinabalu, kiikiro 5 kilometer mantad kakadayan Menggatal, Sepanggar, om Tuaran id pogun Sabah, Malaysia nogi. Kampung nopo di miinsomok miampai pekan Telipok nga Kampung Maruah Sumagid om Kampung Masjid (aiso nodi baino tu noboli KKIP o tanah). Majoriti mogigion posorili Telipok nopo nga kibansa Dusun, Sino, Cina, Bajau, Bugis, om Suluk.
Telipok | |
|---|---|
 Kakadayan Wagu Pekan Telipok | |
| Ralat Lua pada baris 1 di Modul:Location_map/data/Malaysia_Timur: attempt to call global 'REDIRECT' (a nil value). | |
| Coordinates: 6°05′N 116°12′E / 6.083°N 116.200°E | |
| Negara |  Malaysia |
| Negeri |  Sabah |
| Bahagian | Pantai Barat |
| Daerah | Kota Kinabalu |
| Government | |
| • Body | Dewan Bandaraya Kota Kinabalu |
| Population (2010) | |
| • Total | 432 |
| Populasi di sekitar Telipok. | |
| Time zone | Malaysian Standard Time |
| Area code | 088 |
Etimologi
simbanai
Nontodon nopo ngaran 'Telipok' nga mantad boros Dusun i sumuku kumaa tusak teratai. Gama do ontok nopo dii, noponu o tasik om parit do tusak teratai, pinungaranan do moomogun o pekan tokoro diti sabaagi 'Telipok'.Tumanud sajara komolohingan,Telipok nopo nga kinoyonon do misangod ontok Sangod Pomogunan ll. Iso nopo artifak gama pisangadan dii nga norubaan id iso kinoyonon oliwang id kampung Maruah Sumagid. Artifak nopo dii nga iso pedang samurai. Tumanud susuyan, aralom tomod o samurai dii gisom kosondot nopo boogian bilah dau nga otogu no.
Ontok Sangod Pomogunan Koduo, nosiliu nogi o Telipok sabaagi pangkalan Gerila Kinabalu id siriba buruanon diAlbert Kwok i aparagat gumaga' Jepun ontok dongotuong.[1]
Tangon Momogun
simbanaiSusuyan Mondou
simbanaiHaro po kawagu sajara i monusui kokomoi songinan naga i linumisok id iso gua doid kampung Lawa Mondou Telipok. Mondou nopo nga kirati naga id suang boros Kadazan-Dusun. Tumanud nopo do mitos, gua nopo diinga noponu do amas nga noolim mitos dii kalapas nowonsoi o ponoriukan. Sundung do ingkaa, hino kasari gua dii gisom dinondo nga notutupan o ralan sumuang gama notuhan.
Kampung Maruah Sumagid Telipok
simbanaiKampung nopo diti nga iso mantad kampung bobos otuo id Telipok om kiwaa kiikiro 500 mogigion. Pogulu diti, ionon o kampung diti do bansa Dusun Tindal om Dusun Lotud, Cina, Sino, Bajau no, nga ontok toun 2005, gumumu o mondidikot di mogion(mamawalos id tana mogigion/momonsoi walai id disan do bawang tagayo Telipok) id kamung diti. Ointutunan o kampung diti posorili Telipok tu i nopo di laid po, haro o tinimungan mamain buul sipak di agaras. Puru milokud i minongobi Malaysia nga mantad nogi do kampung diti. Haro o dewan ogumu kogunoon om gelanggang futsal id kampung diti. [<span title="Dakwaan ini memerlukan rujukan kepada sumber sahih. (Januari 2020)">minog kisukuon</span>]
Tumanud komolohingan, haro o 'bobohizan' bobos agaras id kampung diti posorili Telipok-Tuaran di laid po i kaanu momolingos toruol om kiwaa tudan waig i au rumasak sundung do magadau(kinoyonon bobohizan popoindalan ritual ontok timpu magadau). Gama do kinapasarabakan ugama, mimpuun nodi tumagak o adat om tradisi id kampung diti piipiro dekad nakatalib. Kampung nogi diti nga binoros do 'okodou' tu haro kaka kinoyonon id kampung diti di ionon bunian(orang kerdil). Koumbal songulun tulun kampung nokotuka bunian diti maso karamayan pisasawaan mogigion dii. Ontok toun 2007, winonsoi iso ralan i popiromut boogian dohuri kampung dii. Mamaso penurapan om kapamansayan ralan, nokoukad miampai au tinomod o songulun papanau borodungal do lobong komolohingan (nenek moyang) penduduk kampung diti. Kinoyonon nopo di numaan siliho apatau dii nga kinoyonon pamalabangan komolohingan. Nababak o piipiro 'tajau' (lungun gulu-gulu kibontuk pasu tagayo) om sinuhu di gompoburu (pemaju) do manahak 'sogit'. Soira nopongo ralan dii, isa nopo i katalib do ralan dii nga ngoyon kasaho nung au mokianu kasagaan do maya kinoyon dii.
Koubasanan
simbanaiTomu
simbanaiMonikid tadau Tadtaru,[2]'Tamu' (pataranan sandad poingukab) nopo nga pohoroon id pekan Telipok. Id Tomu, asil, taakanon rahat, tinumon koubasanan, tinunturu om kakamot suai mantad Telipok om kampung pointoning dau nopo nga bolion om pobolion.
Sukuon
simbanai- ↑ "Kinabalu Guerillas: The Inanam-Menggatal-Telipok Basel Church Connections" (PDF). Universiti Malaysia Sabah Repository. 14 March 2003. Linoyog ontok 15 March 2017.
- ↑ "Things to do Tamu (Weekly Market) in Sabah". sabahtourism.com. 2018-05-15. Linoyog ontok 2019-12-07.