Tadau Tina
Tadau Tina, Tadau Ina, Tadau Idi, Tadau Tidi, toi Tadau Gidi nopo nga' tadau di taandakon montok mamagatang tongotina, taandakon ontok mogisusuai tadau posorili pogun. Tadau Tina miagal nogi Tadau Tama dii mamagatang tongotama.
| Tadau Tina | |
|---|---|
| Observed by | Kogumuan pogun |
| kawo | Don Nawayaan |
| Tadauwulan | Mogisuusuai tumanud kinoyonon |
| Mionit do | Tadau Tapa |
Nawayaan
simbanaiTadau Tina taandakon mogisusuai tadau id pogun tu' tadon di mogisusuai. It kapanaandakan tontok dongkobuu dii kumoinsan nataandak di toun 1907, di soira' pinaharo dazou (service of worship) id Dumpug don Mitod don Komonuhuan Andrews (Andrews Methodist Episcopalian Church) id Grafton, Virginia Kotonobon.[1]
Haro kotumbayaan do karamayan diti nokotimpun mantad iso koubasanan mamarayou tina id Girik Laid (Ancient Greece), iri no tu' mamaramai karamayan montok Kybele (Boros Girik: Κυβέλη)[2], tina hinavang (mother goddess) Girik di osundu. Pagahavan diti pinaharo ontok papak naau (equinox) hiza kiwusak id Asia okoro om au alaid id Rom tantad Tolikud dasom Limbas do Gamot (15-18 Gamot).
Tulun Rom dongkodori manaandak iso pagahavan di pinungaranan Matronalia montok momuhondom hinavang tondu (goddess) Yuno (rangkayon Juno id pimato Boros Latin), om koubasanan nopo nga manahak tutungkap kumaa tina ontok tadau dii.