Tadau Sompomogunan Tulun Sandad Songwinoun
Taandakon o Tadau Sompomogunan Tulun Sandad Songwinoun ontok 9 Magus monikid toun montok popoingkawas kopurimanan om mongumolig hak tulun sandad id pomogunan. Ababayan nogi diti nga montok mamagatang do kinodimpoton om sakadai do tulun sandad montok monginsonong ahal-ahal do pomogunan miagal do kapanamangan sandad posorili. Pinoimagon ii kumoinsan nogi do Pitimungan Abantung Kotinanan Bangsa-Bangsa Miiso (Perhimpunan Agung Pertubuhan Bangsa-Bangsa Bersatu) ontok Momuhau 1994, sabaagi panakatanda tadau pitimbungakan koiso Tinimungan Karaja PBB kokomoi Mogigion Tulun Sandad Sub-Suruhanjaya Kokomoi Promosi om Koumoligan Hak Asasi Tulun ontok toun 1982.
| Date | 9 Magus (monikid toun) |
|---|---|
| Location | Sompomogunan |
| Theme | Tonggungan Tongoondu Tulun Sandad id suang Kapanamangan om Kapasarabakan Toilaan Tradisional |
Sajara
simbanaiOntok Momuhau 1992, minonorimo om minomoguno o Perhimpunan Agung Pertubuhan Bangsa-Bangsa Bersatu do resolusi montok poposiliu 1993 sabaagi Toun Sompomogunan Tulun Sandad Songwinoun.[1][2]
Kopoilaan kokomoi Tadau Sompomogunan Tulun Sandad Songwinoun di kumoinsan nopo nga pinoilo do Perhimpunan Agung PBB ontok Momuhau 1994, montok kapanaandakan monikid toun ontok Dekad Sompomogunan Tulun Sandad di kumoinsan (1995–2004). Ontok toun 2004, minopoimagon o Perhimpunan do Dekad Sompomogunan Koduo, mantad 2005–2015, miampai tema "Sedekad untuk Tindakan dan Maruah".[3] Unsubon o tulun mantad mogisuusuai pogun montok mampayat do monoinu tadau montok popotongkop mesej PBB kokomoi tulun sandad. Ababayan nopo nga kaampai no forum pondidikan om ababayan linimput pongia'an montok maganu pamagatangan om korotian di lobi aralom kokomoi tulun sandad.[4]
Maya resolusi 49/214 ontok 23 Momuhau 1994, minaganu o Perhimpunan Agung Pertubuhan Bangsa-Bangsa Bersatu do kootuson do taandakon o Tadau Sompomogunan Tulun Sandad Songwinoun ontok 9 Magus monikid toun ontok Dekad Sompomogunan Tulun Sandad Songwinoun. Tadauwulan nopo dii nga kopihondot miampai tadau pitimbungakan di kumoinsan, ontok toun 1982, Tinimungan Karaja PBB kokomoi Mogigion Tulun Sandad Sub-Suruhanjaya Kokomoi Promosi om Koumoligan Hak Asasi Tulun.[5]
Toun Sompomogunan Boros Tulun Sandad 2019
simbanaiOntok 2016, pinoruput do kiikiro 2,680 boros sandad id suang koligaganan om oruhai no opunso. Mantad dii, pinatatap do PBB o 2019 sabaagi Toun Sompomogunan Boros Tulun Sandad montok monginsasamod, manahak kotumbayaan om popoimbulai kopurimanan kumaa tulun ginumuan kokomoi boros tulun sandad.[6]
Simbol
simbanaiKarya inus di Rebang Dewan, songulun tanak kusai Chakma mantad Bangladesh, nopili sabaagi pengecam visual Forum Tetap PBB kokomoi Isu Tulun Sandad. Okito nogi ii id kakamot montok popointutun Tadau Sompomogunan Tulun Sandad Songwinoun. Kiwaa o duo tolingo roun otomou i mitoguang do tiso om tiso om glob i kaagal-agal do planet pomogunan. Id suang glob dii, kiwaa gambar mitabi longon (duo longon di misuai) id tanga om id sawat nopo longon mitabi dii nga latar likud landskap. Gambar mitabi om latar likud landskap dii nopo nga nolikupan do wotik onulou id boogian sawat om siriba do pomogunan.[4]
Kapanaandakan id Kanada
simbanaiTaandakon o Tadau Sompomogunan Tulun Sandad Songwinoun sabaagi karamayan komuniti pointongkop pogun miampai artis, penceramah, momolihis, momohiok, om mogikaakawo vendor om gerai koumatan momogun id Kingston, Ontario, maya di Ollin.[7]
Kapanaandakan id Taiwan
simbanaiOntok 2016, minapasaga o kotoinaan id siriba Ponorikohon Tsai Ing-wen do sogu i papatatap do 1 Magus sabaagi Tadau Tulun Sandad id Taiwan. Id suang kapanaandakan tadau ogingo dii, minapalabus i Ponorikohon Tsai do kopokiompunan poinhimagon kumaa tulun sandad id pogun dii om minapatayad do laang-laang montok popointutun perundangan dom popohompit kotinanan i mionit miampai toud tulun sandad, miagal do Jawatankuasa Keadilan Sejarah Orang Asli om Keadilan Peralihan Pejabat Presiden. Alansan o porinta do kaanu ii poposorou tulun ginumuan kokomoi tinimungan tinaru i mogikaakawo id Taiwan miampai papasarabak kapantangan di lobi ogirot kokomoi koubasanan om sajara tulun sandad om nogi popointutun do hak diolo.[8]
Intangai nogi
simbanaiSukuon
simbanai- ↑ "International Year for the World's Indigenous People, 1993 : resolution / adopted by the General Assembly". Refworld. 22 Milau 2022. Linoyog ontok 24 Milau 2022.
- ↑ Department of the Premier (Western Australia) (1 Momuhau 1992). "1993 to be International Year of World's Indigenous Peoples". Media Statements. Pinoopi mantad sand̠ad ontok 24 Milau 2022. Linoyog ontok 24 Milau 2022.
- ↑ ""Indigenous designs: celebrating stories and cultures, crafting their own future"". United Nations. Linoyog ontok 9 Magus 2011.
- ↑ 4.0 4.1 "International Day of the World's Indigenous Peoples". timeanddate.com. Time and Date AS. Linoyog ontok 9 Magus 2011.
- ↑ "Background – International Day of the World's Indigenous People". United Nations. Linoyog ontok 9 Magus 2011.
- ↑ "International Day of World's Indigenous Peoples 2019, know Theme, History and Activities". 7 Magus 2019.
- ↑ "World's Indigenous Peoples". World's Indigenous Peoples. Linoyog ontok 9 Magus 2020.
- ↑ "Taiwan designates Aug. 1 as Indigenous Peoples' Day". Focus Taiwan CNA. Linoyog ontok 1 Magus 2020.
Noputan labus
simbanai- International Day of the World's Indigenous Peoples on the United Nations website
- International Day of the World’s Indigenous Peoples on the United Nations Department of Economic and Social Affairs website
- World's Indigenous Peoples Kingston, Ontario, Canada's Celebration by Ollin