Wikipedia

Tadau Deepavali

Templat:Hindu festival date info Templat:Hinduism

Diwali
Ponindak Rangoli decorations, winonsoi momoguno tapung toi ko' togis di alus, ointutunan ontok Diwali.
Lohowon nogi sabaagiDeepavali
Observed byHindus, Jains, Sikhs,[1] some Buddhists (notably Newar Buddhists[2])
kawoReligious, cultural, seasonal
KapansalanSee below
Kapanaandakan
  • Diya lighting
  • puja (worship and prayer)
  • havan (fire offering)
  • vrat (fasting)
  • dāna (charity)
  • melā (fairs/shows)
  • home cleansing and decoration
  • fireworks
  • gifts
  • and partaking in a feast and sweets
TumimpuunTemplat:Ubli
OpupusanTemplat:Ubli
TadauwulanAshvin Krishna Trayodashi, Ashvin Krishna Chaturdashi, Ashvin Amavasya, Kartik Shukla Pratipada, Kartik Shukla DwitiyaTemplat:Infobox holiday/wd
2024 dateOctober[3]

November

KosoruanAnnual
Mionit doDiwali (Jainism), Bandi Chhor Divas, Tihar, Swanti, Sohrai, Bandna

Karamayan Deepavali (Tulisan Jawi: ديڤاۏالي) toi ko' Diwali nopo nga iso karamayan do tutumanud ugama Hindu i ponokotanda' do kinalantayon kuasa' kosonongon kumaa kuasa karaatan, maya simbolik nopo nga kikomoyon do babang di mamabang do kotuongon. Rati poinlisok dau nopo nga poposuni do woyo-woyo positif montok sumiliu do individu di lobi osonong miampai monolibamban woyo-woyo negatif id suang tinan dati montok koburuon rohani.

Kotimpuun o Tadau Deepavali miampai momihid tumau bijan id tulu om tinan montok poposogit tinan, suhutonon do upacara sambayang miampai do paganakan id walai om mokianu restu mantad molohing pogulu do mongoi kuil. Oinsanan tulun manambasaan do basaan wagu, miilang do taakanon i pinotounda do poimbida' montok Deepavali om nogi tumombului do walai koobpinayan om tongotambalut. Ontok totuong, poopuyon o lampung om bunga tapui om nogi mercun montok mamaramai po kawagu kapanaandakan dii.

Poristilahan

simbanai

Ngaran karamayan diti minongolos do meminjam Templat:Lang-ta dīpāvali i sondii dau nga boros miamung i minaganu boros Sanskrit दीप dīpa i mogowit rati do "babang" toi ko' "lampung" (maya தீபம் deepam toi ko' tīpam)[4][5] om आवलि āvali i kirati do "baris", "garisan" toi ko' "ralan" (maya ஆவளி āvaḷi)[6][7], mantad dii दीपावली dīpāwali toi ko' "deretan babang"[8] milo onuan rati do kapamanahan kumaa do babang.

Tadauwulan-tadauwulan id suang kalendar di mogisuusuai

simbanai
Fail:DiwaliSwastika.jpg
Papaapui o tangaanak do pilasut id bontuk swastika sangadau pogulu do taandakon o karamayan Deepavali.

Romiton o karamayan diti solinaid timpu di mogisuusuai tumanud komuniti i mogisuusuai nogi. Sundung do tadau-tadau teras dau nopo nga miagal om koontok do tadau-tadau di miagal id pointongkop Nepal om India, nga koontok o tadau-tadau dii ontok wulan Gregorian di misuai tumanud do versi kalendar Hindu i gunoon do tulun id kinoyonon dii. Versi Amanta ("opupusan ontok tanak tulan") kalendar Hindu gunoon sabaagi kalendar kabansaan India. Tumanud kalendar diti i gunoon do pointongkop id India kabaatan om Maharashtra, kapanaandakan onom tadau diti owiton mantad apat tadau tohuri wulan Ashwayuja (Ashwin id suang boros Marathi) om duo tadau kumoiso wulan wagu Kartika. Tumanud versi Purnimanta ("opupusan ontok wulan misawang") i pointongkop id India koibutan, koontok o Diwali ontok pintangaan wulan Ashwayuja/Ashvin. Id suang kalendar Gregorian, koubasan orikot o Deepavali ontok wulan Gumas toi ko' Milau.

Kapansalan ugama

simbanai

Hogot Sanskrit "Deepavali" kirati do iso kopokitanan pilasut-pilasut i ponokotanda' do kinalantayon babang kumaa kotuongon. Mantad do kinorotuon toilaan do boros Sanskrit, nosimbanan o ngaran karamayan diti suminiliu Divali, loolobi no id India koibutan.

Limo tadau Deepavali

simbanai

Pohoroon o kapanaandakan Deepavali solinaid do limo tadau id kogumuan kinoyonon id India Koibutan. Oinsanan tadau suai ko' Deepavali pinungaranan mantad koroitan sondii id suang kalendar Hindu.

  1. Dhanatrayodashi toi ko' Dhan teras: Dhan kirati do "kekayaan" om Trayodashi kirati do "tadau ko-13". Mantad dii, miagal di natandaan id ngaran, oontok o tadau diti ontok tadau ko-13 saparu koduo wulan qamari. Tadau diti nopo nga olumaag montok momoli kakamot om amas. Binoros nogi do tadau diti sabaagi kinoimbulayon Jayanti Dewa Dhanvantri ontok menggodak o dewa-dewi om rogon-rogon do rahat tagayo.[9]
  2. Naraka Chaturdashi: Chaturdashi nopo nga tadau ko-14 i mananda' do norologo no i Narakasura, mantad dii nakaala o kosonongon do karaatan (bahasa Gujarat: Kali Chaudas).
    Id India kabaatan, iti no tadau karamayan di kopipio. Mosik o tulun Hindu do osopung kopio miagal ontok 4:00 kosuabon, modsu do tumau bijan om manambasaan basaan wagu. Papaapui yolo pilasut tokoro id posorili walai om momolukis do kolam/rangoli id soliwan do kolam diolo. Popoindalan yolo koroyohon poimbida' miampai kapatahakan kumaa Dewa Sri Krishna toi ko' Dewa Sri Vishnu i minongolig do pomogunan mantad Narakasura ontok tadau diti. Notumbayaan do modsu pogulu koimbulai tadau, soira milop-kilop po rombituon id tawan, miagal do modsu id Bawang Ganges di obitua. Mantad dii, soira misolowot o tulun ontok kosuabon, monguhot yolo "Nokoindalan nu no Ganga Snaanam?"
    Kalapas mamarayou, papaapui o tangaanak do bunga tapui i mananda' do korologohon di Narakasura. Sabap do iti nopo nga tadau kounsikahan, ogumu tulun makan kosuabon om makan dangadau miampai agayo om tumombului do koobpinayan. Ontok sosodopon, poopuyon kawagu o pilasut om royohon o Dewi Lakshmi om sambaon miampai sinurungan poimbida'. Ontok tadau i aiso tulan diti, ogumu i popoindalan upacara tarpana (kapaatadan waig om linsou bijan) i poimbida' montok todu moyang.
  3. Lakshmi Pujae: Lakshmi Puja, mananda do tadau toponsol id suang koporomitan Deepavali, soira Lakshmi, dewi kekayaan om menandakan hari terpenting dalam sambutan Deepavali, apabila Lakshmi, dewi kekayaan dan Ganesha, dewa permulaan bertuah, dipuja oleh semua rumahtangga Hindu, disusuli penyalaan lampu di sepanjang jalan dan keliling rumah, untuk mengundang kemakmuran dan kesejahteraan.
  4. Govardhan Puja: Juga dipanggil Annakut, hari ini disambut sebagai hari Krishna menewaskan Indra. Untuk Annakut setimbunan makanan dihiasi melambangkan gunung Govardhan diangkat Dewa Krishna. Di negeri Maharashtra hari ini disambut sebagai Padva atau BaliPratipada — iaitu memperingati Raja Bali. Kaum lelaki memberikan hadiah kepada isteri mereka pada hari ini.
  5. Bhaiduj (juga Bhayyaduj, Bhaubeej atau Bhayitika): pada hari ini, adik-beradik bertemu untuk meluahkan rasa kasih sayang antara satu sama lain (Bahasa Gujarati: Bhai Bij; Bahasa Bengali: Bhai Phota). Kebanyakan perayaan India menyatukan keluarga, maka Bhaiduj menyatukan adik-beradik yang sudah berkahwin, maka hari ini amat penting bagi mereka selaku adik-beradik. Perayaan ini amat lama, dan mendahului 'Raksha Bandhan', iaitu satu lagi perayaan adik-beradik yang disambut kini.

Mogisuusuai o kapanaandakan Deepavali diti id rantau-rantau pointantu:

  • Id India Kabaatan, naraka chaturdashi nopo nga tadau apangkal, miampai haro papaapui mercun ontok minsusuab.
  • Karamayan apangkal id India Koibutan nopo nga ontok sosodopon Amavasya (aiso tulan) miampai Lakshmi Puja, suhutonon do papaapui pilasut id walai.

Kapanaandakan Deepavali id Malaysia

simbanai

Id Malaysia, romiton o tadau Deepavali ontok wulan koturu kalendar suria Hindu om silihon do koundarangan umum persekutuan id pointongkop Malaysia tu haro pokiikiro 1.5 riong tutumanud Hindu i kogumuan nopo nga mantad India Kabaatan.

Totuong pogulu do tadau Deepavali nopo nga tadau montok momuhondom taki, todu om moyang di minidu no pogun miampai upacara sambayang tokoro id walai miampai paganakan di osomok. Ontok kosuabon Deepavali, modsu o tutumanud Hindu miampai momihid tumau bijan id tulu om tinan montok poposogit tinan om nogi lambang tobitua tinan om sunduan. Kalapas upacara tobitua di manada' do kotimpuunon wagu, sumambayang o tutumanud Hindu miampai paganakan id walai om nogi mokianu restu molohing pogulu do manambasaan basaan wagu om tumombului id kuil. Sumusuhut mongoi nogi yolo tombului id walai koobpinayan om tongotambalut diolo. Walai poingukab nga haro nogi montok tulun ginumuan.

Winonsoi o "Kolam" mantad tapung wagas di amu nowotikan sabaagi taakanon montok kilau om songongi suai tu otumbayaan o ugama Hindu do haro o Kinorohingan toi ko' Atman id tikid do winonsoi Kinorohingan id pomogunan diti. Mantad dii, aspek taralom do "kolam" diti nopo nga karalano' di bobos ouhan montok manahak toluod toi ko' karalano' popoilang toud alam miampai kakamot poimpasi di suai.

Id susuangon walai tutumanud Hindu, haro o ponindak "kolam", ponindak bunga aalus i linakar id tana' i koubasan nopo nga winonsoi mantad bijirin di mogisuusuai warana. Ponindak "kolam" toi ko" ointutunan nogi sabaagi "Rangoli" diti okon ko' ponindak tomod, nga haro o rati sosial, kerohanian, om simbolik dau. Ii nopo nga lambang panyambahan dewa Lakshmi, Dewi Kolumaagan i notumboyo do tumombului walai diolo di kiharo ponindak "kolam" id susuangon walai diolo.[10][11]

Mamalakar "Kolam" nopo nga karalano' do tongoondu Tamil do sumambayang kumaa Lakshmi, dewi kolumaagan, kolumison, om tuah om iso nogi upacara kougamaan montok tutumanud Hindu.[12]

Sukuon

simbanai
  1. ↑ Townsend, Charles M (2014). The Oxford Handbook of Sikh Studies. Oxford University Press. p. 440. ISBN 978-0-19-969930-8.
  2. ↑ Todd T. Lewis (7 September 2000). Popular Buddhist Texts from Nepal: Narratives and Rituals of Newar Buddhism. State University of New York Press. pp. 118–119. ISBN 978-0-7914-9243-7. Pinoopi mantad sanḏad ontok 2 January 2017. Linoyog ontok 14 October 2016.
  3. ↑ "Diwali 2024 Date: When is Diwali? All About the 5 Days Festival of Lights". 16 November 2023.
  4. ↑ Monier Monier Williams (2008 updated, Harvard University), Sanskrit English dictionary, दीप, p. 481
  5. ↑ "தீபம் - University of Madras Tamil Lexicon". Digital Dictionaries of South Asia. Universiti Chicago. Linoyog ontok 20 Magus 2020.{{cite web}}: CS1 maint: url-status (link)
  6. ↑ Monier Monier Williams (2008 updated, Harvard University), Sanskrit English dictionary, आवलि, p. 155 Archived 2019-03-27 at the Wayback Machine
  7. ↑ "ஆவளி - University of Madras Tamil Lexicon". Digital Dictionaries of South Asia. Universiti Chicago. Linoyog ontok 20 Magus 2020.{{cite web}}: CS1 maint: url-status (link)
  8. ↑ James G. Lochtefeld 2002, pp. 200–201
  9. ↑ Dhanvantri Jayanti[noputan di napatai sogigisom]
  10. ↑ Sacred Custodians of the Earth?
  11. ↑ Women's Lives, Women's Rituals in the Hindu Tradition, displayed by permission of Oxford University Press.
  12. ↑ Women's Lives, Women's Rituals in the Hindu Tradition.
Naanu mantad "https://dtp.wikipedia.org/w/index.php?title=Tadau_Deepavali&oldid=18776"