Sumazau
Sumazau nopo nga iso kawo sayau do koubasanan id pogun do Sabah om ointutunan iti sayau id Sabah om nogi id Malaysia. Sumazau nopo nga iso sayau koubasanan do tinaru do Kadazandusun di asarau posilibohon ontok Tadau Kaamatan toi ko' kapanaandakan di suai di taandakon id pogun do Sabah ontok monikid wulan Mikat. Kolimpupuson nopo do wulan Mikat diti nga pinili' maya do koubasanan ontok di pogulu po tu kapononomon nopo do parai nga insan no sontoun. Koubasanan nopo nga opongo mongomot do parai id kolimpupuson do wulan Mikat.
 Apat susumayau sumayau do Sumazau miampai mogipapasang om naampot ensembel muzik tradisional | |
| Native name | Sumazau |
|---|---|
| Etymology | Sazau (dance) in the Kadazan language |
| Genre | Traditional, folk |
| Instrument(s) | Gongs, drum, occasionally metallophone |
| Inventor | Tulun Kadazan |
| Origin | Malaysia |
Sayau Sumazau nopo diti nga id suang do boros Kadazan om sumayau id suang do boros Dusun. Sumayau id suang do boros Dusun nopo nga kirati do sayau di kaanu popohompit do hogot minsayau i kirati do mindok-tindok. Ginumu nopo do susumayau id Sumazau diti nga nga amu i atantu nga mositi no haro o pasang toi ko' rapat, lobi ogumu nga lobi kohiok. Sayau sumazau/sumayau nopo diti nga mogisusuai moyo do tinaru. Pangangagung do tagung nga mogisusuai moyo do tinaru. Sayau diti ponokitanda do kounsikahan tumanud do watas toi ko' kinoyonon.
Soira sumayau diti sayau koduo-duo longon angakaton id pompod do lihawa om poguraon migal do tombolog di tumulud tumanud do rantak maya do alamaya. Koruhang do susumayau kusai om tondu sumayau maya do mitoguang om poguguraon o gakod maya do laang di okoto om poinsawaton do gontod gakod om poinsiribaon no moyo do rantak do sinding. Id timpu diti sayau sumazau/sumayau diti pointorion ontok mojlis om nogi karamaian. Tudu' nopo da kopio diti sayau nga montok mamaramit kinorikatan do Bambaazon di koubasanan nopo nga wonsoyon soira aie mongomot.