Sook

Sook
Sook
Pekan dan Daerah
lain transcription(s)
	Pekan Sook
	Lokasi kinoyonon watas om pekan Sook
	Ralat Lua pada baris 524 di Modul:Location_map: Unable to find the specified location map definition: "Module:Location map/data/Malaysia Timur" does not exist.
	Coordinates: 5°08′N 116°19′E / 5.133°N 116.317°E
Negara	Malaysia
Negeri	Sabah
Bahagian	Boogian Labus Kakadayan, Sabah
Daerah	Keningau
Government
• Body	Pejabat Daerah Kecil Sook
• Penolong Pegawai Daerah	Caroline Benjamin Jiungan
• Ketua Masyarakat Tempatan (Ketua Daerah)	Encik Susuru @ Simon Bin Antibak
• DUN	Yang Berhormat Datuk Ellron Alfred Angin (GBS-STAR) (Sook) Gabungan Bersatu Sabah
Area
• Total	2,037.543 km2 (786.700 sq mi)
Population (2010)
• Total	37,815
	Anggaran ginumu mogigion watas tokoro Sook.
Time zone	MST
Area code	087
Website	www.sabah.gov.my/pdks/index.php

Sook nopo nga iso kakadaian tokoro om watas tokoro hilo id watas Keningau, Boogian Labus Kakadaian, Sabah, Malaysia. Kiguno o Sook sabaagi kakadaian pomutanaman om kayu om sabaagi kakadaian transit kumaa id Tawau mantad Keningau maya' do ralan Keningau-Sook-Sapulut-Kalabakan-Tawau.

Etimologi

Nintodon Watas Sook

Id watas tokoro Sook haro iso bawang i poinwalad id tanga' do kakadaian om lumuyung kumaa id tolungan do bawang Padas. Pungaranan o bawang diti do "Bawang Sook".^[1] ^[2]

Tumanud susuyan dounggulu-gulu haro ogumu buayo di orongit i poingion id bawang Sook.^[1] Tulun kampung i poingion id posorili kinoyonon Watas Tokoro Sook au milo tumuhun mongoi podsu toi ko' maganu waig tinumon hilo bawang tu isai-isai nopo i tumuhun hilo id bawang nga sindualan di buayo.^[1] Iso nopo ralan diolo maganu waig nga maya do monouk toi ko' sook waig bawang dii miampai momoguno gayung i winonsoi mantad kongkob do piasau toi ko' poring i onuan do rawo toi ko' kogoson momoguno lukug.^[1]

"SOOK" nopo nga hogot id boros do Murut i kopogowit rati do monouk.^[1] Koutuson susuyan tadon do watas diti nakaanu ngaran "SOOK" nopo nga mantad do karalano' tulun kampung maganu waig mantad bawang dii.^[1]

Kopomuruan

Mukim

Haro 6 o Mukim do watas tokoro Sook:^[3]

Mukim Lanas
Mukim Tulid
Mukim Sook
Mukim Dalit
Mukim Ansip
Mukim Seberang

Geografi

Sinodu kakadaian Sook kumaa id kakadaian Kota Kinabalu nopo nga pokiikiro 167 kilometer om mantad nopo kakadaian Sook kumaa id kakadaian Keningau nga 41 kilometer.^[4] Kinoyonon Sook om posorili dau nopo nga kikinawas do 1350 meter mantad rinantai do rahat.^[4]

Iklim

Iklim id Sabah nopo nga khatulistiwa, miampai kolosuan di oruhai no a'agal id suang do 23 gisom 28 darjah Celsius, kosoguban di akawas (80-85%) om rasam di ogumu.^[5] Rahung dominan do iklim nopo nga monsun timur laut mantad Milau gisom Gomot om monsun barat daya id pialatan do wulan Mikat om Manom.^[5]

Nakadadi no iso koubasanan i ogumu minaan posurato' kokomoi watas-watas id pogun Sabah i kaanu do rasam di lobi osiriba mantad ko' Wilayah Pantai Barat.^[5] Tumanud luputan id toun 1976, rasam do sontounan nopo nga ointangaan do 2500 - 4000 mm montok kinoyonon kotonobon Banjaran Crocker, hilo nopo koiyonon id kosilahon minonurat do rasam sontounan id pialatan do 1500 - 2000 mm.^[5] Tinahak o rikud rasam solinaid 29 toun (1969-1998) montok Keningau i popohanggum do Sook (id milimeter).^[5]

Sosioekonomi

Koiyonon Pomutanaman

Parai ranahon
Guol
Parai tidong
Koko
Kupi
Tua'-ua'
Tanom Kontan
Piasau mamau

Koiyonon Pomukabunan

Kabun kayu kalatas - SAFODA
Lembaga Industri Getah
Pusat ponoriukan
Gana kotolunan - Jabatan Perhutanan

Koobian Awam

Sikul: Sikul tosiriba om takawas.^[6]
Ponikidan waig tinumon: Ponikidan waig nopo nga kumaa id surupu-surupu, kawalaian porinta', sikul om kadai-kadai id posorili kakadaian Sook no. Purata ponikidan waig sangadau nopo nga 30,000 gilin toi ko' 680,000 liter. Sundung ingkaa nga ginumu dilo nokoingkawas tu haro o sikul takawas wagu id koiyonon kakadaian.^[6]
Lamin pongusapan: Klinik Desa om Klinik Kesihatan^[6]
Piromutan: Ralan, tolipaun om Pemancar TV (Pemancar Relay mantad Nuluh Kinabalu)^[6]
Padsakayan
Kotinoligan: Kakal po lumansan do sokodung pulis mantad watas Keningau om Nabawan. Palan papaharo do Balai Pulis nopo nga id suang proses nogi om nokotounda no kinoyonon.^[6]
Ponikidan Lotirik: Surupuon miampai poimponu do SESB Sdn. Bhd. Keningau^[6]

Sukuon

↑ ^1.0 ^1.1 ^1.2 ^1.3 ^1.4 ^1.5 "Sejarah Daerah". www.sabah.gov.my. Linoyog ontok 2020-02-24.
↑ "SEJARAH RINGKAS DAN LATARBELAKANG MENGENAI DAERAH SOOK". www.celcom1cbc.com. Linoyog ontok 2020-02-24.
↑ "Keluasan Daerah Kecil Sook". www.sabah.gov.my. Linoyog ontok 2020-02-24.
↑ ^4.0 ^4.1 "SELAMAT DATANG KE LAMAN WEB RASMI PEJABAT DAERAH KECIL SOOK". www.sabah.gov.my. Linoyog ontok 2020-02-24.
↑ ^5.0 ^5.1 ^5.2 ^5.3 ^5.4 "Field Site Description". www.sabah.gov.my. Linoyog ontok 2020-02-24.
↑ ^6.0 ^6.1 ^6.2 ^6.3 ^6.4 ^6.5 "Kemudahan Asas". www.sabah.gov.my. Linoyog ontok 2020-02-24.

[Sejarah_Daerah-1] 1.0 ^1.1 ^1.2 ^1.3 ^1.4 ^1.5 "Sejarah Daerah". www.sabah.gov.my. Linoyog ontok 2020-02-24.

[2] "SEJARAH RINGKAS DAN LATARBELAKANG MENGENAI DAERAH SOOK". www.celcom1cbc.com. Linoyog ontok 2020-02-24.

[3] "Keluasan Daerah Kecil Sook". www.sabah.gov.my. Linoyog ontok 2020-02-24.

[geo-4] 4.0 ^4.1 "SELAMAT DATANG KE LAMAN WEB RASMI PEJABAT DAERAH KECIL SOOK". www.sabah.gov.my. Linoyog ontok 2020-02-24.

[Iklim-5] 5.0 ^5.1 ^5.2 ^5.3 ^5.4 "Field Site Description". www.sabah.gov.my. Linoyog ontok 2020-02-24.

[kemudahan_asas-6] 6.0 ^6.1 ^6.2 ^6.3 ^6.4 ^6.5 "Kemudahan Asas". www.sabah.gov.my. Linoyog ontok 2020-02-24.

[1]

[2]

[3]

[4]

[5]

[6]