Songongi
Songongi nopo nga kakamot poimpasi mantad tinimungan tayam Invertebrata kalas Insecta di kiwaa spesies di bobos ogumu. Songongi lobi ogumu nakarayad au miagal do kalas - kalas suai suang filum Arthropoda. Spesies - spesies songongi kiwaa woyo pointantu iri no tu kulit soliwan tinan di okodou om haro kitin, tinan abaagi kumaa tolu iri no tu tulu, toraks om abdomen, tolu pasang gakod id tinan boogian toraks, linsou - linosu mato majmuk, om sapasang sisingud. Ponoriukan kokomoi songongi ointutunan sabaagi entomologi.
| Songongi Temporal range:
| |
|---|---|
| |
| Insects, have a three-part body: head with large compound eyes and antennae, a thorax with three pairs of legs, and a segmented abdomen. Many groups also have two pairs of wings. | |
Scientific classification 
| |
| Domain: | Eukaryota |
| Kingdom: | Animalia |
| Phylum: | Arthropoda |
| Clade: | Pancrustacea |
| Subphylum: | Hexapoda |
| Class: | Insecta Linnaeus, 1758 |
| Subgroups | |
| Synonyms | |
| |
Songongi nopo nga kawo tayam di bobos ogumu poinsuang do lobi iso riong spesies di nokosuat om mobi do pointanga organisma di nointutunan. Ginumu spesies di au po nopunso kiikito soginumu onom gisom hopod riong ; lobi 90% tayam id pomogunan nopo nga kipotensi mantad kawo songongi.
Pangaga'an ginumu toinsanan spesies, kohompit di au po nointutunan do sains nopo nga duo gisom tolu nohopod riong, miampai kogumuan tulun abaal kokomoi songongi mangaga' do pintangaan duo ginumu di poindala diti. Sundung do noilaan oruhai do iso riong spesies songongi, ogumu po songongi suai di au po nokito om aiso po nosuat. Amu milo olimon do ogumu songongi upunso id timpu abantalan, pogulu nosuat, sabab koburuon talun di nowonsoi tongotulun.
Songongi okito id kogumuan kinoyonon id pomogunan diti, haro nogi songongi di mion miampai tongotulun id iso kinoyonon, id suai lamin toi ko' id soliwan lamin. Ogumu kapansalan songongi kumaa koposion tulun miampai kotilombus toi ko' au.
Kiwaa soginumu 5,000 spesies tompokiukiu, 2,000 spesies boyon, 20,000 spesies godu, 170, 000 spesies kolibambang, 120,000 spesies langau, 82,000 spesies pianggang, 350,000 spesies lompok, om 110,000 spesies poningot om kilau.