Sinakagon (filim)
Sinakagon, ointutunan nogi sabaagi Sinakagon: Sunduan Parai Au Tumagak (boros Malayu: Sinakagon: Semangat Padi Tak Kan Lenyap) nopo nga iso filim koiso id Malaysia id suang boros Kadazandusun.[1] Inspirasi nopo montok filim diti nga mantad legenda Huminodun i poposusui kokomoi songulun tondu i linumubuk montok koumoligan om koposion do tulun.[2]
| Sinakagon | |
|---|---|
 Poster filem Sinakagon | |
| Directed by | Timothy Stephen |
| Written by | Timothy Stephen |
| Starring | |
Production companies |
|
Release date |
|
Running time | 123 minit |
| Country | Malaysia |
| Language | Kadazandusun |
Pongintigasan filim
simbanaiFilem nopo diti nga kokomoi mitos kotumbayaan animisme Legenda Huminodun (Sunduan Parai Kadazan Dusun) i linumubuk montok koposion tinaru Kadazan Dusun om mongumolig tanom-tanom mantad wusung (sumpahan) om kadaat magadau. Filim diti poposusui kokomoi sinakagon tohuri (cicit) di Huminodun, i Eve i tuminanud tambalut dau minuli kampung. Minagadau o kampung dii gisom napatai ngaawi o tanom om binuru. Tinandasan i Eve minogowit kadaat dii. Nokotorimo o bobolian id kampung dii burungan mantad kuasa poinlisok (ghaib) do mamatai di Eve montok momunso sakag di Huminodun. Nagakom i Eve om soira poindalanon o ababayan/upacara popolubuk, tinampasi isido songulun kusai ii no tanak luguan kampung om songulun kawagu bobolian Kadazan. Pinatai do Bobolian Kadazan Dusun o kuasa poinlisok (ghaib) dii. Soira napatai kuasa poinlisok (ghaib) dii, rinumasam hiri kampung om koinsanai tulun kampung i pasansala soliilinaid diti kopuriman do monosol.[3]
Kolobusan
simbanaiSinakagon nopo nga filim arahan di Timothy Stephen. Pogulu nakalabus o Sinakagon, nokohompit i Timothy do piipiro projek filim kaampai no Sindiket (3r Unit & BTS), Tangisan Akinabalu (2nd Unit), Namatai (DOP), The Rise of Lion (DOP), Once Upon A Time In Tamparuli (DOP), om Mantera (DOP).[4]
Ogumu pogumbalan di notoguang solinaid kapamansayan do filim diti ka di Timothy id iso ponorubungan. Pogumbalan dii kaampai no kos om pomilian mimingkono', hinonggo dana di tinahak do Perbadanan Kemajuan Filem Nasional Malaysia (FINAS) nopo nga soginumu RM200,000 no om kogumuan mimingkono' dau nopo nga kumoinsan nogi do miningkono' om haro nogi i au alantas mimboros Dusun.[5] Nokoboros nogi i Timothy do kowowoyoon tawan nga iso nogi pogumbalan di notoguang diolo ontok minomongo filim dii, hinonggo mingguli yolo tumingkod do momonsoi filim dii tu asapou o rasam soira popolombus i mimingkono' do Rinait (mantra).[6]
Mimingkono' apangkal
simbanai- Fiona Josepher sabaagi Eve
- Lisa Christie sabaagi Lisa
- Ejin Dinting sabaagi Bobolian
- Esthaer Zaino sabaagi Perempuan Sihir (tonḏu monininḏaat)
- Malle Christian sabaagi Huminodun
- Idin Aidin
- Ronn Langad sabaagi Ronn
Gaa'
simbanaiSundung do Sinakagon nopo nga filim wagu om poimponu' id boros Dusun nga nakaanu no piipiro gaa' kaampai no:[5]
- Award Winner Best First Time Director (Feature) Milan Independent Awards
- Finalist Prisma Rome Independent Film Awards
- Official Selection Barcelona Indie Filmmakers Fest (BARCIFF) - Limo bobos takawas mantad 100 i nopili
Sukuon
simbanai- ↑ "'Sinakagon' filem pertama berbahasa Dusun" ['Sinakagon' nopo nga filim koiso id suang boros Dusun]. Utusan Borneo (id boros Malayu). 5 Mahas 2024. Pinoopi mantad sanḏad ontok 11 Magus 2024. Linoyog ontok 7 Magus 2024.
- ↑ "Sinakagon pertaruh legenda Huminodun". Daily Express (id boros Malayu). 12 Mahas 2024. Linoyog ontok 7 Magus 2024.
- ↑ "Sinakagon: Semangat Padi Tak Kan Lenyap" [Sinakagon: Sunduan Parai Au Tumagak]. 10 Star Cinemas (id boros Inggilis). Pinoopi mantad sanḏad ontok 10 Magus 2024. Linoyog ontok 10 Magus 2024.
- ↑ Kastum, Kay (2024-05-27). "Sinakagon - Legenda Huminodun". #ORANGSABAH. Linoyog ontok 2024-08-10.
- ↑ 5.0 5.1 "Filem berbahasa Dusun, 'Sinakagon' bakal ke pawagam 13 Jun ini". Bernama. 2024-05-17.
- ↑ Nawawi, Nikita (2024-06-13). "Timothy Stephen of Sinakagon Does Not Scare Easily". Grazia. Linoyog ontok 2024-08-10.