Sekolah Kebangsaan Tudan, Tuaran

Sikul Kabansaan Tudan toi ko' ngaran oniba nopo nga SK Tudan, nopo nga' iso sikul tosiriba id Kaban Surat 594.

Ontok di toun 2009, soginumu 29 tangaanak kusai om 34 tangaanak tondu id Sikul Kabansaan Tudan, poposiliu do ginumu nopo nga' 63 tulun. Sikul diti nogi nga' haro 8 tulun mongingia'.

Sajara

Sikul Kabansaan Tudan, Tuaran nopo nga' pinoimagon ontok di 4 Mikat 1970. Kohimaganan pongukaban nopo nga' pinaharo di boyoon Pangarah Palajalan Sabah ontok di 10 Gumas 1970. Antakan diri nopo nga' otutunan sabaagi do GPS Tudan miampai iso no bongunan di kiginayo 35’ x 20’. Bangunan diti nosiliu do linimput balajalan montok tangaanak toun koiso gisom toun koonom om tumanud tukuan pambalajalan antakan dii. Luguan Kampung, Gundohing Gokur Golintang antakan dii nopo nga' tulun di kitonggungan toponsol id suang do goos papaharo sikul diti. Iti nopo nga' kisabap do tangaanak id Kampung Tudan om posorili kampung diti nuru do mamanau lobi kurang 10 kilometer monikid tadau montok sumikul id NVS Poring. Minanahak nogi i Gundohing Gokur Golintang do kinoyonon montok popoingkakat do sikul diti.

Sikul nopo diti nga' winonsoi id Kampung Tudan miampai ginayo posorili 5 ekar. Poingiliu o sikul diti id labus kakadayan om poinsuang id watas Tuaran, sinodu nopo mantad kakadayan Tuaran nga' lobi kuang 138 km. Antakan di toun 1976, iso kaagu bangunan wagu om iso walai mongingia' pinoingkakat id kinooyonon di miinsomok do bangunan laid. Bangunan wagu dii nopo nga' kiginayo do 60’ x 28’ om haro duo linimput balajalan om iso linimput mongigia'. Ngaran GPS Tudan sinimbanan kumaa SRK. Tudan Ulu Tuaran tumanud koinlaaban sistom pondidikan timpu dii. Tangaanak ii poinsikul do hiti nopo nga' mantad tinaru Dusun ii nokorikot mantad piipiro kampung di osomok. Bangunan diti no ii gunoon do monikid tadau antakan dii.

Kakadayan di bobos osomok do sikul diti nopo nga' Tambunan om Donggongon. Hali pia miagal dii, tulun kampung nopo nga' lobi insaru tumomu id Donggongon, miampai maya do ralan solinaid 2 jaam momoguno do korita 4 bulandai.

Sanarai Luguan Sikul

Luguan sikul ii koumbal kinumalaja id sikul diti nopo nga':

1. Gundohing Nasir Jimmy

2. Gundohing William Golonu Gontoruk

3. Gundohing Raynerd Tanduba

4. Gundohing Saluman Gandal

5. Gundohing Jainal Lebar (1997 – 2000)

6. Gundohing Saribun Sambag (2000 – 2002)

7. Gundohing Watson Quintin (Mansak 2003 – 29 Mikat 2003)

8. Gundohing Sachi @ Saji B. Sono (Mikat 2005 - 2017)

9. Zandi Siti Hirawati Bte Abdul Hadi (2017-2021)

10. Zandi Lucy Jimoh (1 Manom 2021 - dinondo)

Gambar Sikul

• 
  Bangunan kumoduo SK. Tudan Tuaran
• 
  Bangunan kumoduo Sk. Tudan Tuaran
• 
  Bangunan wagu (linimput balajalan kabin)
• 
  Prasekolah SK.Tudan Tuaran
• 
  Linimput balajalan kabin

Alamat

Sekolah Kebangsaan Tudan

Peti Surat 594

89208, Tuaran

Sabah, Malaysia

Telefon = TIADA

Fax = TIADA

Popioput soliwan

• Sekolah Kebangsaan Tudan,