Sekolah Kebangsaan Maukab Ranau

Sekolah Kebangsaan Maukab Ranau nopo nga iso Sikul Kabansaan id Sk. Maukab, Ralan Randagong Himbaan, Ranau. Ontok di toun 2009, soginumu 29 tangaanak sikul do kusai om 36 o tondu poinsikul id Sk. Maukab. Ginumu koinsanai tangaanak nopo nga 65 tulun om soginumu 12 tulun mongingia.

Sajara

Sk. Maukab nopo nga tinimpuunan do pinoturidong ontok koimpunon toun 60-an miampai iso bongunan sikul i winonsoi mantad do poring om taap sinorut id Gusug, Maukab. Sikul diti nopo nga pinowonsoi mantad kopogiuhupan mogiigion kampung di manu kokito tangaanak diolo do sumikul poingoros do kinoyonon tu pogulu haro sikul id kampung Maukab, tangaanak id kampung Maukab om Sumalang nopo nga mamanau tumakad do nulu om kawaya bawang solinaid piipiro jaam kumaa id Sk. Randagong pikiikiro 10km sinodu. Koumatan pambalajalan nogi hiti nga okudi po ontok dii. Pintangaan 70-an, minomonsoi o porinta do iso sikul di wagu id Lolobuyon. Kinoyonon diti nopo nga id piintangan do Maukab om Sumalang. Kiharo duo bongunan di winonsoi ontok di koimpuunon om walai mongingia nopo nga winonsoi mantad do poring om kitaap do zing.

Sundung po tu do sikul diti kaanu monokodung okudi o tangaanak sabab do rahung geografi om woyo ralan di araat om kogumuan sukod wagu di pakaraja nga au poposikul do tangaanak hilo, nga sikul diti nakapaasil ogumu tangaanak di nakangalantoi id gana sosondii id sektor porinta toi swasta.