Sakura

Sakura
	Tusak sakura poungkalad id puun sakura bonsai i kiumul do 15 toun.
Scientific classification
Kingdom:	Tumbuhan
Division:	Magnoliophyta
Class:	Magnoliopsida
Order:	Rosales
Family:	Rosaceae
Subfamily:	Prunoideae
Genus:	Prunus
Spesies
	Prunus jamasakura; Prunus serrulata; Prunus × yedoensis

Sakura nopo nga ngaran id boros Jepun di gunoon kumaa puun-puun momiro ceri spesies Prunus serrulata. Tua' (ointutunan sabaagi sakuranbo) nokoimbulai mantad spesies puun di misuai. Suai ko iri, sakura nogi nga iso ngaran di asaru gunoon tongoulun Jepun.

Sajara

Sakura nopo iso susumuni di poinsandad id Banjaran Himalaya, Koibutan Bengal (dinondo Bangladesh) om id Kosilahon Asia miagal ko' China, Jepun om Kabaatan Korea. Haro mogiisuusuai kawo sakura id Jepun; om lobi ko 305 kawo di milo abantalan doid hilo. Kogumuan nopo dii nga nokopogirolot-rolot no miampai miampai tiriuan toi ko' piniiso do tulun Jepun hortikultur piipiro abad di nakatalib.

Karamayan Mogintong Tusak

Rancana utama: Hanami

Maamaso Timpu Heian (794 - 1911), tongoulun Jepun nopo nga kosoruan katanud ogumu koubasanan mantad China. Iso nopo mantad dii nga kaantakan sosial karamaian mogintong tusak (hanami: 花見), id hombo paganakan Maharaja, momolihiis, mononondig, om nogi bangsawan-bangsawan di suai nopo nga mogitiitimung om rumamai id sahau tusak sakura. Karamaian kumoiso di norikod nopo nga pinoindalan id Taman Shinsen-en Kyoto ontok toun 812. Id China, puun ume "plum" (kopiipio nopo nga spesies do puun aprikot) nopo nga asaru osiliu simbol do karayahan. Sundung do ingkaa, soira nokorikot id pintangaan abad kosiam, naalanan o puun plum dii do tusak sakura sabaagi spesies di korohian id Jepun.

Monikid toun, agensi Kajicuaca Jepun om tulun ginumuan mongilo isoiso ahal i roitan sabaagi sakura zensen miampai kumaa id kopulauan koibutan om korikatan do timpu talasu tumanud do pangagaan timpu totuong, tumanud so segmen-segmen cuaca mantad program borita. Koungkaladan do tusak diti mimpuun id Okinawa maamaso wulan Milatok om kumaa id Kyoto om Tokyo id kolimpupuson do wulan Gomot toi ko' kotimpuunon do wulan Ngiop. Potilombus, kumaa iti id altitud di lobi akawas, gisom korikot id Hokkaidō piipiro minggu kalapas di. Intangan kopio do tulun Jepun o pangagaan cuaca diti om mogitiitimung id tinimungan di tagayo id taman-taman, lobong om nogi kuil, miampai paganakan om nogi koombolutan montok papaharo karamayan mogintong do tusak. Karamayan-karamayan Hanami nopo nga montok popokito kolumison tusak sakura, om montok tulun suai nopo nga iso kosiwatan montok mundorong om mogintong do kopokitanan di. Koubasanan karamayan hanami nopo nga mantad po di piipiro abad nakatalib id Jepun: sajara abad kawalu, Nihon Shoki (日本書紀) minomorikud do koumbal pinoindalan o karamayan hanami mantad po di abad kotolu CE.

Kogumuan sikul id Jepun om bongunan awam nopo nga haro puun sakura i tinanom id posorili do kinoyonon diolo. Gama do toun fiskal om tumimpuun o sikul antakan do wulan Ngiop, kogumuan kinoyonon id Honshū, tadau kumoiso sumikul toi ko' kumaraja koindalan miandad do timpu sakura.