Posis
Posis nopo nga iso kawo mamalia omnivor i poimpasi id gouton tropika Asia om Afrika. Soboogian ginayo nopo nga mantad paganakan Viverridae. Tayam diti nopo nga iso kawo tayam di olias om orohian do lumisok. Kowowoyoo nopo nga kaagal do tingau nga agayogaayo mantad ko' tingau, anaru tikiu, om oboriga ontok doungotuong. Posis nopo nga tayam di kiraha alasu, mogkosusu tanak, manamong tanak om kihulu o tinan.
| Posis | |
|---|---|
| |
| Posis Afrika (Civettictis civetta) | |
Scientific classification
| |
| Domain: | Eukaryota |
| Kingdom: | Animalia |
| Phylum: | Chordata |
| Class: | Mammalia |
| Order: | Carnivora |
| Suborder: | Feliformia |
| Kohompit no genera | |
| |
| Suai ko' genera (Karnivor diti au roitan sabaagi posis maya tradisional)
| |
| |
Kawo posis
simbanai- Posis jebat (Viverra zibetha)
- Posis pulut (Common Palm Civet)
- Posis akar (Arctogalidia trivirgata)
- Posis hitam pudar (Hose's Palm Civet)
- Posis rasa (Viverricula indica)
- Posis tenggalung (Viverricula malaccensis)
- Posis luwak (Paradoxurus hermaphroditus)
- Posis galing (Paguma larvata)
- Posis insang (Prionodon linsang)
- Posis binturung (Arctictis binturong)
- Posis belang (Hemigalus derbyanus)
- Posis lamri (Paguma larvata}
Kowowoyoon
simbanaiPosis diti nopo nga poimpasi id gouton om somoonu sumuang id kokompungan montok mogihum do taakanon miagal ko' manuk. Haro piipiro posis di poimpasi id sawat do puun om momonsoi rumun id pialatan raan do kayu.
Oboriga o posis ontok doungotuong montok mogihum taakanon miagal ko' manuk, putik, om tayam di lobi okoro mantad ko' posis. Kawo posis pulut nopo nga oboriga ontok dangadau id gouton montok mogihum tua - ua'. Tayam diti nopo nga abaal om koilo mongindakod do puun.
Koinan - inano
simbanaiGinayo tinan do posis nopo nga 65cm gisom 80cm (au kohompit o tikiu) om winagat nopo nga id pialatan 3kg gisom 7kg songinan. Warana do posis nopo nga tumanud do kawo, nga' koubasanan nopo nga kiwarana sukulat om haro nogi i kitaris-taris.