Parai
Parai (Oryza sativa) nopo nga iso susumuni kilinsou di milo omoton montok manganu wagas di kosiliu takano soira tonokon. Takano nopo nga iso taakanon ruji montok kogumuan tulun id Asia, Amerika Latin om Caribbean. Pomutanaman parai nokotimpuun id piras bawang Yangtze id China ontok 13,500 gisom 8,200 toun nakatalib.
| Parai | |
|---|---|
_by_Augustus_Binu.jpg)
| |
| Mature seed heads | |
| |
| Inflorescence | |
Scientific classification 
| |
| Kingdom: | Plantae |
| Clade: | Tracheophytes |
| Clade: | Angiosperms |
| Clade: | Monocots |
| Clade: | Commelinids |
| Order: | Poales |
| Family: | Poaceae |
| Genus: | Oryza |
| Species: | O. sativa
|
| Binomial name | |
| Oryza sativa | |
| Synonyms[1] | |
|
List
| |
Id Malaysia, tinanom do parai momoguno duo laang iri no tu ranahon om nogi parai tidong. Parai id ranahon nopo nga laang momutanom di asaru gunoon tu manahak aasil di lobi ogumu. Parai di nokosuni id ranahon momoguno waig om baja di kabagal om nogi tonomon maya laang di oulud.
Etimologi
simbanaiHogot "padi" nopo nga naanu mantad gamut do Proto-Austronesia *pajay i kikomoyon di miagal. Hogot-hogot di kinontodon di miagal mantad do gamut diti nopo nga poinsuang id boros Amis panay; boros Tagalog paláy; boros Kadazan paai; bohos Jawa pari; om boros Chamorro faʻi.[2]
Hogot padi nga gunoon nogi do popointalang ula' tokoro isoiso kakamot miagal ko' cili padi om kuda padi,[3][4] rati misulak montok boros ula' diti nopo nga "godingan".
Woyo botani
simbanaiGuas parai nopo nga pointulid miampai 80-120 sentimeter o kinawas om akapal toi ko' amu. Roun dau nopo nga kibontuk do mato tandus miampai 15-30 sentimeter o ninaru.[5]
Linsou bibit
simbanaiHaro apat kawo linsou bibit parai ii nopo nga bibit baka, bibit asas, bibit poindopitor om bibit sah.[6]
Koonuan asas
simbanaiTanom do parai nuru kaanu babang do tadau, linasu om ginumu rasam (18-40 °C dan 1240 mm/toun) i kabagal om nuru id kinoyonon di poinlingkabung o waig.[7] Mantad dii, tana'-tana' kistruktur di alus miagal ko' lempung, lempung berkelodak, lom lempung toi ko' lempung kitogis nga kosudong. Woyo kimia tana' di oruak nopo nga pH (5.0-6.0), nitrogen (2-3%), fosforus (>40 ppm), kalium (>0.1 meq/100g), CEC (>20 meq/100g) om karbon organik (2-3%).
Kinoyonon pananaman
simbanaiParai ranahon Malaysia ogumu tinanom id Semenanjung Malaysia id Kotogisan Kotonobon loolobi no id boogian Koibutan.[8] Ahal diti adadi tu haro kinoyonon di kipalu i arantai om haro nogi iso timpu asagub miampai purata rasam sontoun kolobi do 3500 mm. Kosudangan diti nosubuanan po kawagu do haro timpu talasu di anaru.
Kointalangan haro parai id semenanjung diti nopo nga nokito id Gua Cha om Gua Harimau mantad Timpu Neolitik ontok 6,000 gisom 4,000 toun di pogulu. Sundung ingkaa ii nopo nga au po natantu do parai dii nopo nga tinanom, spesies tolias toi ko' noimport.[9]
Parai huma nopo nga parai sandad i tinanom id Malaysia pogulu do pinointutun o parai ranahon. Parai huma haro asil di osiriba om amu kopio osonong. Ahal diti ingkaa tu tinanom o parai huma momoguno do karalano' di laid om okuri kopomogunaan baja om mantad bibit di amu kopio osonong. Amu nogi tinamangan miampai osonong o parai dii om asaru araagan do serangga. Kogumuan kawo parai diti tinanom id Sabah om Sarawak, koubasan nopo nga tonomon do tulun sandad miagal ko' tulun Iban om Murut. Kounalan nopo parai huma nga amu momoguno waig di ogumu om milo tonomon id kinoyonon di aiso waig di polingkabung.
Binatang nopo nga gunoon do popitongkiad tana' tulun-tulun di momutanom parai. Koubasan nopo winonsoi o binatang diti mantad tana' sabaagi pongolig moi do amu ogumu kopio o rinantai waig id ranahon dii. Nung rinantai waig id ranahon kolobi do sandangau, apagon do mananom parai. Kolosod o tanak parai loolobi no aantakan do asapou rasam. Nuru do tamangan kasasari o rinantai waig id ranahon.
Tanom moden
simbanaiParai ranahon i tinanom id Malaysia dinondo nopo nga asil kacukan om ponoriukan di maganu timpu botoun-toun montok papaasil bibit parai di kimutu. Ponoriukan di winonsoi puru MARDI minonguhup do koburuon kawo parai i kaanu poposoliwan asil di lobi ogumu om haro daya tahan toruol di lobi akawas.
Parai i noproses no om noidu no kulit nopo nga wagas. Di pogulu, id kolimpupuson do timpu mongomot parai, parai di tinanom khas nopo nga silihon do emping parai sabaagi nansakan istimewa ponokotanda' do nopupusan no timpu mananom parai. Di pogulu, id kinoyonon kotogisan kosilahon, pohoroon o upacara puja pantai ontok kolimpupuson timpu mananom parai sabaagi iso karalano' do mongidu tudipon solianid timpu mananom parai di nakatalib. Suai ko' ii, mogiolon-olon i momuumutanom do kobolingkaangan, teknik om toilaan kokomoi do pananaman parai di noomot nogi, miagal do karamayan pomutanaman timpu dinondo
Haro duo karalano' mananom parai di gunoon, ii nopo nga mananom (transplanting) om pasasadon potilombus (direct seeding).
Pomilian bibit tanom
simbanaiUnsubon do momoguno linsou bibit sah i pinalabus do Jabatan Pomutanaman.[7] Montok nopo linsou bibit i pinalabus do momuumutanom, ii nopo nga pilion maya tapisan momoguno do waig tusi ginouran i kaanu popoimbulai iso tontolu manuk miampai ketumpatan bandingan dau nopo nga 1.08. Linsou bibit di otonob no gunoon sabaagi linsou bibit. Nuru pasasadon o linsou bibit kalapas opongo o karaja'-karaja' popotounda do tapak. Unsubon o kopomogunaan baja foliar pogulu do mongusak o parai.[10]
Momuhu asil
simbanaiNuru omoton o parai nung noonsok. Nung alaid do mongomot nga okuri asil taanu tu humaba o guas parai dii, ouyad nogi o linsou-linsou parai om araag. Koubasan nopo omoton o parai id timpu 35 tadau kalapas do 50% guas parai dii haro rawo-rawo parai.
Koubasan omoton o parai momoguno jentuai (combine harvester). Kalapas dii uyadon o linsou-linsou parai miampai papalapos rawo-rawo dau id suang tung poloposon. Id kinoyonon pananaman parai di okoro no omoton o parai momoguno katam parai. Haro nogi misin-misin pongomot di ogonop i lobi okoro om aga'an, ii nopo nga mini combine i milo mongomot, papalapos om momolidang do asil parai do insan-insan nga ii kaanu mongomot 1/3 ekar parai sanjaam.
Galeri
simbanai-
Ranahon i sumilau no id Perak, Malaysia -
-
Oryza sativa - spesimen muzium -
Parai i sumilau -
Bonging om parai -
Parai di momuonsi nogi -
Parai di notongusan -
Panaroma ranahon Langkawi, Kedah, Malaysia.
Sukuon
simbanai- ↑ "Oryza sativa L." Plants of the World Online. Board of Trustees of the Royal Botanic Gardens, Kew. 2017. Linoyog ontok Momuhau 21, 2020.
- ↑ Blust, Robert; Trussel, Stephen (2010). "*pajay — rice in the field; rice plant". Austronesian Comparative Dictionary. Linoyog ontok Mansak 25, 2022.
- ↑ "padi". Kamus Dewan (ke-4 ed.). Dewan Bahasa dan Pustaka Malaysia. 2017.
- ↑ Wilkinson, Richard James (1932). "padi". A Malay-English dictionary (romanised). Vol. II. Mytilini, Yunani: Salavopoulos & Kinderlis. p. 192-193 – via TROVE, Perpustakaan Negara Australia.
- ↑ Catindig, J.L.A.; Lubigan, R.T.; Johnson, D. (n.d.). "Oryza sativa". Rice Knowledge Bank. Institut Penyelidikan Padi Antarabangsa. Linoyog ontok Magus 11, 2023.
- ↑ Manual Pengeluaran Biji Benih Padi. Institut Penyelidikan dan Kemajuan Pertanian Malaysia Kementerian Pertanian Malaysia. 2002. p. 7. ISBN 967-936-424-0.
- ↑ 7.0 7.1 Admin, Editor2 (Gomot 24, 2010). "PENANAMAN PADI DI MALAYSIA". Jabatan Pertanian Negeri Perak (Perak State Agriculture Department). Linoyog ontok Magus 17, 2011.
{{cite news}}:|first=has generic name (help)[noputan di napatai sogigisom] - ↑ We’re in need of a padi cure. The Star. Capaian 30 Mac 2012.
- ↑ Austronesian Diaspora and the Ethnogeneses of People in Indonesian ... edited by Truman Simanjuntak, Ingrid Harriet Eileen Pojoh, Muhamad Hisyam
- ↑ Produk Baru UPM Mampu Hasilkan Padi Bermutu Tinggi. BERNAMA. Capaian 2 April 2012.