PUBG

PUBG toiko ngaran ososok (PlayerUnknown's Battlegrounds) nopo nga iso pomoinan battle royale id suang piromutan i tinuridong di PUBG Corporation (baino oilaan sabaagi do Krafton), tanak komponi do komponi pomoinan vidiu Korea Kabataan Bluehole. Pomoinan diti poingimpou maya mod i pogolu winonsoi di Brendan "PlayerUnknown" Greene montok do pomoinan suai i ponoguas mantad filom Jepun Battle Royal ontok toun 2000 om nokoimogot sumiliu iso pomoinan mandiri id siriba tisuhu Kreatif Greene. Id suang do pomoinan diri, lobi do hatus mamamain tumindak id iso pulou om mogihum sanjata om bakalang montok do mamatai tulun suai. Tulun toiko tinimungan di nasalamat mantad blue zone toiko nakaanu minonimbak oinsanan mamamain id suang pomoinan di nga kaanu do "winner winner chicken dinner" (nakalantoi). Kumoinsan pinokuhus iti PUBG montok do Microsoft windows maya do program beta akses awal Steam ontok do gomot 2017 miampai rilis poimponu id momuhau 2017. Minaan nogi di Microsoft Studios posoliwano iti pomoinan montok do Xbox one maya do program Xbox Game Preview id wulan di miampai rasmi id manom 2018. PUBG Mobile, versi pomoinan montok do iOS om Android pinosoliwan ontok toun 2018 sabaagi tambahan kumaa port montok do PlayStation 4. Minaan posoliwano o versi montok platform streaming Stadio ontok ngiop 2020 om nokosiliu iso pomoinan vidiu bobos do alaku tu ogumu i minamain iti pomoinan. Nokojual iti pomoinan lobi 70 juta id komputer poribadi om konsol pomoinan ontok toun 2020. Soginumu 1 billion mamadownload o pomoinan PUBG diti ontok gomot 2021 om nakaanu lobi $ 4.3 bilion id telipun ontok momuhau 2020. Nakaanu iti pomoinan tisuli positif mantad tulun ginumuan tu mulong po do kiwaa o piipiro koluhuyon id teknikal nga kiwaa o taang kabaalan i ouhan maan pomoino montok mamamain wagu. Nakaanu o pomoinaan diti gaa "Pencalonan Game of The Year".