Nur Amalina Che Bakri

Dr. Nur Amalina Che Bakri (nosusu ontok 7 Momuhau 1987, Kota Bharu) nopo nga tanak koiso' no kumaa di Sabariah Hassan, songulun Luguan Sikul id Taang Takawas om tapa dau i Che Bakri, songulun injinior id DBKL. Nur Amalina Che Bakri nogi nga nointutunan do tongotulun tu nakaanu koutusan di abantug montok poniisan Sijil Pelajaran Malaysia antakan toun 2004, iri no tu nakaanu soginumu 17A1. Suai po, nakaanu nogi isido do A1 montok koinsanan 17 mato balajalan, iri no tu Boros Melayu, Boros Inggeris, Sajara, Matematik Moden, Biologi, Kimia, Fizik, Ekonomi Asas, Perdagangan, Prinsip Akaun, Sains Teras, Pondidikan Seni, Tasawur Islam, Kesusasteraan Melayu, Boros Inggeris Teknologi, Pondidikan Islam om Matematik Tambahan. Mantad di, nokosiliu yau do mokiikinobos di nakaanu A di togumu antakan toun dii. Baino nopo, poinkalaja isido sabaagi do dokutul bedah id lamin pongusapan do London.

Dr. Nur Amalina Che Bakri
Kinosusuon	Nur Amalina binti Che Bakri (1987-12-07) Momuhau 7, 1987 Kota Bharu, Kelantan, Malaysia
Sinikulan	Universiti Edinburgh, Universiti Cambridge, Imperial College London
Kalaja	Doktor perubatan Doktor bedah
Sawo	Alexander Charles ​ (m. 2021)​
Tanak	Arabella Mia

Koposion Pogulu

Nur Amalina Che Bakri id nosusu ontok 7 Momuhau 1987, Kota Bharu nopo nga tanak koiso' no kumaa di Sabariah Hassan, songulun Luguan Sikul id Taang Takawas om tapa dau i Che Bakri, songulun injinior id DBKL. Suai ko iri, isido nopo diti nga poingion om guminayo id Johor Bahru. Sinikulan kolimpuunon nopo disido nga hilo id Tadika Farley's Kota Bharu om kopotilombus id Sikul Tosiriba Kabansaan Zainab 1, Kota Bharu (Taang 1). Montok sikul taang 2 gisom 4 nopo nga poinsikul isido id Sikul Kabansaan Taman Suria, Johor Bharu om minundaliu kumaa id Sikul Kabansaan Taman Daya, Johor Bharu montok monilombus sinikulan id taang 5 om id Sikul Kabansaan Ulu Tiram id taang 6.

Sumusuhut, soira nopo nokosuang isido id Sikul Taang Takawas, iri no tu id taang 1 gisom 5 nga nokoumbal nogi isido do minaganu tonggungan sabaagi do kumoduwo ponorikohon montok Kelab Bimbing om Kaunseling, monuunuat montok pitimungan St. John Ambulans, kumoduwo ponorikohon montok Kelab Pencegahan Jenayah om sabaagi nogi ponorikohon do tinimungan badminton id sinikulan disido di. Suai ko iri, insaru nogi isido do moi woyo do pialan-pialan id maan poindalano' id sikul dau miagal ko sayembara puisi, monondig, roisol, syarahan, manangon, kuiz om momohiis id doung' Malayu. Okon ko iri no, nokoumbal nogi isido do nakaanu do pangarait sabaagi Lundu Nilam id taang do Kabansaan antakan toun 2004 om nakalantoi nogi id pialaan do roisol Permodalan Nasional Berhad.

Pondidikan Potilombus om Kalaja

Antakan wulan Madas 2013, nopongo disido o' sinikulan dau hilo id Univositi Edinburgh om minongoput koimbagu sinikulan id gana Master of Philosophy (MPhil) in Translational Medicine and Therapeutics (TMAT) id Universiti Cambridge. Suai po, Nur Amalina nogi diti nga minonimbaba pisingubasan sabaagi do dokutul wagu id Lamin Pongusapan Univositi Cambridge solinaid do 2 toun pogulu do kotimbaba pisingubasan sabaagi songulun dokutul aba'al id gana do pembedahan. Nakaawi isido do suminikul miampai Ijazah Sarjana Kalas Koiso antakan di pintangaan toun 2015.

Sumusuhut, kalapas nakaawi isido do suminikul id Univositi Cambridge nga tuminilombus kaagu yau suminikul id Imperial College London antakan Magus 2015 moi do' kosiliu sabaagi dokutul aba'al id gana pembedahan kopiipio om minaganu nogi isido do felo akademik klinikal id siriba do NHS Healthcare Trust. Suai po, Nur Amalina nogi diti nga nokoumbal nakaanu do gaa Darzi Academic Cliniccal Research Fellowship mantad di Imperial College London. Nondo nopo nga minanganu isido do PhD id gana do pongusapan id Imperial College London miampai koponguhupan mantad Imperial College om nogi National Institute Health Research (NIHR) id United Kingdom (UK) da'amot poingkalaja yau id lamin pongusapan di abantug hilo id London.

Koposion sondii

Balajar isido maya televisyen om intone. orohian isido do program-program televisyen di okito do realiti miagal ko siri Fear Factor, The Apprentice, Natonal Geographic om Discovery Channel. Koingkaa tu orohian isido do ahal di sa'pon om osili ii sabaagi totonudon disido.