Nulu Komaki
Nulu Komaki (小牧山, Komakiyama) nopo nga nulu di 86 m o kinawas (282 ka) i poinladsong id kakadayan Komaki, Prefektur Aichi, Jepun. Ontok iso timpu, nulu dii nopo nga haro Istana Komakiyama di mantad, i winonsoi di Oda Nobunaga.[1] Guas dau nopo nga poinwalad osomok do 600 m (1,969 ka) mantad kosilahon kumaa kotonobon, om 400 m (1,312 ka) mantad koibutan kumaa kabaatan, i pointongkop do kinoyonon kiginayo lobi kurang 21 he (52 ekar). Nulu dii dinondo nopo nga nosiliu do taman kisajara, i kiharo do mogisuusuai tinuhan do istana kaampai no torobong waig om tolig watu,[2] suai ko' artifak i haro ontok timpu laid di lobi osodu. Sundung do nointutunan miampai puun sakura, boogian koibutan do nulu dii nopo nga walai kumaa ogumu puun Machilus thunbergii. Iti nopo nga iso-iso no kinoyonon hilo hinonggo nokosuni o puun-puun diti maya semula jadi. Kolobusan kawagu Istana Komakiyama nopo nga winonsoi ontok toun 1967 om pinoiyanan do Muzium Sajara Kakadayan Komaki.
| Mount Komaki | |
|---|---|
| 小牧山 | |
 Nulu Komaki | |
| Titik bobos akawas | |
| Kinawas | 85.9 m (282 ft) |
| Geografi | |
| Lokasi | Komaki, Aichi, Japan |
| Takadon | |
| Wayaan bobos ouhan | tumakad |
| Istana Komakiyama | |
|---|---|
小牧山城 | |
| Komaki, Aichi, Japan | |
 donjon palsu Istana Komakiyama | |
| Koordinat | 35°17′33″N 136°54′49″E / 35.29250°N 136.91361°E |
| Kawo | woyo yamashiro, istana Jepun |
| Kopoilaan kinoyonon | |
| Tinamong di | Oda Nobunaga, Tokugawa Ieyasu |
| Status | Notuhan; tolig karaja tana' om tangkad narasak po noolu |
| Sajara kinoyonon | |
| Winonsoi ontok | 1563 |
| Winonsoi di | Oda Nobunaga |
Istana Komakiyama
simbanaiIstana Komakiyama (小牧山城, Komakiyama-jō) nopo nga istana Jepun woyo yamashiro timpu Sengoku i poinladsong id kinoyonon i dinondo nokosiliu soboogian mantad do kakadayan Komaki, Prefektur Aichi. Ii nopo nga winonsoi di panglima sangod Oda Nobunaga montok popouhan do monolod Wilayah Mino, om sumusuhut ginuno kawagu di Tokugawa Ieyasu id suang tinggisaman dau montok hegemoni kumaa Toyotomi Hideyoshi. Notinoligan o tinuhan dau sabaagi Kinoyonon Kisajara Pogun mantad po 1927.[3]
Kointutunan
simbanaiPoinladsong o Istana Komakiyama id Nulu Komaki, iso nulu kikinawas 86 m (282 ka) i poinpisuk id taatanga' do Dataran Nōbi id tanga' Wilayah Owari. Lokasi dau di poinpisuk kikomoyon do istana dii nopo nga haro kokikitanan di osonong mantad oinsanan arah. Istana diti mantad do teres di ogumu id lereng nulu di otidong, tinoligan do tolig watu om tangkad di otuu, miampai bailey suang id tompok, pinonobat do tenshu.[4]
Sajara
simbanaiKalapas minangala i Oda Nobunaga di Imagawa Yoshimoto id suang Pisangadan Okehazama ontok toun 1560, minonoronong do pialatan kosilahon dau, pinoundaliu dau o pongimurian dau kumaa panaladan Wilayah Mino id koibutan. Minomonsoi isio iso istana id Nulu Komaki ontok toun 1563 sabaagi longkod operasi dau tu minsomok do kinoyonon tanga' om kosilahon Mino. Nakalantoi i Nobunaga do minaganu Mino ontok toun 1567 om pinoundaliu o tirikohon dau kumaa id Istana Inabayama (Kastil Gifu timpu dumontol) ontok toun 1567 om sumusuhut pinoundaliu dau o pongimurian kumaa panaladan wilayah Kansai kumaa kotonobon, minongiduan do Istana Komakiyama.
Kalapas do pamatayan di Nobunaga ontok toun 1582, koimbulai o konflik di Oda Nobukatsu om jeneral nointutunan i Toyotomi Hideyoshi. Miiso i Nobukatsu miampai di Tokugawa Ieyasu om minonolod do Wilayah Owari, om i Hideyoshi nopo mongigit do Wilayah Mino. Suminoborong i Jeneral Hideyoshi, Ikeda Tsuneoki do Bawang Kiso om minogigion id Istana Inuyama. Montok sumaap do laang diti, poingion om pinoburu di Tokugawa Ieyasu o Istana Komakiyama i kusung. Misangod o goduduo puru dii id suang siri pisangadan i soboogian ginayo amu milo pootuson om ointutunan maya kolektif sabaagi Pisangadan Komaki om Nagakute. Nopupusan o koborulangan dii soira tuminuku i Ieyasu kumaa dii Hideyoshi, om mantad dii kuminaa isio id Wilayah Mikawa, om insan po kawagu noiduanan o Istana Komakiyama.
Ontok timpu Edo, nokoguli o Wilayah Owari id siriba do klan Tokugawa, om pinotimporon do Domain Owari o Istana Komakiyama sabaagi kubu sekunder i gunoon id suang kaganggarahan, tu pinotimporon o bontuk sandad kubu dii. Ontok timpu ponondulian Meiji, norumbak o soboogian ginayo do kubu-kubu diti. Pinotoluod di paganakan Tokugawa o kinoyonon diti kumaa karajaan tampatan ontok toun 1930 om nokosiliu iso taman. Winonsoi kawagu o Tenshu palsu id tompok ontok toun 1967 om pinosimban ontok toun 2006. Pinomodel o bongunan dii tumanud do Pavilion Hiunkaku kuil Nishi Hongan-ji id Kyoto om mantad dii ii nopo nga okon ko' kapamansayan kawagu di kotunud mantad aspek sajara. Ii nopo nga pinoiyanan do Muzium Sajara Kakadayan Komaki miampai poomitanan do perisai samurai, gayang Jepun om senjata api timpuunon, jubin taap om artifak suai i nokito maamaso pongukadan id kinoyonon istana dii.
Sinodu nopo kinoyonon diti nga 20 minit do mamanau mantad Stesen Komaki Meitetsu Komaki Line.
Sukuon
simbanai- ↑ "Mt. Komaki: Chubu Wide-area Tourism Portal Site". Chubu Wide-Area Tourism Promotion Council. Pinoopi mantad sand̠ad ontok 2009-02-09. Linoyog ontok 2007-10-28.
- ↑ "Mt. Komaki: Chubu Wide-area Tourism Portal Site". Chubu Wide-Area Tourism Promotion Council. Pinoopi mantad sand̠ad ontok 2009-02-09. Linoyog ontok 2007-10-28.
- ↑ "小牧山". Cultural Heritage Online (id boros Japanese). Agency for Cultural Affairs. Linoyog ontok 25 Manom 2018.
{{cite web}}: CS1 maint: unrecognized language (link) - ↑ "Mt. Komaki: Chubu Wide-area Tourism Portal Site". Chubu Wide-Area Tourism Promotion Council. Pinoopi mantad sand̠ad ontok 2009-02-09. Linoyog ontok 2007-10-28.