Nik Safiah Karim

Nik Safiah binti Nik Abdul Karim nopo nga lundu boros i aparagat do poburu boros Malayu. Amu milo olimon o kolisihon disido gisom do nosiliu isido do songulun i pantangon om nosiliu sabaagi omiimitanan sukod wagu id institusi ponginabasan takawas i minaganu balajalan id gana linguistik om sastera. Suai ko popoburu do gana linguistik, aparagat nogi isido do popoburu ningkokoton om koumoligan koonduan.

Kopointutunan

Professor Emeritus Datuk Dr. Nik Safiah Karim nopo nga nosusu ontok 17 Disember 1939 id Kampong Banggol, Kota Bharu, Kelantan)

Tinumimpuun isido do sinumikul hilo id Sikul Tosiriba Koonduan Inggilis Kota Bahru (baino Sikul Tosiriba' Zainab). Pinotilombus disido o sinikulan dau hilo id Maktab Perempuan Melayu, Jalan Damansara, Kuala Lumpur (baino nointutunan sabaagi Kolej Tunku Kurshiah, Seremban). Kalapas po di, noputan kawagu disido o sikul dau hilo id St. Francis Institution, Melaka gisom nakalantoi om om nakaanu Higher School Certificate di toun 1959. Nakaanu isido do Ijazah Sarjana Muda Sastera (Narayou) id gana Linguistik ontok di toun 1965 hilo id Universiti Malaya. Ontok di toun 1975, nakaanu isido do ijazah Doktor Falsafah id gana Linguistik mantad Ohio University, USA.

Kerjaya akademik nopo disido nga nokoimpuun mantad do kinoonuan dau sabaagi tutor id Jabatan Pengajian Melayu, Universiti Malaya di toun 1963. Solinaid disido do pakalaja, nokoigit isido do piipiro pangkat miagal ko lungkitas, Professor madya om Professor Pengajian Melayu.

Jasa nopo disido nga okito mantad id piipiro jawatan i noigitan dau miagal ko Dekan Fakulti Sastera om Sains Sosial i induo dau noigitan mantad toun 1982 gisom toun1983 toun 1992 gisom toun1994 , Luguan Jabatan Pengajian Melayu mantad toun 1984 gisom toun 1986 om Popotunud Akademi Pengajian Melayu di kumoinsan mantad toun 1990 gisom 1992.

Daamot dii, mantad toun 1989 gisom toun 1990, pinaalasan isido kumaa Dewan Bahasa dan Pustaka sabagi do Timbang Woyoon Popotuduk. Hiti no isido do minggoos popoburu boros Malayu id pogun om id pointongkop pomogunan. Okito iti mantad do kinopomojodian disido sabaagi Lembaga Pengelola Dewan Bahasa dan Pustaka dan Ahli Jawantankuasa Tetap Bahasa Melayu (JKTBM) sabaagi lansanon pogun Malaysia id pitimbungakan Majlis Bahasa Melayu Brunei Darussalam, Indonesia dan Malaysia (MABBIM). Suai ko iri, nolohou nogi isido id Majlis Antarabangsa Bahasa Melayu (MABM) sabaagi puru oponsol.

Kabaalan disido inoposiliu disido sabaagi susukuon om lundu boros i insaru lohowon id kaantakan i karait do boros. Nokoumbal nogi isido do monompuan kumaa Kementerian Pelajaran Singapura om Kementerian Pelajaran Brunei Darussalam.

Bibliografi

1. Panorama Bahasa Melayu Sepanjang Zaman :Universiti Malaya Publication, 2010.
2. Tatabahasa Dewan DBP , 2008.
3. Tan Sri Fatimah : potret seorang pemimpin / Nik Safiah Karim, Rokiah Talib
4. Malay grammar for academics and professionals ; DBP, 1995.
5. Women in Malaysia / (editor), Hing Ai Yun, Nik Safiah Karim, Rokiah Talib.: Pelanduk Publications, 1984.
6. Bahasa Melayu : teori dan aplikasinya / (Editor) Nik Safiah Karim. : Sarjana Enterprise, 1980.