Muzium Polis Diraja Malaysia

Muzium Polis Diraja Malaysia

Muzium Polis Diraja Malaysia
Established	1958 (original building) July 1998 (current building)
Location	Kuala Lumpur, Malaysia
Type	Muzium

Muzium Polis Diraja Malaysia nopo nga muzium di popokito do sajara Polis Diraja Malaysia, poinladsong id Kuala Lumpur, Malaysia. Muzium diti nopo nga kohompit no popokito do sajara Polis Diraja Malaysia id kotimpuunon po, id siriba do pomorintaan do kolonial British mantad di toun 1970-an. Ukaban iti monikid tadau, suai ko' tadau Tontolu, mantad jaam 10.00 kosuabon gisom jaam 6.00 sosodopon, om au minog do mambayar soira sumuang.

Sajara kapamansayan

Muzium Polis Diraja Malaysia i pointopot kopio nopo nga mantad kayu om winonsoi di 1958 id siriba do pongintangan do Longkod Pinludaan Pulis (PULAPOL), i Superintendent P.B. Gerry Waller. Koleksi di bobos pogulu posolimbahon nopo nga kakamot pangajalan mantad Longkod Pinludaan Pulis. Nokohimagon o Muzium Polis Diraja Malaysia di 9 Milatok 1961 di Seri Paduka Baginda Yang di-Pertuan Agong Ko-3 Tuanku Syed Putra.

Montok poporumpos do ginumu artifak di minggumu, pinoposogu i Luguan Pulis Pogun, i Tan Sri Mohammed Hanif Omar, montok popoundaliu muzium dii kumaa kinoyonon wagu id Kuala Lumpur antakan di 16 Gumas 1983. Pamansayan kawagu kinoyonon dii nopo nga nokotimpuun di 18 Mansak 1993 om nopongo kalapas apat toun, miampai kos soginumu 4.9 riong ringgit montok reka bontuk suang. Monguunguhup Luguan Montiri maamaso dii, i Dato' Seri Abdullah Ahmad Badawi pinopohimagon do pongukaban tagayo do kinoyonon muzium wagu di Mada 1998.

Kopokitanan

Muzium Polis Diraja Malaysia nopo nga abaagi kumaa tolu galeri kipimato.

Galeri A

Galeri diti nopo nga popotolinahas poingkuro o kopulisan do koumbal gunoon maamaso timpu Kesultanan Melayu tosopung, poomitanan nopo nga Temenggung i popoindalan do tonggungan sabaagi luguan pulis om ponguasa panjara.

Soira maya ko id replikas ralan laid Melaka, kopinsingilo ko kokomoi do kopulisan maamaso timpu panaladan Portugis om Belanda, pogulu nokorikot o timpu British i nontodon do Muzium Diraja Polis Malaysia timpu baino.

Galeri B

Galeri diti nopo nga manahak kopoilaan di lobi aralom kokomoi poingkuro o pulis maamaso Tanah Melayu om Negeri-Negeri Selat (Pulau Pinang, Melaka, Singapura), Negeri-Negeri Melayu Bersekutu (Selangor, Perak, Pahang, Negeri Sembilan), Negeri-Negeri Melayu Tidak Bersekutu (Kedah, Perlis, Kelantan, Terengganu), Sabah om Sarawak.

Galeri C

Galeri diti nopo nga papahangkum do koligaganan Malaya om popotolinahas do rundun sumaap do CT om kalantayon do rapang Poimbida pulis, lobi-lobi po id suang do monguhup mangala do panakasangod.

Padsakayan

Muzium diti nopo nga milo rikoton maya mamanau kumaa ponong kotonobon stesen koritapui Kuala Lumpur.

Intangai nogi

• Katayadan do muzium id Malaysia

Sastara

• Lenzi, Iola (2004). Museums of Southeast Asia. Singapore: Archipelago Press. pp. 200 pages. ISBN 981-4068-96-9.

Kinoyonon

Royal Malaysian Police Museum,5 Jalan Perdana, 50480 Kuala Lumpur

Noputan labus

• Museums in Malaysia | Royal Malaysian Police Museum