Lembangan Maliau

Lembangan Maliau nopo nga poinsumpak id topis do Bawang Maliau om Bawang Kinabatangan id pogun Sabah. Bawang Maliau nopo nga tanak bawang do Kinabatangan, bawang di kumoduo anaru id Malaysia kalapas do Bawang Rajang.

Lembangan diti nopo nga iso ko' mantad kinoyonon semula jadi i kakal po amu oilaan (misteri) gisom do baino. Poingwolit do piras di ogingo om kororosi o lembangan diti. Kibontuk do oruhai no ourod o lembangan diti nung okito mantad sawat om poinghakup do kinoyonon talun sandad soginayo 390km pasagi.

Lembangan diti haro o ekosistem dau sondii, amu po insan noiyon miampai pointatap om haro nogi kinoyonon di alaab montok tinganaion om dokumentasian. Tumanud toud ysnet.org, ototongkop do lembangan diti nopo nga kinoyonon turukan do waig i pinoluyung do iso bawang no, ii nopo nga bawang Maliau i lumuyung sumoliwan kumaa pirason id ponongsiba kosilahon do lembangan, kopiruba do bawang Kuamut om tohuri nopo nga bawang Kinabatangan, ralan waig di bobos agayo om oponsol id Sabah.