Lembangan Maliau

 

Lembangan Maliau poingiliu id topis Baang Maliau om baang Kinabatangan id pogun Sabah. Baang Maliau nopo nga tanak baang Kinabatangan, Baang koduo tanaru id pogun Malaysia, alapas Baang Rajang.

Lembangan diti nopo nga iso kinoyonon poinsandad i kakal po sabaagi iso misteri gisom do baabaino. Iti id piilitan do nagas di oginggo om kororosi. Lembangan it kibontuk doos tobulugu milo do okito mantad sawat. Iti kaakup do kinoyonon talun sandad di soginayo 390km pasagi.

Iti kiharo ekosistem sondii, amu po koumbal noiyon do atatap om haro kinoyonon di noolu montok ukabon om podokumontosion. Tumanud kowonuan ysnet.org, koinsanai lembangan diti nga kinoyonon pana'anan waig mintootoiso di alaab, i pinoluyung do iso no baang it roitan Baang Maliau di lumuyung sumolian mantad nagas id tanga'a lembangan, pirubaan do baang Kuamut om id kolimpupuson dau id Baang Kinabatangan, ralan waig di tagayo om toponsol id pogun Sabah.