Kulam Waig Talasu Poring

Poring nopo nga iso resort montok tutumombului id Sabah, Malaysia. Poinladsong id 40 km id kabaatan kotonobon do Upis Taman Pogun Kinabalu id watas do Ranau,^[1] Poinladsong o Poring id talun rasam tana tosiriba, misuai miampai talun rasan konuluhan om submontane di Taman Pogun Kinabalu. Ngaran do Poring nopo nga naanu mantad hogot Kadazandusun montok kawo do poring i haro id kinoyonon diri.

Poring nopo nga otutunan kopio montok kulam waig talasu om nogi kinoyonon rekreasi di otutunan kopio om ririkoton do tutumombului i roiton sabaagi Kulam Waig Talasu Poring.^[1] Kulam waig talasu dii nopo nga otutunan montok do teraputik om wiag i kiroromu do mineral sulfur , i otutunan kopio montok mongingkuri do oruol o otot. Kinoyonon ponsuon di korohian kopio do tutumakad Nulu Kinabalu di nokoguli.

Kowoowoyoon

Taman kolibambang: Taman kolibambang kumoiso id Borneo i haro taman, tapak ponginggumuan om pangansaan montok tudu ponoriukan, pondidikan om ponondulian do spesies kolibambang di oruhai no opunso.
Pusat Pemuliharaan Orkid Poring: Miampai 1,200 spesies okid i nabantalan id Taman Kinabalu, longkod diti kiwaa koleksi bobos tagayo do okid endemik id Sabah.
Wasai Kipungit: Wasai Kipungit i poinladsong lobi kuang 30 minit pamanahon mantad Kulam Wiag Talasu Poring. Okoro o wasai diti manta do Wasai Laganan, i lobi kuang 90 minit pamanahom mantad Kulam Waig Talasu Poring.
Taman Tropika: Palanuk om tambang suai nopo nga pokitonon miampai tombolog di mogikaakawo warana id kukurungan do tombolog.

View of the Pamanahon kanopi id Kulam Waig Talasu Poring, Sabah, Malaysia

Pamanahon Kanopi Poring: Tutumombului nogi nga milo mimpanau id taatanga do kanopi puun kayu Manggaris - Raja talun. Wayaan do mamanau nopo nga soninaru 157.8 meter om miampai kinawas do 41 meter.
Odopon: Kulam Waig Talasu Poring nogi nga popotounda do todopon i tamangan do Taman Sabah id siriba do Kinabalu Nature Resorts miampai ponginsamakan di minimalis. Mantad dii, panamangan nopo nga sinolianan do Sutera Sanctuary Lodges, i pinopoburu do koumatan todopon do hilo, nga id aspek suai, pinopoingkawas do gatang lobi-lobi po kinoyonon todopon di noinsanangan no.^{[minog do kisukuon]}

Sukuon

↑ ^1.0 ^1.1 Jalans, Kaki (20 April 2021). "Poring Hot Spring: a dip and trip with Mother Nature". Free Malaysia Today. Linoyog ontok 24 July 2022.

Noputan labus

"Malaysia" is an invalid category parameter for Template:Coord missing.
The problem is usually caused either by a spelling mistake or by an-over-precise category.
For a full list of categories, see Category:Unclassified articles missing geocoordinate data and its subcategories.

[:0-1] 1.0 ^1.1 Jalans, Kaki (20 April 2021). "Poring Hot Spring: a dip and trip with Mother Nature". Free Malaysia Today. Linoyog ontok 24 July 2022.

[1]