Komborilan

Komborilan nopo nga susumuni mantad tinimungan Oxalidaceae mantad id Asia Tenggara Spiesis diti nopo nga paapasil do tua kipasagi i milo akanon om ogumu pojualon id badi poinsuang no badi kinotuan.Tua’ diti nopo nga kiwarana do otomou om osilou. Soira do pudungon, kokitaan nopo do bontuk nga kaagal do rombituon limo pasagi.

Pomutanaman

Pomutanaman nopo do komborilan nga poindalanon tumanud Amalan Pertanian Baik (APB) i poinhanggum do mogisusuai aspek mantad timpuunon momutanom gisom manganu asil. Linsou tanom di osonong pinotumboyo mantad do mogisusuai aspek mantad varieti toi klon B10 sabaai puun toponsol om pogisosowolionon miampai klon B2 sabaagi klon pomitusakan. Pomutanaman klon pomitusakan milo tonomon potitikid 5 borisan B10 miampai poimbaris do B2 toi nosorili do piipiro puun B2. Ontok timpu babaino, ponsolon do popiomungon o klon B2 id potitikid puun B10 toi klon B17(klon komersial) maamaso kiumul 5-8 toun. Koubasanan dumo miagal ko sistom waig om panamangan momiraag miagal ko panamangan gouton poindalanon tumanud Pakej Amalan Teknologi Tanaman Belimbing. Gunoon o Baja NPK 15:15:15 alapas do momurining suhutonon do baja NPK 16:16:16 montok mongunsub pomitusakan. Kogumuan tulun di momutanom do komborilan id pogun Malaysia nopo nga momoguno baja ‘Yara Mila’ tu osonong o bagas sundung potuu do apagon o gatang. Oponsol nogi momoguno tai manuk soginumu sangkarung montok sompuun komborilan monikid toun.

Kapamalapatan komborilan

Komborilan nopo nga kiharo kulit di akapal om korohian do pondolong kouaan (Bactocera carambolae). Pondolong mantad spiesis Daucus sp. nogi nga insaru okito. Komborilan nopo nga minog do lopoton montok monolibamban pondolong kouaan mooi do osonong om milo pojualon eksport toi domestik. Tua’ komborilan nopo nga minog do pilion mantad tua’ di alahis, aiso araat om olundus pogulu lopoton. Potitikid tusak nopo nga kiharo 5-15 tusak tua i kinaru 1-2 cm om oloho soira kagayo. Koinsanai nopo tusak nga iduon om poolu po do iso tusak i kininaru 4-5cm montok lopoton. Pinopokito ponoriukan do tusak i kiumul do 2 minggu minog do lopoton om pilion pogulu orikatan do pondolong kouaan. Ogumu o tusak di sumuni id guas toi raan toponsol nga au minog do lopoton tu alaid do momolopot gama tinggayan di oniba om somoonu nopo nga ongoputut. Puun komborilan di nabaja kaanu poposoliwan do ogumu tusak.