Khadijah Hashim

Khadijah Hashim
Khadijah Hashim
Native name	خديجة هاشم
Born	20 Ngiop 1942; Batu Pahat, Johor, Malaysia
Pakalajaan	Monunuat
Nationality	Malaysia
Genre	novel, poetry, rhymes

Khadijah Hashim (nosusu ontok 20 Ngiop 1942 id Batu Pahat, Johor, Malaysia) nopo nga songulun novelis, monunuat suniba, momomonsoi sudawil om momomohiis. Koumbal isido kumaraja sabaagi songulun mongingia' om monunuat suat abal Utusan Melayu (1974-1976) om Berita Harian (1976-1985). Ointutunan yau sabaagi songulun monunuat novel om nakapaasil no isido 19 novel. Pinoburu nogi disio tinori kreatif dau id suang gana suniba, skrip drama rodiu, buuk tangaanak, hiis om loyuk. Buuk sinding tangaanak dau i kiuhu "Sayang Sayang" nopili do International Board on Books for Young People - IBBY sabaagi Daftar Kehormat (Honour List) id Basel, Switzerland (2002) om "Semerbak Poetry" id Macau, China (2006). Pinotilombus disio o rahi dau id suang koponuatan loyuk i minongunsub dau poposoliwan karya wagu dau i kiuhu "Putera-puteri Malaysia".

Nokosiliu do drama televisen o piipiro suniba om novel di Khadijah.^[1] Miagal do novel "Mawar Merah di Jambangan", "Sekapur Sirih Segeluk Air", "Di Tepi Pagar", "Badai Semalam", om " Dekat Disayang Jauh Dikenang". Pinosiliu do filim televisen o novel "Laila Azwa Gadisku". Pinosoiliu do filim nogi novel "Mira Edora" om "Pelangi Pagi" miampai uhu "Mira Edora" om "Bicara Hati".^[2]

"Badai Semalam" (1968) nopo nga novel kumoiso dau om bobos ointutunan om noguno nogi sabaagi buuk teks id Singapura om Malaysia^[3]. Pinadalin di Mahani Abdul Hamid o novel diti id Boros Inggeris, "Storms of Yesterday" ontok 1991 om pinadalin nogi di Alberto Balanza om i Yahia o novel diti id boros Sepanyol, "Tormentos del ayer" ontok 2010. Mingguli pinosoliwan o "Badai Semalam" om bobos kawawagu nopo nga pinosoliwan do Alaf21 ontok 2006 id suang siri novel nostalgik. Pinosoliwan nogi Institut Terjemahan Negara Malaysia kawagu o versi Inggeris ontok 2009 id siriba do Siri Ponuatan Malaysia^[4].

Nakaanu do wawa' ponginsamod ginawo o novel "Merpati Putih Terbang Lagi" id suang piboi'an monuat kohopod toun do kinagabasan Malaysia. Pinadalin di Tatsun Hoshino o novel diti id boros Jepun. Ontok 1997, nakacalun o novel "Exiled" montok Gaa' Ponuatan Dublin IMPAC Sompomogunan (International IMPAC Dublin Literary Award). Nakalantoi nogi o novel dau i kiuhu "Langkah Pertama" montok Gaa' Buuk Tangaanak Mobil-MABOPA ontok 1995. Khadijah nopo nga songulun mononorimo do Gaa' Monunuat Ponongsiba Kosilahon ontok 1999 om nopupusan dau o Program Ponuatan Sompomogunan id Universiti Lowa ontok toun 1994. Pinadalin do Institut Terjemahan Negara Malaysia (2009) o siri buuk tangaanak dau kumaa boros Inggeris, miagal do "Siri Lagenda", "Siri Aura dan Fauna", om "Siri Teladan dari Rimba".

Sukuon

↑ "The Star Online June 13, 2008". Archived from the original on 11 Gumas 2012. Linoyog ontok 30 Manom 2021.
↑ The News Straits Time, May 30, 2009
↑ Alaf21, Biodata Penulis, Badai Semalam, 2006
↑ Institut Terjemahan Negara Malaysia's web page

[1] "The Star Online June 13, 2008". Archived from the original on 11 Gumas 2012. Linoyog ontok 30 Manom 2021.

[2] The News Straits Time, May 30, 2009

[3] Alaf21, Biodata Penulis, Badai Semalam, 2006

[4] Institut Terjemahan Negara Malaysia's web page

[1]

[2]

[3]

[4]